Samu 14:1 - The Keyagana NT and 25 OT books

¹ Negi nagi vayaʼmogimo apaipafiʼmo, Gotiʼa oʼmaiʼniye, huʼa nehae. Afumo nefaligenoʼaeʼmo apakufamo nekasaliya kava huʼa hosu vayaʼmo maiʼnae. Gotiʼa avenatuʼnaʼmo heno neʼapateya kavaʼmo nehae. Magoke vekamoʼmo alagepa kavaʼmo nehiya vekamo alagi oʼmaiʼniye.

Samu 14:1 ပူးပေါင်းရင်းမြစ်များ

Aepa Gemae 6:5

Ani afinaʼmo Ala kava neʼmoʼa ma mopafi ve aʼnemogi hosu kavaʼapimo ageyana alagi alopa hosu kavaʼmo haneʼnigeno ageʼniye. Muki vayaʼmogimo muki apaipa apakesamo neʼafiya yaʼapifiʼmo hosu kavaʼageʼmo muki afinaʼae afinaʼaeʼmo hanelino hanelino usiya agufa kava huʼnigeno ageʼniye.

Samu 10:4

Avai avai nehiya vekamoʼmo Gotiʼa agesiyafeʼmo kahauya nosiye. Gotifeʼmo alagi agesamo noʼafiye.

Samu 107:17

Negi nagi vayaʼmogimo Goti geʼamo ago amagiʼa atalege hosu kavaʼmo huge huʼnayaʼmofeʼmo kaita hapauʼniye.

Samu 53:1

Negi nagi vayaʼmogimo apaipafiʼmo, Gotiʼa oʼmaiʼniye, huʼa nehae. Afumo nefaligenoʼaeʼmo apakufamo nekasaliya kava huʼa hosu vayaʼmo maiʼnae. Gotiʼa avenatuʼnaʼmo heno neʼapateya kavaʼmo nehae. Magoke vekamoʼmo alagepa kavaʼmo nehiya vekamo alagi oʼmaiʼniye.

Samu 73:3

Apakeʼnovana himuʼnamu kavaʼmo huteʼa hosu kavaʼmo nehaya vayaʼmogi alagepa huʼa maiʼnageʼna apaketeʼnaeʼmo maiʼnaya agufa kavaʼmo huʼna maiguve, huʼna huʼnogenoʼaeʼmo nahaʼye huʼniye.

Samu 92:6

Oʼafiʼniya vekamoʼmo ani kavaʼmo afaʼa oʼagegaiye. Negi vekamoʼmo ani kavafeʼmo alagi afino aeto osugiye.

Mai'naya kavane 1:22

Oʼafiʼnaya vayaʼmogitapamo na magi afinaʼmo gemo oʼafitapa maime maime neʼutapa gemo noʼafiya kavafeʼmo olapaugiye. Ge neʼafiya kavafeʼmo huʼa faipa huʼa ateteʼa apakameʼyamo neʼamiya vayaʼmogi huʼa faipa huʼa neʼataya kavafeʼmo apamogaga neʼaiye. Negi vayaʼmogi afisayafeʼmo nohapaiye.

Mai'naya kavane 1:7

Inagi Ala kava nefeʼmo koli nehaya kavaʼmoʼa afiteʼa agesaya kavaʼmo aepa nefaiya kavaʼmo haneʼniyaʼmonanafa negi vayaʼmogimo afiteʼa ageʼnaya gelefeʼmo apakameʼyamo amiteʼa aliʼa apaya neʼmalaya gemo noʼafiye.

Mai'naya kavane 13:19

Mago vekamoʼmo hauʼniya kavaʼmo afole aisigenoʼaeʼmo aipafiʼmo haga haugiyaʼmonanafa negi vayaʼmogimo hosu kavaʼmo atalesayafeʼmo alagi ohapaugiye.

Mai'naya kavane 27:22

Kagaemo negi vekamo amagiganaʼmonanafa negi kavaʼamo aipafatiʼmo alika oʼatalegane.

Aiyeya 1:4

Apakaemo hosu kavaʼmo nehaya nofi vayane. Apakaemo hosu kavaʼapilefeʼmo alopa vaiʼmo aliʼnae. Hosu kavaʼmo nehaya mafaʼne anagaʼmo maiʼnae. Aliʼa hosu huʼa neʼapataya mafaʼne anagaʼmo maiʼnae. Apakaemo Ala kava neʼmo ataleʼa uʼnae. Apakaemo Isaleli vayaʼai Aote Vekamoʼmo aipamo leno apatesiya agufa kavaʼmo huʼnae. Geʼamo amagiʼa ataleteʼa aiʼa atagineʼa hosu kavategamo uʼnae.

