Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Samu 145:17 - The Keyagana NT and 25 OT books

17 Ala kava neʼmoʼa muki afinaʼmo ani kavaʼmo nehunoʼaeʼmo fatago kavaʼmo huge yagu yaga kavaʼmo huge nehiye.

အခန်းကိုကြည့်ပါ။ ကော်ပီ




Samu 145:17
23 ပူးပေါင်းရင်းမြစ်များ  

Kagaemo fatago vayaʼe hosu vayaʼeʼmo magokepiʼmo alika lokaeka kamitimo apamagisanafeʼmo nehana kavaʼmo kagaemo alagi nosana agufa kavaʼmo hugane. Kagaemo fatago vayaʼaitegaʼe hosu vayaʼaitegaʼeʼmo magoke aiyaya kavaʼmo nosane. Kagaemo ma mopafi vayaʼmo alika fako nehana yasi vekamogamo fatago kavaʼmo alagi osugapiye, huno huʼniye.


Ala kava neʼmoʼa aliʼa afepi apateʼnageʼa maiʼnaya vayaʼmo hapa maeteno apakaiʼapi yakeʼmo alisayafeʼmo apamigiye.


Hani huʼniya yapiʼmo ha le yaʼmoʼa fatago vekalefeʼmo aeno ha legaiye. Agaemo fiku hapa maeno apamige hau huno apatege vayaʼaitegamo hapauʼniya kavaʼmo huge fatago kavaʼmo huge nehiye.


Ala kava neʼmoʼa fikumo hapa maeno apamige fatago kavaʼamo huge nehiye. Gotitimoʼmo hau huno nelateya vekamo maiʼniye.


Kokuʼnapiʼmo maiʼnaya vayaʼmogimo huʼapaeʼmo, alagi fatago vekamo maiʼniye. Agaiʼageʼmo alino fako huno apategaiye, huʼa hugae.


Kini vekamo maiʼneka fatago kavaʼmo huka alagepa huka alika fako huka apateteka yagaika neʼapatane. Kahau huka apatege lama geʼageʼmo huge huka maiʼnane.


Hiyaʼmoʼe haniʼmoʼeʼmo faino vego huno neʼate. Agaemo alagepa huno alino fako huteno fatago kavaʼaletiʼmo yagaino neʼapate.


Lapakaemo eta agotileʼmo getapimo aeta hakalo hiyo. Magokepiʼmo maiʼnetapaeʼmo ge huge afige hutapa maiyo. Ina laʼmo afole aisiya kavafeʼmo akeyavilagamo aeno hakalo huʼniye. Nagaiʼnigeʼmo aeʼna hakalo huʼna hapa paiʼnofiye. He, alu gotiʼmo oʼmaiʼniye. Nagaemo fatago kavaʼageʼmo nehuva Gotiʼnamo apakufamo aliʼna katiʼna neʼapatova Gotiʼnamo maiʼnove. Alu gotiʼa alagi oʼmaiʼniye.


Nehayaʼmonanafa Ala kava neʼmo fatago vekamo Yulusalemu taonimo folagapiʼmo maiʼneno hosu kavaʼmo alagi nosiye. Muki neteʼae neteʼaeʼmo vayaʼmogi kavaʼapimo alagepa huno alino fako huno neʼapate. Muki afinaʼaeʼmo fatago kavaʼageʼmo huno alino fako huno apatesiyafeʼmo haino me notaleyaʼmonanafa fatago kavaʼmo nosaya vayaʼmogimo hosu kavatapieʼmo apavagage nosiye.


Ageʼnovana kokuʼnaʼmo halo aiʼnigeno naulagaleʼmo yaveyave hosimo maiʼnigeno ani hosileʼmo fai maiʼniya vekamo agiʼamo aliʼyaʼmo alagi oʼataleno alige gemo oʼataleno huge nehiya vekamae. Mago alu agiʼamo alagi lama geʼageʼmo nehiya vekamae. Agaemo fatago kavaʼaletiʼmo vayaʼai kavaʼapimo alino fako huno apatege kame huno apatege nehiye.


Alagi lama ge huno fatago kavaʼmo huno alino fako huno neʼapate. Agaemo magoʼe huno kumai kavaʼmo huteno monimo neʼaliya a kanomo agoti huno ateʼniye. Ani a kanomoʼa kumai kavaʼmo hutenoʼaeʼmo muki ma mopafi vayaʼmo alino hosu huno apateteno Goti aliʼyaʼamo neʼaliya vayaʼamo kamitimo apamagiʼnigenoʼaeʼmo anonaʼalefeʼmo kayoʼmo amiʼniye, huʼa huʼnae.


Loleʼe loleʼe vayaʼmogimo sigisiʼa hapakumo haneʼnigeno muki apakufafiʼmo apaulagamo haneʼniye. Muki afinaʼmo felugaʼe haniʼilagaʼeʼmo maiʼa haga oleʼa huʼapaeʼmo, Ala kava neʼmo Gotiʼa muki himamuʼamo aliʼniya vekamo aote vekamae aote vekamae aote vekamo maiʼniye. Hogoteno maiʼniyanageno hemeniʼeʼmo neʼmaiyanageno henagaʼamo alagi maige maige huno maigiye, huʼa huʼnae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