Samu 143:11 - The Keyagana NT and 25 OT books

¹¹ O Ala kava nene, huʼna, kagikalefeʼmo alika he tika nato. Fatago kavakalefeʼmo kana yapatiʼmo nagupi mafaʼnemo alika katika nato.

Samu 143:11 ပူးပေါင်းရင်းမြစ်များ

Samu 119:107

O Ala kava nene, huʼna, lusi kana yaʼmo aliʼnovanagi kaha maegauve, huka huʼnana gekalefeʼmo alika he tika nato.

Samu 119:25

Nagupi mafaʼnemo asagauno aiteno mopafiʼmo maiʼniye. Lapa maegauve, huka huʼnana gekamo akame huka alika he tika nato.

Samu 119:37

Alu yaʼmo aulu haeʼna neʼagesugekaeʼmo alika aika afe leka nato. Kagae kateʼmo neʼvisugekaeʼmo alika he tika nato.

Samu 119:40

Namiʼnana gekaeʼmo nahaʼye nehiye. Fatago kavakaletiʼmo alika he tika nato.

Samu 119:88

Nagaemo kavayafatiʼmo huʼnana keʼaepa gekamo akame hisuvafeʼmo muki afinaʼaeʼmo kahau kayamopafiʼmo nekahaiya kavakaletiʼmo alika he tika nato.

Samu 138:7

Nagaemo hanageke kavaʼmo hisaya folagapiʼmo maiʼnisuvaʼmonanafa nauneʼnameʼnimo alika he tika ategane. Kagaemo nageteka lokiya kavakaletiʼmo apaipamo neleya kame vayaʼnimo apamagiteka apayapatiʼmo nagufamo alika katika nategane. Lamaga kayatetiʼmo alika katika nategane.

Samu 143:1

O Ala kava nene, huʼna, kagaemo nunumu geʼnimo afiyo. Naha maesanafeʼmo aukaya huʼna ge nehuva geʼnimo kagetafo huka afiyo. Kagaemo fatago vekamogamo muki afinaʼaeʼmo alagi lama geʼageʼmo nehana vekamogae, huʼna, nunumu geʼnimo afiteka naha mao.

Samu 25:11

O Ala kava nene, huʼna, ala kagikalefeʼmo hosu kavaʼnimo alika atalo. Asole hosu kavaʼmo huʼnovaʼmofeʼmo alika atalo.

Samu 25:17

Naipafiʼmo haneʼniya kana yaʼnimoʼa magoʼe huno kositeno afole aiʼniyanagi hanageke yapatiʼmo nagufamo alika katika nato.

Samu 31:1

O Ala kava nene, huʼna, Kagaefekeʼmo aliʼna amufa kamiteʼna maiʼnove. Kagaemo nagaemo mago afinaʼmo navagage hisuvafeʼmo oʼnatalo. Kagaemo nehana fatago kavakaletiʼmo hosu kavategatiʼmo navalelika eno.

Samu 34:19

Alagepa vayaʼmogimo lusi hanageke yaʼmo neʼaliyaʼmonanafa Ala kava neʼmoʼa muki hanageke yapatiʼmo apakufamo alino katino neʼapate.

Samu 85:6

Faligekana huta maiʼnonanagi halate alika he tika olategapiye. Vayakamogimo kagaefekeʼmo apamogaga aisayafeʼmae.

Hamakaki 3:2

O Ala kava nene, huʼna, lokiyakaletiʼmo huʼnana kavafeʼmo ava gemo afiteʼnaeʼmo nahau aiteʼna maiʼnove. Huʼnana kavakamo hemeniʼeʼmo halate huvo. Maiʼnona afinaʼmo afole yateʼmo alika afole aika ategeʼa ageyo. Kaipamo leka nelatanaʼmonanafa kaipamoʼmo afaʼa falu huʼninageka kaipamo falu huka lateteka kahau huka lato.