Matiyu 12:34

Nagaloʼyave afamo anaga vayaʼmogitapae, huʼna, hosu vayaʼmo maiʼnayaʼmofeʼmo haiya kava huta alagepa gemo afaʼa hugae. Vayaʼai apaipafiʼmo na agufa yaʼmo havaiteʼnifi ani kava huno aino vali lamino asagauno neʼaigeʼapaeʼmo gemo nehae.

Matiyu 15:19

Apaipafatiʼmo afole neʼaiya kavaʼmo haneʼniyana hosu apakesa neʼafiya kavaʼmo hanege vayaʼmo nehapaya kavaʼmo hanege kumai kavaʼmo hanege aʼnemo apayate neʼaliya kavaʼmo hanege kumayaʼmo neʼaliya kavaʼmo hanege aigofe gemo nehaya gemo hanege huʼa faipa huʼa neʼapataya gemo hanege huʼniye.

Luki 12:20

Agesamo afiʼniyaʼmonanafa Gotiʼa hunoʼaeʼmo, negi vekae, huno, hemeni haniʼilagamo kagupi mafaʼnemo halate namiyo, huʼna hisugeka faligane. Falisanageʼapaeʼmo ina lagimo ageka maleʼnana kagemi yakamo aligae, huno ha paiʼniye, huno hapa paitenoʼaeʼmo,

Efasasi 2:12

Ani afinaʼmo Kalaisiʼeʼmo lokaeta oʼmaitapa lapaote maiʼnae. Isaleli vayaʼai kegiʼya yuʼilaga eta haiteta oʼmaitapa malaga maiʼnae. Gotiʼa lapa maegauve, huno hu maleʼniya kotalakelefeʼmo polomasi gemo hu maleʼniya gemo lapa opaiʼniye. Ma mopafiʼmo maiʼnetapaeʼmo Gotitegatiʼmo alagepa yaʼmo alisayafeʼmo agava maiʼnetapa lapavayagunagu osuʼnageno Gotitapimoʼmo oʼmaiʼniye.

Taitasi 1:16

Apakaemo apavayaletiʼmo huʼapaeʼmo, Gotiʼa ageʼnone, huʼa nehayaʼmonanafa kavaʼapiletiʼmo oʼageʼnae, huʼa nehae. Gotiʼa apakaefeʼmo ohauʼnigenoʼaeʼmo geʼamo oʼafiʼa alagi hosu kavaʼmo nehaya vayaʼmo maiʼnayaʼmofeʼmo alagi alagepa kavaʼmo afaʼa osugae, huno nehiye.

Taitasi 3:3

Hogoteta apakaekana huta maiʼneta negi kava huta ge oʼafita aigofe gegeʼmo afita maiʼnone. Asole agufa hosu kavatimo haneʼniyana lagufamoʼmo hauʼniya kavatimoʼe hosu lahaʼye nehiya kavaʼmoʼeʼmo yagaino lateʼnigeta alagepa huʼa oʼmaisayafeʼmo lagesamo afiʼnetaeʼmo hosu laipamo kalita apatege laipa kafa hapaege huta maiʼnone. Lagaefeʼmo apaini huʼnagetaeʼmo lagaeʼeʼmo apakaefeʼmo laini huʼnone.

Leveleseni 21:8

Maigayaʼmonanafa vayaʼaifeʼmo koli huteʼa Goti geʼamo neʼatalaya vayanagi apakesamo afiʼa fatago nosaya vayanagi alagi faipa vayanagi vayaʼmo neʼapamagiya vayanagi kumai kavaʼmo nehaya vayanagi Satani himamuʼaletiʼmo noʼagaya agufa apaune kavaʼmo nehaya vayanagi aigofe gotiʼapimogitefeʼmo mono nehaya vayanagi muki agufa aigofe gemo nehaya vayanagi huʼa ata kotuʼmo sofa yafapiʼmo neleya ata kotupiʼmo maigae. Ata kotupiʼmo maisaya kavaʼmo agiʼamo napa tu afinaʼmo falisaya kavaʼmae.

1 Samiyo 25:25

Kagaemo hosu vekamo Nemofeʼmo kagesamo oʼafiyo. Agiʼamo aepaʼamo haneʼniyana negi vekamo maiʼniye. Kavaʼamoʼmo ani agufa kavaʼmo haneʼniye. Nagaiʼnimo kagaemo alika apateʼnageʼa lagaetegamo eʼnaya neya vayakamo oʼapakeʼnove.