Samu 139:19 - The Keyagana NT and 25 OT books

¹⁹ O Gotiyo, huʼna, hosu vayaʼmo apamagisanafeʼmo neʼnahaiye. Kaveta nehapaya vayaʼmo nataleʼa visayafeʼmo neʼnahaiye.

Samu 139:19 ပူးပေါင်းရင်းမြစ်များ

Samu 119:115

Hosu kavaʼmo nehaya vayaʼmogitapae, huʼna, nagaetegatiʼmo ataletapa viyo. Gotiʼnimoʼmo hiyo, huno huʼniya gemo akame huguve.

Samu 5:6

Kagaemo aigofe gemo nehaya vayaʼmo alika apagoʼya lagauka apatalegane. Ala kava neʼmoʼa vayaʼmo nehapaya vayaʼe humi neʼapataya vayaʼefeʼmo avenatuʼnaʼmo heno atalegekana huno neʼmaiye.

Samu 55:23

O Gotiyo, huʼna, Kagaemo alika apatalesanageʼa faligae. Kame nehaya vayaʼe aigofe gemo nehaya vayaʼeʼmo aupa afinaʼmo maiteʼa faligae. Faligayaʼmonanafa nagaemo aliʼna amufa kamiguve.

Samu 6:8

Aviʼyaʼmo nehuva geʼnimo Ala kava neʼmoʼa afiʼniyaʼmofeʼmo hosu kavaʼmo nehaya vayanagi nataletapa viyo.

Samu 64:7

Fala kino haneʼniyaʼmonanafa Gotiʼa keveʼaletiʼmo hapaesigeno malage huno uno apakufafiʼmo hanigiye.

Samu 9:17

Hosu kavaʼmo nehaya vayaʼmogimo ata kopiʼmo uʼa lamigae. Muki vayaʼmogimo Gotifeʼmo apake nekaniya vayaʼmo ata kopiʼmo uʼa lamigae.

Samu 9:18

Muki afinaʼmo Gotiʼa kagemi yaʼapimo ohaneʼniya vayaʼaifeʼmo age kanino oʼapatalegaifa alagepa huno agesamo afiteno hapa maegaiye. Gotiʼa laha maegaiye, huʼa huteʼa hapauʼnigeʼa apavayagunagu huʼa agava neʼmaiya kavaʼmo afaʼa afole aigiye.

Aiyeya 11:4

agaemo fatago kavaʼaletiʼmo kagemi yaʼapimo ohaneʼniya vayaʼmo alino fako huno apategaiye. Agaemo lama geʼaletiʼmo hunoʼaeʼmo himuʼnamu kavaʼmo osuʼa yagu yaga kavaʼmo nehaya vayaʼmo hapa maegaiye. Agaemo avayafatiʼmo uʼniya kayotetiʼmo ma mopafi vayaʼmo apamagigiye. Avamusatetiʼmo hosu vayaʼmo kamitimo apamagigiye.

Matiyu 25:41

Huno hapa paiteno hoga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo lifana huno lapateʼniya vayanagi nagaetegatiʼmo ataleta lapaune heta viyo. Gotiʼa Nevoʼe hosu apaune vayaʼaʼeʼmo maisayafeʼmo alo hu maleʼniya ata kopiʼmo leno yu oseno lege lege huno neʼmaiya ata kopiʼmo lamitapa maiyo.

Matiyu 7:23

hosu kavaʼmo nehaya vayanageʼna alagi olapakeʼnovanagi nagaetegatiʼmo ago ataleta lapaune heyo, huʼna hapa paiguve.

2 Kolitiyani 6:17

Huʼniyaʼmofeʼmo Ala kava neʼmoʼa hunoʼaeʼmo, Apakae folagapatiʼmo apataletapa uta lapaote maiyo. Hosu yateʼmo ame oʼaliʼnigeʼnao lapavalegauve.