Samu 146:7 - The Keyagana NT and 25 OT books

⁷ Agaemo vayaʼai apaiyafiʼmo maiʼnaya vayaʼaitegamo fatago kavaʼmo nehiye. Ala kava neʼmoʼa apaka neteya vayaʼaina neʼyaʼmo apamige kalavusi huʼa apateʼnaya vayaʼmo hatu maeno apatege nehiye.

Samu 146:7 ပူးပေါင်းရင်းမြစ်များ

Samu 10:18

Aliʼa afepi apateʼnaya vayaʼe hapa noʼmaya vayaʼmogiʼeʼmo kagaefeʼmo keya aeʼa ge hisageka afitekaeʼmo alagepa huka alika fako huka apategane. Ma mopafi vayaʼmogimo magoʼe huʼa aliʼa afepi oʼapatesayafeʼmae.

Samu 103:6

Ala kava neʼmoʼa aliʼa afepi apateʼnageʼa maiʼnaya vayaʼmo hapa maeteno apakaiʼapi yakeʼmo alisayafeʼmo apamigiye.

Samu 12:5

Ala kava neʼmoʼa hunoʼaeʼmo, apakaemo kagemi yaʼapimo ohaneʼniya vayaʼmo aliʼa afepi neʼapatae. Kafu huteʼa alagepa huʼa noʼmaiya vayaʼmogimo ha ha nehayaʼmofeʼmo he tiʼna hapa maegauve. Afaʼa maisayafeʼmo hapauʼniyanageʼna hapa maeteʼna aliʼna alagepa huʼna apategauve, huno huʼniye.

Samu 136:25

Agaemo muki vayaʼaina neʼyaʼmo apamige afu anagaʼaina apamige nehiye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 142:7

Kagaemo nagaemo kagikaleʼmo aliʼna asaga hisuvafeʼmo nagupi mafaʼnemo kalavusifatiʼmo alika katika ato. Kagaemo nagaetegamo lusi kava huka alagepa kavaʼmo huganaʼmofeʼmo fatago vayakamo aliʼa anupa hisaya folagapiʼmo maiguve.

Samu 68:6

Agaemo magokeʼatomo neʼmaiya ve aʼnemo alagepa huʼa maisayafeʼmo afamo anagaʼmo neʼapamiye. Agaemo kalavusifiʼmo maiʼnaya vayaʼmo hatu maeno neʼapateyaʼmonanafa ge noʼafiya vayaʼmo kaʼme kotegamo maigae.

Samu 68:7

O Gotiyo, huʼna, Kagaemo akeyaʼvilagamo vayakaleʼmo uka hogoteteka apavalelika kaʼme kotegamo eʼnane.

Samu 72:4

Kini vekamoʼmo kagemi yaʼapimo ohaneʼnisiya vayaʼmo hapa maege kafu hisaya vayaʼmo hapa maege huteno apakaetegamo hosu kavaʼmo nehaya vayaʼmo apamagiteno alino afepiʼmo apategaiye.

Samu 9:16

Ala kava neʼmoʼa anonaʼapilefeʼmo apamiʼniya kavatetiʼmo alagepa kavaʼamo alino apave liʼniye. Hosu vayaʼmogi hosu kavaʼapilefeʼmo apakaiʼapigeʼmo hapaeʼnae.

Aiyeya 61:1

Ala kava neʼmoʼa kagemi yaʼapimo ohaneʼnisiya vayaʼaifeʼmo alagepa faigoko gemo aeʼna hakalo huʼna hapa paisuvafeʼmo nagenopafiʼmo uvelimo ago lakino nateʼniyaʼmofeʼmo Ala kava neʼmo Aunemeʼamo emineno nagaeteʼmo maiʼniye. Agaemo alino nateʼnigeʼna eʼna hosu kavaʼapieʼmo apaipamoʼmo kana nehiya vayaʼaina aliʼna hapageʼna apatege kalavusifi maiʼnaya vayaʼaifeʼmo huʼnaeʼmo, hatu maeʼna lapateʼnove, huʼna hapa paige seli nofitetiʼmo kino apateʼniya vayaʼaifeʼmo huʼnaeʼmo, kalavusifatiʼmo afaʼa ugae, huʼna hapa paige hisuvafeʼmo alino nateʼnigeʼna eʼnove.

Malakai 3:5

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, nagaemo emineʼna lapaopaleʼmo maiʼneʼna aliʼna fako huʼna lapategauve. Nagaemo hosu apaune vayaʼaifenagi kumai kavaʼmo nehaya vayaʼaifenagi, agoti huʼa apateʼapaeʼmo aigofe gemo nehaya vayaʼaifenagi aliʼyaʼmo afoʼamogimo aliʼyaʼapimo neʼaliya vayaʼmogi monimo lagauʼa neʼaliya vayaʼaifenagi kogu aʼne anagaʼmo humi apateteʼa moniʼapimo kumayaʼmo neʼaliya vayaʼaifenagi megusa mafaʼne anagaʼaitegamo hosu kavaʼmo nehaya vayaʼaifenagi alu kotegatiʼmo eʼnaya vayaʼmo aliʼa falu fala huʼa noʼapataya vayaʼaifenagi huʼna muki nehaya kavaʼapieʼmo agotileʼmo faigoko gemo huguve. Nagaefeʼmo koli huteʼa naiyafi oʼmaiʼnayaʼmofeʼmae, huno hapa paiʼniye.

Luki 1:53

Apaka neteya vayaʼmo alagepa yaʼmo lusi kava huno neʼapamigeʼa neʼa apamu nehae. Neʼapamiyaʼmonanafa kagemi yaʼapimo haneʼniya vayaʼmo oʼapamino hapa faino apatalegeʼa afaʼa neʼvae.

Luki 4:18

Agaemo kagemi yaʼmo oʼaliʼnisaya vayaʼaifeʼmo alagepa faigoko gemo aeʼna hakalo huʼna hapa paisuvafeʼmo uvelimo ago lakino nateʼniyaʼmofeʼmo Ala kava neʼmo Aunemeʼamo emineno nagaeteʼmo maiʼniye. Agaemo alino nateʼnigeʼna emineʼna hosu kavaʼapieʼmo apaipamo kana nehiya vayaʼaina aliʼna hapageʼna apatege kalavusifi maiʼnaya vayaʼaifeʼmo huʼnaeʼmo, hatu maeʼna lapategauve, huʼna hapa paige apaulagamo ali huʼniya vayaʼaifeʼmo huʼnaeʼmo, agetapa ayakeyo, huʼna hapa paige aliʼa afepi apateteʼa huʼa apami neʼmalaya vayaʼmo hatu maeʼna apatege

Luki 9:17

neʼa apamu huʼnae. Neʼa apamu huteʼa ataleʼnaya atupaʼamo aliʼa tuolofuʼa hona yuvapafiʼmo maleʼa havaiteʼnae.

Apa 16:26

Maiʼnagenoʼaeʼmo malage huno lusi imimaʼmo aliteno noʼmo faiʼa ateʼnaya yafaʼmoʼa lusi kava huno uti uti aiʼnigeno muki kitaʼamo malage huno ago aino yakiʼnigenoʼaeʼmo kalavusi huʼa apateʼnaya vayaʼai seli nofiʼmo aino hatu maeʼniye.

Apa 5:19

Apateʼnayaʼmonanafa mago Ala kava neʼmo enisole vekamoʼmo haniʼilagamo emineno kalavusi nopi kitamo yakino apavalelino uno lamino kumateʼmo apateʼnenoʼaeʼmo,