Samu 140:11 - The Keyagana NT and 25 OT books

¹¹ Aigofe gemo huteʼa huʼa faipa huʼa neʼapataya vayaʼmo afaʼa apateʼnegeʼa ma mopafiʼmo lokiya vaiʼa oʼmaiyo. Kaveta hisayafeʼmo nehaya vayaʼmogeno apakaeteʼmo hosu kavaʼmo afole aiteno alino hano huno apataleno.

Samu 140:11 ပူးပေါင်းရင်းမြစ်များ

Samu 34:21

Hosu vayaʼmo hosu kavaʼapimoʼmo apamagisigeʼa faligae. Alagepa kavaʼmo nehaya vayaʼaifeʼmo apaini nehaya vayaʼaina kayoʼmo apamigiye.

Samu 9:16

Ala kava neʼmoʼa anonaʼapilefeʼmo apamiʼniya kavatetiʼmo alagepa kavaʼamo alino apave liʼniye. Hosu vayaʼmogi hosu kavaʼapilefeʼmo apakaiʼapigeʼmo hapaeʼnae.

Mai'naya kavane 12:13

Hosu vayaʼai geʼapimoʼmo aneʼai hegekana huno apatafaugiyaʼmonanafa fatago vayaʼmogi hanageke yaʼmo aeʼa aga segae.

Mai'naya kavane 13:21

Hosu vayaʼmo hanageke kavaʼapimoʼmo apavegala neʼaeyaʼmonanafa fatago vayaʼmo anonaʼapilefeʼmo alagepa huʼa maigae.

Mai'naya kavane 17:20

Humi neʼapataya apaipaʼe vayaʼmogimo alagepa huʼa maisaya kavafeʼmo kahauya hugayaʼmonanafa oʼagegae. Ani kavaʼmo huno aigofe gemo nehiya vekamo hosu kavapiʼmo asagauno aigiye.

Mai'naya kavane 18:21

Apavayafatiʼmo nehaya geʼapimoʼmo afaʼa maisaya yaʼmo alino apamige falisaya yaʼmo alino apamige nehiye. Alagepa geeʼmo nehapaisiya vayaʼmo alagepa huʼa maigayaʼmonanafa hosu geeʼmo nehapausiya vayaʼmo alagepa huʼa oʼmaigae.

Mai'naya kavane 6:17

Apakufamo apavaleliʼa haiteʼa hinuʼnamu gemo nehaya kavanagi apavayaletiʼmo aigofe gemo nehaya gegi vayaʼmo apayateti fikumo neʼapamagiya kavanagi hosu kavaʼmo hisayafeʼmo apaipafiʼmo apakesamo afiʼa aliʼa fako nehaya kavanagi apaiyaletiʼmo nagu nagu huʼa uʼa hosu kavaʼmo nehaya kavanagi agotileʼmo aigofe faigoko gemo nehaya kavanagi alagepa huʼa magokepi lokaeʼa maisayafeʼmo ohapauʼnigeʼa aliʼa fako huʼa neʼapataya kavafenagi huno alagi ohauʼniye.