Samu 143:10 - The Keyagana NT and 25 OT books

¹⁰ Kagaemo Gotiʼnimogamo maiʼnanaʼmofeʼmo kahauʼniya kavaʼmo hisuvafeʼmo alika naya malo. Kaumekameʼmo alagepa aunemeʼmo maiʼnenoʼaeʼmo alagepa kateʼmo alino api aino nateno.

Samu 143:10 ပူးပေါင်းရင်းမြစ်များ

Samu 118:28

Gotiʼnimogamo maiʼnananageʼna kahao ke hegauve. Gotiʼnimogamo maiʼnananageʼna ala kagikamo kamiguve.

Samu 119:12

O Ala kava nene, huʼna, alagi aulena Gotigamomaiʼnane. Avoʼmo kae maleʼnaya keʼaepa gekamo alika naya malo.

Samu 119:35

Hiyo, huka laha paiʼnana gekaeʼmo namogaga neʼauvaʼmofeʼmo ani kateʼmo uʼneʼna hisuva naipamo alika kalika nato.

Samu 139:24

Naipafiʼmo hosu kavaʼnimo haneʼnifigi ageteka alagepa huʼna maige maige huʼna maisuva kateʼmo navalelika uvo.

Samu 140:6

Nagaemo Ala kava nefeʼmo huʼnaeʼmo, Kagaemo Gotiʼnimogamo maiʼnane. O Ala kava nene, huʼna, Naha mao huʼna keya neʼaova geʼnimo afiyo.

Samu 22:1

Gotiʼnimogae Gotiʼnimogae, huʼna, na kava higekaeʼmo nataleka uʼnane. Naha mao, huʼna keya aeʼna ge nehuvaʼmonanafa na kava higekaeʼmo natalekuka afagiʼaleʼmo maiʼneka naha noʼmane.

Samu 23:3

Nagupi mafaʼnemoʼmo halate alino alagepa huno neʼate. Agaemo agiʼalefeʼmo fatago kavaʼmo hisuvafeʼmo alu kate alu kateʼmo navalelino neʼviye.

Samu 25:12

Ala kava nefekeʼmo koli nehaya vayaʼmo ina lagimo maiʼnae. Ala kava neʼmoʼa afaʼa alino apaya malesigeʼa alagepa kateʼmo ugae.

Samu 27:11

Kame vayaʼnimo maiʼnayanagi kagae kaʼmo nave ligeʼna agetesugeka ani kateʼmo navalelika uvo.

Samu 31:14

O Ala kava nene, huʼna, Nehayaʼmonanafa nagaemo kagaefeʼmo aliʼna amufa nekamuve. Nagaemo huʼnaeʼmo, Gotiʼnimogamo maiʼnane, huʼna nehuve.

Samu 63:1

O Gotiyo, huʼna, Gotiʼnimogamo maiʼnane. Kagesuvafeʼmo kotilamisiyapiʼmo kahauya huguve. Nauneʼnameʼmoʼa kagaefeʼmo nehaiye. Aniʼmo ohaneʼniya koteʼmo maiʼneʼnaeʼmo vayaʼmogimo anifeʼmo nehapaiya kava huno kagaefeʼmo neʼnahaiye.

Aiyeya 63:14

Pulumakamogi kagoʼmufilagamo uʼa lamiʼa maiʼa falu nehaya kava huʼa maiʼa haga lesayafeʼmo apavaleliʼa neʼvaya kava huno Goti Aunemeʼamoʼmo Goti vayaʼamo maiʼa haga lesayafeʼmo apavalelino ugiye. Kagaemo ha le konali kagikamo alisanafeʼmo ani kavaʼmo huka apavalelika uʼnane.

Maika 4:2

Asole nofi vayaʼmogi eʼa huʼapaeʼmo, Egetao, Ala kava neʼmo aote aveleʼmo uta haigune. Yekopu Gotiʼamo mono noʼafiʼmo uta haisunageno hauʼniya kateʼmo visunafeʼmo alino laya malesigeta kaʼaleʼmo uteta hugune. Keʼaepa gemo Saiyoni aveletiʼmo uneno hugiye. Ala kava neʼmo geʼamo Yulusalemu taonifatiʼmo aino atagu faeno uneno hugiye.

Napa 9:22

Na magi afinaʼmo hiyaʼmoʼa seli mono noʼmo anaʼaleʼmo haneʼnifi lole afinaʼmo haneʼnifi magoke kaileʼmo haneʼnifi mago kafugamo haneʼnifi huʼnigeʼapaeʼmo Isaleli vayaʼmo oʼuʼa seli noʼapifiʼmo maiʼnae. Maiʼnayaʼmonanafa hiyaʼmo uno haiʼnigeʼapaeʼmo apakaeʼeʼmo ani koteʼmo uʼnae.

Matiyu 28:20

Aniʼmo faleta apatetetapaeʼmo muki ma kavaʼmo hiyo ina kavaʼmo hiyo, huʼna lapa paiʼnova gemo akame hiyo, hutapa alita apaya maleyo. Lama gemo lapa nepauve, huno, nagaemo lapakaeʼeʼmo magokepi lokaeʼna maime maime neʼvisugenoʼaeʼmo ma mopaʼe kokuʼnaʼeʼmo hano hisiya afinaʼmo afole aigiye, huno hapa paiʼniye. He, lama ge.

