Samu 145:9 - The Keyagana NT and 25 OT books

⁹ Agaemo muki vayaʼaitegamo alagepa kavaʼmo huteno muki alo hu maleʼniya yategaʼeʼmo hau huno neʼapate.

Samu 145:9 ပူးပေါင်းရင်းမြစ်များ

Aepa Gemae 9:10

Nagaemo muki afaʼa neʼmaiya yaʼapimo haneʼniya yaʼenagi huʼna hu malove. Muki namagi yagagafagi yuna afugi afela afugi huʼa muki sipifatiʼmo ataleʼa emiʼeʼnaya yaʼaʼeʼmo kotalakemo hu malove.

Samu 100:5

Ala kava neʼmo alagepa vekamo maiʼniyaʼmofeʼmae. Agaemo lagaefeʼmo hau ayamopafiʼmo haume haume neʼviya kavaʼamoʼmo hauno hano osuno muki afinaʼaeʼmo nehaiye. Lama gemo hunoʼaeʼmo, lapa maeʼna lapamiguve, huno huʼniya geʼamo alagi oʼataleno akame huno muki hemenimo maiʼnaya vayaʼaitegaʼe aliʼa apateme apateme visaya vayaʼaitegaʼeʼmo ani agufa kavaʼmo afaʼa hugiye.

Samu 104:27

Mukiʼamogimo kagaemo neʼyaʼmo apamisanafeʼmo apaka te; nigeʼa kagava neʼmaiye.

Samu 25:8

Ala kava neʼmo alagepa fatago vekamo maiʼniyaʼmofeʼmo hosu vayaʼmogi alagepa kateʼmo visayafeʼmo alino apaya malegaiye.

Yona 4:11

Ani kava huʼna Niniva vayaʼaifeʼmo nahau huʼna apateʼnove. Niniva taonifiʼmo lusi asole nute mafaʼne anagaʼmo vani hataleti tuveti tauseniʼamo (120,000) maige asole afumo maige huʼnae, huno ha paiʼniye.

Neyomi 1:7

Ala kava neʼmoʼa alagi alagepa vekamo maiʼniye. Agaemo vayaʼamo kana yaʼmo neʼaliya afinaʼmo fala nekiya koʼapigana huno maiʼneno alagepa huno yagaino neʼapate. Agaefeʼmo aliʼa amufa neʼamiya vayaʼaifeʼmo, Vayaʼnimo maiʼnae, huno apakeʼniye.

Matiyu 5:45

Lapakaemo kokuʼnapi Afotapimokana hutapa maisayafeʼmo ani agufa kavaʼmo hiyo. Agaemo hosu vayaʼaitegaʼe alagepa vayaʼaitegaʼeʼmo, yegemo lo, huno nehigenoʼaeʼmo apakaeteʼmo yegemo nele. Agaemo fatago kavaʼmo nehaya vayaʼaitegaʼe fatago kavaʼmo nosaya vayaʼaitegaʼefeʼmo koʼmo aiyo, huno nehigenoʼaeʼmo apakaeteʼmo koʼmo neʼaiye.

Apa 14:17

Gotiʼa maiʼniye, huʼa apakesamo afisayafeʼmo alagepa kavaʼmo nehiye. Gotiʼa hunoʼaeʼmo, ko aiyo, huno nehigenoʼaeʼmo koʼmo neʼaigeno kanale neʼyaʼmo hoyafatiʼmo alino hageno ateʼnigeʼapaeʼmo aliʼa neteʼa apamogaga neʼaiye, huʼana hapa paiʼnaʼae.

Apa 17:25

Gotiʼa muki yaʼamo haneʼniya vekamo maiʼniyaʼmofeʼmo vayaʼmogi mago yaʼmo ha maeʼa amisafiye. Haʼao, agaiʼageʼmo hapa maeno apavamusanagi afaʼa neʼmaiya yanagi muki yanagi huno neʼapamiye.