Samu 139:14 - The Keyagana NT and 25 OT books

¹⁴ Kagaemo alagepa huka alo huka nateʼnanaʼmofeʼmo koli huteʼna kagikaleʼmo aliʼna asaga nehuve. Nagaetegamo huʼnana kavaʼmo ageteʼnaeʼmo nahau neʼauve. Huʼnana kavafeʼmo alagepa kavaʼmo huʼnane, huʼna huteʼna aliʼna namalagiʼnove.

Samu 139:14 ပူးပေါင်းရင်းမြစ်များ

Samu 104:24

O Ala kava nene, huʼna, asole aliʼyaʼmo alu aliʼya alu aliʼyaʼmo aliʼnane. Kagaemo afiteka ageʼnana kavakamo alopa kavaʼmo haneʼnigeka muki yaʼmo alo huʼnane. Kagaemo alo huʼnana yaʼmoʼmo ma mopafiʼmo alagi havaiteʼniye.

Samu 111:2

Ala kava neʼmoʼa aliʼyaʼmo neʼaliya kavaʼmo lusi kavane. Aliʼyaʼamo neʼaliya kavafeʼmo amuse huʼa neʼataya vayaʼmogi alagepa huʼa agesayafeʼmo lekana paiteʼa apaipa apakesafiʼmo aliʼa neʼmalae.

Samu 40:5

O Ala kava neʼnimo Gotiʼnimogae, huʼna, lagaetegamo alu kava alu kavaʼmo huka aliʼyaʼmo aliteka laha maeʼnane. Lagaefeʼmo kagesa afifi huka neʼmaine. Lagaemo lekana opaisuna agufa kavaʼmo huka lagaefeʼmo kagesamo neʼafine. Nagaemo muki huʼnana kavakaʼe kagesamo neʼafina kavakaleʼefeʼmo alagi alagepa huʼna aeʼna hakalo huʼna hapa opaiguve.

Samu 92:6

Oʼafiʼniya vekamoʼmo ani kavaʼmo afaʼa oʼagegaiye. Negi vekamoʼmo ani kavafeʼmo alagi afino aeto osugiye.

Leveleseni 15:3

Apakaemo Moseseʼa Goti aliʼyaʼamo neʼaliya vekamo yokemo aikeli sipisipimo yokeʼamo huʼnae. Ani yokemo huʼapaeʼmo, Ala kava neʼmo kayamufaʼage Gotigae, huʼa, Magoʼe kavaʼmo nehanageʼapaeʼmo hapau neʼaiye. Apaote vayaʼaiteʼmo yagaika neʼapatana ala kini vekaʼapimogae, huʼa, nehana kavakamo kanale kavaʼageʼmo haneʼnigeka lama ge kavaʼmo nehane.