Samu 140:6 - The Keyagana NT and 25 OT books

⁶ Nagaemo Ala kava nefeʼmo huʼnaeʼmo, Kagaemo Gotiʼnimogamo maiʼnane. O Ala kava nene, huʼna, Naha mao huʼna keya neʼaova geʼnimo afiyo.

Samu 140:6 ပူးပေါင်းရင်းမြစ်များ

Samu 116:1

Nagaemo nunumuʼmo huge keya aeʼna ge huge huʼna maiʼnogenoʼaeʼmo Ala kava neʼmoʼa afiʼniyaʼmofeʼmo agaefekeʼmo nahau nayamopafiʼmo neʼnahaiye.

Samu 119:57

O Ala kava nene, huʼna, kagaemo hetamaʼnimo maiʼnane. Nagaemo gekaleʼmo yagaiʼneʼna akame huguve, huʼna huʼnove.

Samu 130:2

Ala kava nene, huʼna, geʼnimo afiyo. Naha mao, huʼna keya aeʼna ge nehuva geʼnimo kagetafo huka afiyo.

Samu 142:4

Kagaemo lamaga nahaopaleʼmo ago. Alagepa huʼna maisuvafeʼmo mago yagaino natesiya vekamo oʼmaiʼniye. Mago ayu noʼnimo ohaneʼniye. Muki vayaʼmogi afaʼa maisuvafeʼmo apakesamo noʼafiye. Mago vekamoʼmo nagupi mafaʼneeʼmo agesamo oʼafiʼniye.

Samu 142:5

O Ala kava nene, huʼna, Kagaefeʼmo alopa gefatiʼmo keya aeʼna ge huʼnove. Kagaemo ayu noʼnimo maiʼnane, huʼna keya aeʼna ge huʼnove. Ma mopafiʼmo maiʼneʼnaeʼmo mago yaʼmo alisuvafeʼmo oʼnahauʼnifa kagaemo nagaeʼeʼmo magokepiʼmo lokaeka maisanafekeʼmo nahauʼniye.

Samu 143:1

O Ala kava nene, huʼna, kagaemo nunumu geʼnimo afiyo. Naha maesanafeʼmo aukaya huʼna ge nehuva geʼnimo kagetafo huka afiyo. Kagaemo fatago vekamogamo muki afinaʼaeʼmo alagi lama geʼageʼmo nehana vekamogae, huʼna, nunumu geʼnimo afiteka naha mao.

Samu 16:2

Nagaemo Ala kava nefeʼmo, Ala kava neʼnimo maiʼnane, huʼna kaha nepauve. Kaha maesuvafeʼmo alagepa kavaʼmo nosufa ma mopafi maiʼnaya apaote vayaʼmo hapa maesuvafekeʼmo alagepa kavaʼmo nehuve. Apakaemo hogote vayaʼmo maiʼnageʼna apakaefekeʼmo amuse huʼna neʼapatove.

Samu 31:14

O Ala kava nene, huʼna, Nehayaʼmonanafa nagaemo kagaefeʼmo aliʼna amufa nekamuve. Nagaemo huʼnaeʼmo, Gotiʼnimogamo maiʼnane, huʼna nehuve.

Samu 57:7

O Gotiyo, huʼna, Nagaemo naipamo lokiya vaino he tino haneʼniye. Nagupi mafaʼnemoʼmo yokemo huno kagikaleʼmo alino asaga hugiye.

Samu 64:1

O Gotiyo, huʼna, Alopa kana yaʼmo aliʼnovaʼmofeʼmo nagaemo nunumu geʼnimo afiyo. Nagaemo kame vayaʼnieʼmo koli huʼna maiʼnovanagi ofalisuvafeʼmo naha mao.

Samu 91:2

Nagaemo Ala kava nefeʼmo huʼnaeʼmo, agaepiʼmo fala kiʼna maiʼnogeno faino vego huno yagaino nateʼneno naha maeno nagufamo alino katino nateʼniya vekaʼnimo maiʼniye. Gotiʼnimoʼmo maiʼniyanageʼna aliʼna amufa amiguve.