Samu 140:7 - The Keyagana NT and 25 OT books

⁷ O Gotiyo, Ala kava neʼnimogae, huʼna, Kagaemo lokiya vekaʼnimogeka nagufamo alika katika neʼnatane. Nagaeʼeʼmo kamemo nehagekaeʼmo nagenopaleʼmo aika nati nekane.

Samu 140:7 ပူးပေါင်းရင်းမြစ်များ

Samu 18:35

Kagaemo nagufamo alika katika natetekaeʼmo alagepa huʼna maisuvafeʼmo yagaika nateʼnane. Lamaga kayatetiʼmo natafauʼnanageʼna afaʼa asagauʼna oʼaiʼna he tiʼna maiʼnove. Kagaemo vase vase huka naha maeʼnanageʼnaeʼmo ala vekamo hamaleʼnove.

Samu 27:1

Ala kava neʼmo ha le yaʼnimo aepa vekamo maiʼneno nagufamo alino katino neʼnateya vekamo maiʼniyaʼmofeʼmo ina lagifeʼmo koli huguve. Ala kava neʼmo himamuʼnimo aepa vekamo maiʼniyaʼmofeʼmo ina lagifeʼmo atete huguve.

Samu 31:15

Muki afinaʼmo nagaeteʼmo afole neʼaiya kavaʼmo kaiyafiʼmo haneʼniye. Kame vayaʼnimogi apayapatiʼmo navalelika uvo. Nagaefeʼmo apaini huʼa neʼnataya vayaʼai apayapatiʼmo nagufamo alika katika nato.

Samu 59:17

O lokiyaʼnimae, huʼna, Nagaemo kagikaleʼmo aliʼna asaga huʼna yokemo huguve. Kagaemo alagepa huka yagaika natesanageʼna alagepa huʼna maiguve.

Samu 62:2

Agaiʼageʼmo yafaʼnimo maiʼneno nagufamo alino katino neʼnateya Gotiʼnimoʼmo maiʼniye. Naha maesigeʼna afaʼa maiguve.

Samu 62:7

Gotiʼa nagufamo alino katino nateteno nagiʼnileʼmo alino asaga huno nategaiye. Gotiʼa lokiya yafaʼnimo maiʼniye. Nagaetegamo hosu kavaʼmo afole neʼaigeʼnaeʼmo agaepiʼmo alagepa huʼna fala kiʼna neʼmauve.

Samu 89:26

Agaemo alopa gefatiʼmo nagaefeʼmo keya aeno ge hunoʼaeʼmo, Kagaemo afoʼnimogamo maiʼnane. Gotiʼnimogae, huno, nagufamo alika katika natesana yafaʼnimo maiʼnane, huno naha paigiye.

Samu 95:1

Egetao Ala kava neʼmo agiʼaleʼmo alita asaga huta agaefeʼmo mono yokemo hugune. Lokiya vekatimo yafakana huno maiʼneno lagufamo alino katino nelateya vekaekeʼmo alopa gefatiʼmo huteta lamogagamo aigune.

Aiyeya 12:2

Afiyo, huʼa, Gotiʼa nagufamo alino katino neʼnateya vekamo maiʼniye. Ala kava neʼmoʼa mago agiʼamo Yamo nagaemo lokiya vaiʼna neʼmauva kavaʼmo nehiyanageʼna agiʼaleʼmo aliʼna asaga hisuva yokemo huguvaʼmofeʼmo nagaemo agaefekeʼmo aliʼna amufa amiʼnaeʼmo koli osuguve. Agaemo nagufamo alino katino neʼnateya vekamo hamaleʼniye.