Samu 147:14 - The Keyagana NT and 25 OT books

¹⁴ Agaemo mopatapileʼmo alagepa huno yagaino nelapategeʼapaeʼmo vagaʼmogi eʼa lapakaeʼeʼmo kame osuʼnageta alagepa hutapa maiʼnae. Alagepa hogote vitimo hoyafatiʼmo alino afole aino neʼategetapa lapakaemo netapa lapamu nehae.

Samu 147:14 ပူးပေါင်းရင်းမြစ်များ

Samu 122:6

Yulusalemu vayaʼmo alagepa huʼa maiʼa haga lesayafeʼmo nunumuʼmo hutapa apateyo. Yulusalemu taonieʼmo hapauʼnisiya vayaʼmogimo alagepa huʼa maiyo.

Samu 29:11

Ala kava neʼmoʼa vayaʼamo lokiyaʼamo apamino. Ala kava neʼmoʼa vayaʼamo alino auleno apateno.

Samu 81:16

Lapakaemo geʼnimo akame huʼnaesinana alagi kanale neʼyaʼmo lapamige hogote yafakana vekatapimo lume anuʼamo lapamige huʼnogeno lapaipafiʼmo lapamu hiyesine.

Aiyeya 66:12

Ala kava neʼmoʼa ina gemo hunoʼaeʼmo, Afiyo, huno, Alopa aniʼmo uno nelamiya kava huʼna alagepa huta maisaya yaʼmo mafaʼne anagaʼamo lapamiguve. Aniʼmo uno nelamiya kava huʼna malaga vayaʼmogi kagemi yaʼapimo lapamiguve. Ani afinaʼmo nuʼaleʼmo neʼnesageno lapanu kilino ugiye. Agaemo lapavaleno aluteʼmo lapateteno alino alagepa huno lapategaiye.