Samu 142:6 - The Keyagana NT and 25 OT books

⁶ Alagi afepilagamo maiʼnovanagi kagaefeʼmo naha mao, huʼna keya aeʼna ge huʼnova gemo afiyo. Kame vayaʼnimogi lokiyaʼapimoʼmo lokiyaʼnimo aeno nagaseʼniyaʼmofeʼmo apayapatiʼmo nagufamo alika katika nato.

Samu 142:6 ပူးပေါင်းရင်းမြစ်များ

Samu 116:6

Ala kava neʼmoʼa apakimo ohaneʼnigeʼa afiteʼa oʼageʼnaya vayaʼaiteʼmo yagaino neʼapate. Hosu yaʼmo aliʼnogenoʼaeʼmo naha maeʼniye.

Samu 136:23

Agaemo alopa kana yaʼmo aliʼnona afinaʼmo lagaefeʼmo age okanino agesamo afiʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 143:3

Kame vekaʼnimoʼmo nagupi mafaʼnemo avegala aeteno ma mopafiʼmo alino ateʼniye. Agaemo hani kopiʼmo alino nateʼnigeʼna akeyaʼvilagamo faliʼnaya vayakana huʼna hani kopiʼmo maiʼnove.

Samu 143:7

O Ala kava nene, huʼna, Geʼnimo afiteka malage huka naha mao. Nauneʼnameʼnimo faligekana huno maiʼniye. Kagaemo nagaefeʼmo fala okiyo, fiku yanageʼna faliteʼa alopa kelifiʼmo uʼa lamiʼnaya vayakana huʼna maiguve.

Samu 17:1

O Ala kava nene, huʼna, Alagepa kavaʼnieʼmo ge hisugekaeʼmo geʼnimo afiyo. Kamalageka hisuvafeʼmo nunumuʼmo osuʼnovanagi kaipamo namiyo.

Samu 18:17

Agaemo lokiya kame vayaʼnimogi apayapatiʼmo nagufamo alino katino nateʼniye. Apakaemo nagaefeʼmo apaini huteʼa kame huʼa aeʼa nagaseʼnayaʼmofeʼmo naha maeʼniye.

Samu 27:13

Nagaemo ofaliʼna afaʼa maiʼnisugeno Ala kava neʼmoʼa alagepa yaʼamo namigiye, huʼna nagesamo afiʼna fatago nehuve.

Samu 3:1

Ala kava nene, huʼna, Vaehae, kame vayaʼnimo magoʼe magoʼe huʼa asole vayaʼmo afole aiʼnae. Asole vayaʼmo natale uʼa kame huʼa neʼnatae.

Samu 38:19

Apakaetegamo hosu kavaʼmo osuʼnogeʼa afaʼa neʼmaiya kame vayaʼnimogiʼeʼmo lokiya vayaʼageʼmo maiʼnae. Asole vayaʼmogimo nagaefeʼmo fikumo apaini nehae.

Samu 46:2

Ani kava huno maiʼniyaʼmofeʼmo imima alige avemo aino nakupaeno emineno solovala anipiʼmo asagauno aisigeno solovala aniʼmo aino holakau holakau hisigeno alopa agemo aige avemoʼa kanage huge nehisigetaeʼmo koli osugune.

Samu 59:3

Apakaemo apako fala kiʼa maiʼneʼa kamitimo namagisageʼna falisuvafeʼmo nehae. Apakaemo hosu kame vayaʼmo aliʼa anupa huʼa maiʼneʼa nagaeʼeʼmo kamemo hisayafeʼmo nehae. O Ala kava nene, huʼna, Apakaemo hosu kava anonaʼnilefeʼmo nosafa nagaetegamo fikumo hosu kavaʼmo hisayafeʼmo nehae.

Samu 79:8

Laginago vayaʼai hosu kavaʼapilefeʼmo lagaemo kayoʼmo olamiyo. Kametimogi aliʼa afepiʼmo lateʼnayaʼmofeʼmo malage huka kahau huka lato.

Samu 91:2

Nagaemo Ala kava nefeʼmo huʼnaeʼmo, agaepiʼmo fala kiʼna maiʼnogeno faino vego huno yagaino nateʼneno naha maeno nagufamo alino katino nateʼniya vekaʼnimo maiʼniye. Gotiʼnimoʼmo maiʼniyanageʼna aliʼna amufa amiguve.

Lomu 8:33

Ina laʼmo Gotiʼa lekana paino apateʼniya vayaʼmo apavalelinuno agoti huno apatetenoʼaeʼmo, ina hosu kavaʼmo huʼnae, huno hugiye. Haʼao, Gotiʼa apakaefeʼmo hunoʼaeʼmo, naulagaleʼmo fatago vayaʼmo maiʼnae, huno hapa paiʼniye.

Lomu 8:37

Muki ani agufa kavaʼmo lagaetegamo afole neʼaiyaʼmonanafa lagaefeʼmo hau ayamopafiʼmo nehaiya vekaletiʼmo hemenimo magoʼe huta kame huta aeta agaseta alagepa huta neʼmaune.

1 Samiyo 24:14

Isaleli vayaʼmogita kini vekae, huʼna, Kagaemo ina laʼmo avegala neʼane. Navegala neʼapiye. Nagaemo ina laʼnamae. Nagaemo ago faliʼniya kalagana huʼna maiʼnofiye. Nagaemo apakenopafi namagana huʼna maiʼnofiye.