Samu 142:3 - The Keyagana NT and 25 OT books

³ Nagaemo naipamoʼmo magoʼe huno kana huʼniya afinaʼmo neʼuva kaʼmo ago ageʼnane. Kame vayaʼnimogi nagae kateʼmo mago umenimoʼmo natafausiyafeʼmo ago fala ki maleʼnae.

Samu 142:3 ပူးပေါင်းရင်းမြစ်များ

Samu 1:6

Ala kava neʼmoʼa fatago vayaʼmogimo nehaya kavaʼapieʼmo apakeno amuse nehiyaʼmonanafa agaefeʼmo mono nosaya vayaʼai aliʼyaʼapimo alino hano huno atalesigeʼa alagi afela hegae.

Samu 140:5

Himuʼnamu vayaʼmogimo natafausiyafeʼmo aneʼaiʼmo hanagi malege kaʼnileʼmo umenimo malege nehae.

Samu 141:9

Nagaemo faika vego huka natesanageʼa hosu vayaʼmogimo umenimo fala ki maleʼnisageno oʼnatafaino.

Samu 143:4

Maiʼnovaʼmofeʼmo nagupi mafaʼnemo faligekana huno maiʼnigeʼnaeʼmo naipamoʼmo lusi kava huno kana huʼniye.

Samu 17:3

Naipaeʼmo amalageka huʼnane. Kagaemo haniʼilagamo eka nagetekaeʼmo namalageka huʼnanaʼmonanafa hosu nagesamo neʼafuva kavaʼnimo oʼageʼnane. Hosu gemo osuguve, huʼna nagoʼyamo ataleteʼna gemo huʼnove.

Samu 22:14

Aniʼmo aliʼa mopafiʼmo lakitalageno uno lamino hano nehiya kava huno lokiyaʼnimo alagi ohaneʼniye. Muki nayamufaʼnimo uno aeno haniʼniya nayamufamo aino hatu maeʼniye. Naipamoʼmo ani hegekana huʼniye.

Samu 31:4

Kagaemo lokiyaʼnimo maiʼnanaʼmofeʼmo fala kiʼa maleʼnaya umenifatiʼmo hatu maeka nato.

Samu 56:6

Apakaemo magokepi aliʼa anupa huteʼa fala kiʼa maiʼneʼapaeʼmo muki nehuva kavaʼnileʼmo yagaiʼa maiʼnae. Kamitimo namagisayafeʼmo fala kiʼa maiʼnae.

Samu 61:2

Ma mopamo atupaletiʼmo kagaefeʼmo ge huguve. Lusi kana yaʼmo alisugeno aino nati kaesiya afinaʼmo navalelika uka haika yafateʼmo faika nato. Nagaemo afepiʼmo maiʼnovanagi navalelika uka haika anaga haneʼniya yafateʼmo faika nato.

Samu 62:9

Apaki ohaneʼnisiya vayaʼmo afa vayaʼmo maiʼnae. Apaki haneʼnisiya vayaʼmo aigofe vayaʼmo maiʼnae. Sigelileʼmo asaisunagenoʼaeʼmo kanaʼapimo ohanegaiye.

Samu 77:3

Nagaemo nage okaniʼna Gotifeʼmo nagesamo afiʼnogenoʼaeʼmo naipamoʼmo kana huʼniye. Nagesamo afime afime uʼna naipafiʼmo lokiya vaiʼna oʼmaiʼnove.

Matiyu 22:15

Falasi mono vayaʼmo uʼa aliʼa anupa huʼa maiʼneʼapaeʼmo, na agufa geletiʼmo amalageka hisunageno ge nehisigeta atafausune, huʼa huteʼa ge huge afige huʼa maiʼnae.