Samu 147:2 - The Keyagana NT and 25 OT books

² Ala kava neʼmoʼa Yulusalemu taonimo halate saufa taonimo nekiye. Agaemo kalavusi huʼa apateteʼa apavaliʼuʼa apateʼnaya vayaʼmo apavalelino eʼniye.

Samu 147:2 ပူးပေါင်းရင်းမြစ်များ

Samu 51:18

Saiyoni kotega vayaʼaifeʼmo kagesamo afiteka hapa mao. Yulusalemu taonifi yafa lafi kegiʼyamo halate hisayafeʼmo hapa mao.

Aiyeya 56:8

Magoʼamogimo Isaleli vayaʼmo aliʼa hapafaiʼa apataleʼnae. Ala kava neʼmo Gotiʼa ani aliʼa hapafaiʼa apataleʼnaya Isaleli vayaʼmo agaetegamo apavalelineno alino anupa huno neʼapateya Gotiʼa Ala kava neʼmoʼa hunoʼaeʼmo, Agaeʼe aliʼa anupa huʼa maiʼnaya vayaʼeʼmo magoʼe vayaʼmo aliʼna anupa huʼna apategauve, huno huʼniye.

Aiyeya 62:7

Fiku yanageno maino haga legaiye. Agaefeʼmo keya aeta nunumuʼmo hume hume neʼvagenoʼaeʼmo agaemo Yulusalemu taonimo alino lokiya vaino atesigeʼa ma mopafi vayaʼmogimo taonimo agiʼaleʼmo aliʼa asaga huʼa ategae.

Neniyo 9:25

Ani kava hugiyaʼmofeʼmo kagaemo afole aisiya kavaʼmo afiteka ago. Halate Yulusalemu taonimo utapa kiyo, huno hisiya afinaʼmo seveniʼa sotamo afole aiteno sigisiti tuʼa sotamo afole aitesigeno Mesaiya vekamo yagaino apatesiya vekamoʼmo aliʼyaʼamo aepa faino aligiye. Hogoteno seveniʼa sotamo afole neʼaisigeʼapaeʼmo alopa hanageke yaʼmo afole aisiya afinaʼmo Yulusalemu kaʼe yafa kegiʼyaʼeʼmo hugae.

Maika 4:6

Ala kava neʼmoʼa hunoʼaeʼmo, Ani afinaʼmo nagaemo alagepa huʼa umenitata nosaya vayanagi hapafaiʼna apataleʼnova vayanagi kana yaʼmo aliʼna apamiʼnova vayanagi huʼna aliʼna anupa huʼna apategauve.

Matiyu 16:18

Pitagamo maiʼnananageʼna siosiʼnimo ani yafateʼmo faiʼna ateteʼna kime kime neʼvisugeʼa vayaʼnimogi Satani lafi kegiʼya kitaʼamo aeʼa yakiʼa uʼa haigae.