Yoni 14:26

Hemenimo lapa nepauvaʼmonanafa muki yaʼmo Afoʼamoʼmo aote Aunemeʼamoʼmo lapa maesiya vekamo nagiʼniletiʼmo alino atesigeno lapakaetegamo emineno muki geʼamo alino lapaya maleteno lapaipa lapakesamo alino he tino lapatesigetapa lapa nepauva geeʼmo lapakesa afita ho hugae.

Lomu 15:13

Hemenimo Gotifeʼmo lapavayagunagu hutapa agava neʼmaiya kavaʼmo aepa vekamoʼmo magoʼe huno lapa maeno lapamisigetapa agaefeʼmo lapakesamo afita fatago nehutapaeʼmo magoʼe hutapa lapamogaga aisageno lapaipamoʼmo falu hugiye. Aote Aunemeʼamo himamuʼaletiʼmo magoʼe hutapa lapavayagunagu hutapa agava maisayafeʼmae.

Lomu 15:30

Konagaʼnimogitapae, huʼna, Lahapao ke hovanagi, Ala kava netimo Yesu Kalaisifeʼmo lahapau lahapayamopafiʼmo lahapauʼnigetapa Goti Aunemeʼamoʼmo lapaipafiʼmo aliʼyaʼmo aliʼnigetapa Goti mafaʼneʼaeʼmo lahapau lapayamopafiʼmo nelahapaiyaʼmofeʼmo lapayamukiki hutapa naha maeta nunumuʼmo hutapa nateyo.

Lomu 5:5

Gotiʼa aote Aunemeʼamo lamiʼnigeno Aunemeʼamoʼmo Gotiʼa lagaefeʼmo hau ayamopafiʼmo hauʼniya kavaʼamo laipafiʼmo ago alino laki maleʼniye. Lakiʼnigeta ageʼnonaʼmofeʼmo lavayagunagu huta agava neʼmauna kavatefeʼmo laipamoʼmo kana hisigeno hosu laipamo okaligiye.

Lomu 8:2

Na kava hinagenoʼaeʼmo agoti huno lateteno falisuna agufa kayoʼmo olamigiye. Keʼaepa gemoʼa hosu kavaʼe nefali kavaʼeʼmo alino afole aino neʼateyaʼmonanafa Kalaisi Yesupiʼmo maiʼnonagenoʼaeʼmo Goti Aunemeʼamoʼmo afaʼa maisuna yaʼmo nelamiya Aunemeʼamoʼmo alagepa faigoko geʼaletiʼmo keʼaepa gefatiʼmo ago hatu maeno nateʼniye.

Lomu 8:26

Goti Aunemeʼamoʼmo ani kavaʼmo huno lagaemo lokiya oʼvaiʼnona vayaʼmo laha neʼmae. Lagaemo haiya kavafeʼmo nunumuʼmo hisupi huta oʼafiʼnonaʼmonanafa Goti Aunemeʼamoʼmo agaiʼamo laha neʼmaegeta lavayaʼaletikeʼmo ge osuta laipafatiʼeʼmo yulagefa aigekana agufa gemo huta nunumuʼmo nehune.

Efasasi 4:30

Gotiʼa henagaʼamo lapavalesiya afinafeʼmo Aunemeʼaletiʼmo lapakaeteʼmo alagena kavaʼamo ago hu maletenoʼaeʼmo, mafaʼneʼnimo maiʼnae, huno huʼniyaʼmofeʼmo Aote Aunemeʼamoʼmo aipamoʼmo kana hisiya kavaʼmo osiyo.

Efasasi 5:9

Goti Aunemeʼamoʼmo alagamo neʼaesigetapaeʼmo alagepa kavaʼmo huge fatago kavaʼmo huge lama ge kavaʼmo huge hutapa maigae.

2 Timoti 1:7

Na kava nehiyaʼmofeʼmae. Gotiʼa lamiʼniya Aunemeʼamoʼmo laipafiʼmo aliʼyaʼmo neʼaligetaeʼmo lamoʼya oʼaita himamuʼamo aliʼneta lahau layamopafiʼmo lahauʼnigeta lagesamo neʼafuna kavateʼmo neʼyagaune.

Himulu 13:21

Muki alagepa kavafeʼmo kahauʼnisiya kavaʼmo hisayafeʼmo alagi alika alagepa huka apato. Yesu Kalaisitetiʼmo apaipafiʼmo aliʼyaʼmo aligeʼapao kahauʼnisiya kavaʼmo hiyo. Kagikaleʼmo alita asaga huta katesunageka ala kagi vekamo maige maige huka maiyo. He, lama ge.

1 Yoni 2:27

Humi lapatesayafeʼmo nehayaʼmonanafa Kalaisiʼa uvelimo lakino lapategekana huno Goti Aote Aunemeʼamo lapamiʼnigeno alagi maisiyafeʼmo lapaipafiʼmo maiʼniyaʼmofeʼmo mago vayaʼmogi aliʼa lapaya malesaya gemo ohaneʼniye. Goti Aunemeʼamoʼmo muki geʼamo ago alino lapaya maleʼniyaʼmofeʼmae. Ani gemo mago aigofe gemo ohaneʼnifa alagi lama gemo haneʼniye. Agaemo, Kalaisipiʼmo alagi maiyo, huno huteno alino lapaya maleʼniyanagetapa Kalaisipiʼmo alagi maigae.