Samu 140:12 - The Keyagana NT and 25 OT books

¹² Nagaemo ago afiʼnovana Ala kava neʼmoʼa kana yaʼmo neʼaliya vayaʼaina hapa maege kafu nehaya vayaʼaina hapa maege nehiye.

Samu 140:12 ပူးပေါင်းရင်းမြစ်များ

Samu 12:3

Ala kava neʼmoʼa aigofe gemo huteʼa huʼa hapaoke nehaya vayaʼmo kayoʼmo apamigiye. Ala apakimo alisayafeʼmo ge nehaya vayaʼmo alagi alino hano huno apatalegaiye.

Samu 12:4

Apakaemo, getiletiʼmo afaʼa huta aeta apakasegaune. Lahauʼniya gemo afaʼa hugune. Ina laʼmo yagaino nelate, huʼa nehae.

Samu 22:24

Hanageke yaʼmo neʼaliya vayaʼmo apataleno aino afe leno akameʼyamo noʼapamifa keya aeʼa ge nehagenoʼaeʼmo geʼapimo afiteno hapa neʼmae.

Samu 72:4

Kini vekamoʼmo kagemi yaʼapimo ohaneʼnisiya vayaʼmo hapa maege kafu hisaya vayaʼmo hapa maege huteno apakaetegamo hosu kavaʼmo nehaya vayaʼmo apamagiteno alino afepiʼmo apategaiye.

Samu 9:4

Kagaemo yagaiʼnana siyakaleʼmo fai maiʼneka fatago kavakaletiʼmo alika fako huka natetekaeʼmo fatago kavaʼmo huʼnane, huka naha paiʼnane.

Mai'naya kavane 22:22

Kagemi yaʼapimo ohaneʼniya vayaʼmo afa vayaʼmo maiʼnayaʼmofeʼmo kagemi yaʼapimo kumayaʼmo oʼaliyo. Kana yaʼmo neʼaliya vayaʼmo agoti huka oʼapato.

Aiyeya 11:4

agaemo fatago kavaʼaletiʼmo kagemi yaʼapimo ohaneʼniya vayaʼmo alino fako huno apategaiye. Agaemo lama geʼaletiʼmo hunoʼaeʼmo himuʼnamu kavaʼmo osuʼa yagu yaga kavaʼmo nehaya vayaʼmo hapa maegaiye. Agaemo avayafatiʼmo uʼniya kayotetiʼmo ma mopafi vayaʼmo apamagigiye. Avamusatetiʼmo hosu vayaʼmo kamitimo apamagigiye.

Matiyu 11:5

Apaulagamo ali huʼniya vayaʼmo ageʼa ayakege apaiyamo hosuʼniya vayaʼmo alagepa huʼa uʼeʼa huge lepolosi kaitaʼmo hapauʼniya vayaʼmo alagepa apakufamo hanege apakesamo akaniʼniya vayaʼmogimo gemo alagepa huʼa afige faliʼnaya vayaʼmo he tige kagemi yaʼapimo ohaneʼniya vayaʼaifeʼmo alagepa faigoko gemo aeʼna hakalo huʼna hapa nepaugeʼa afige nehae, hutapa uta ha paiyo.