Samu 143:8 - The Keyagana NT and 25 OT books

⁸ Kagaefeʼmo aliʼna amufa nekamuvaʼmofeʼmo netepiʼmo nagaefeʼmo kahau kayaʼmopafiʼmo kahauge kahauge huno neʼmaiya kavafeʼmo nagesamo afisuva kavaʼmo huvo. Nunumuʼmo huʼnaeʼmo nagupi mafaʼnemo kagaetefeʼmo aliʼna asaga nehuvaʼmofeʼmo visuva kaʼmo alika nave liyo.

Samu 143:8 ပူးပေါင်းရင်းမြစ်များ

Samu 119:34

Alagepa nagesamo afisuva yaʼmo alika namigeʼnao keʼaepa gekamo akame hino. He, muki naipafatiʼmo akame huguve.

Samu 119:73

Kagaemo kayatetiʼmo nagupi mafaʼnemo alo huka nateteka nagufamo alo huka nateʼnane. Hiyo, huka laha paiʼnana gemo afisuva nagesamo namiyo.

Samu 143:10

Kagaemo Gotiʼnimogamo maiʼnanaʼmofeʼmo kahauʼniya kavaʼmo hisuvafeʼmo alika naya malo. Kaumekameʼmo alagepa aunemeʼmo maiʼnenoʼaeʼmo alagepa kateʼmo alino api aino nateno.

Samu 25:20

Nagupi mafaʼneleʼmo yagaika ateʼneka hosu kavategatiʼmo navalelikuka naote nato. Nagaemo kagaefekeʼmo aliʼna amufa kamiʼnovaʼmofeʼmo navagage osino.

Samu 27:11

Kame vayaʼnimo maiʼnayanagi kagae kaʼmo nave ligeʼna agetesugeka ani kateʼmo navalelika uvo.

Samu 30:5

Agaemo aise aise afinaʼmo aipamo neleyaʼmonanafa fikumo hapa maeno neʼapamiya vayaʼmogi maige maige huʼa maigae. Lagaemo haniʼilagamo aviʼyaʼmo hugunaʼmonanafa neteʼmo lamogaga aigune.

Samu 32:8

Gotiʼa hunoʼaeʼmo, nagaemo visana kaʼmo alagepa huʼna aliʼna kaya maleteʼnaeʼmo kave liguve, huno huʼniye. Naulagaletiʼmo visana kaʼmo kave liguve.

Samu 42:8

Nati kaeʼniyaʼmonanafa Ala kava neʼmoʼa aipamo falu huʼniya kavaʼaʼe hau ayamopafiʼmo hauʼniya kavaʼaʼeʼmo felugamo alino nave lisigeʼnaeʼmo haniʼilagamo yokemo huge afaʼa maisuva yaʼmo namiʼniya Gotifeʼmo nunumuʼmo huge huʼna maiguve.

Samu 46:5

Gotiʼa ani taonifiʼmo maiʼniyanageno ani taonimo afaʼa hanegaiye. Gotiʼa kotilamisiyapiʼmo eno taonifiʼmo maiʼnisaya vayaʼmo hapa maegaiye.

Samu 5:8

O, Ala kava nene, huʼna, kame vayaʼnimo maiʼnayaʼmofeʼmo fatago kavakafiʼmo nayateʼmo alika navalelika uvo. Naulagamo kakalekeʼmo alika api aika nato.

Samu 59:16

Keya neʼaeyaʼmonanafa nagaemo lokiyakalefeʼmo yokemo huguve. Muki neteʼae nateʼaeʼmo alopa gefatiʼmo kagaemo nagaefeʼmo kahauʼniya kavafeʼmo oʼatalesana kavafeʼmo yokemo huguve. Alu kana ya alu kana yaʼmoʼa nagaeteʼmo afole aiʼnigekaeʼmo kagaemo alagepa huka yagaika nateteka lokiya noʼnigana huka maiʼnanageʼna kagaepiʼmo alagepa huʼna maiʼnove.

Samu 90:14

Muki afinaʼmo lamogaga aige amuse huge huta maisunafeʼmo muki afinaʼmo neteʼae neteʼaeʼmo olataleka kahau huka lato.

1 Samiyo 23:12

Neviniʼmo halate magoʼe huno ge huno afinoʼaeʼmo, Keyila taonifi vayaʼmogimo nagaeʼe vayaʼniʼeʼmo lavaleʼa Soloʼmo amigafiye, huno afi geʼnigeno Ala kava neʼmoʼa hunoʼaeʼmo, Apakaemo lapavaleʼa Soloʼmo amigae, huno ha paiʼniye.