Samu 138:7 - The Keyagana NT and 25 OT books

⁷ Nagaemo hanageke kavaʼmo hisaya folagapiʼmo maiʼnisuvaʼmonanafa nauneʼnameʼnimo alika he tika ategane. Kagaemo nageteka lokiya kavakaletiʼmo apaipamo neleya kame vayaʼnimo apamagiteka apayapatiʼmo nagufamo alika katika nategane. Lamaga kayatetiʼmo alika katika nategane.

Samu 138:7 ပူးပေါင်းရင်းမြစ်များ

Samu 17:7

Lamaga kayatetiʼmo naha maeteka kahau kayamopafiʼmo kahauʼniya kavakamo ageʼna nahau aisuvafeʼmo alika nave liyo. O Gotiyo, huʼna, aliʼa amufa nekamiya vayaʼmogi kame hapaesayafeʼmo huʼnaya vayaʼai apayapatiʼmo apakufamo alika katika neʼapatana Gotigae, huʼna, Naha mao.

Samu 18:17

Agaemo lokiya kame vayaʼnimogi apayapatiʼmo nagufamo alino katino nateʼniye. Apakaemo nagaefeʼmo apaini huteʼa kame huʼa aeʼa nagaseʼnayaʼmofeʼmo naha maeʼniye.

Samu 18:18

Nagaemo kame huʼa nateʼnaya afinaʼmo lusi kana yaʼmo aliʼnovaʼmonanafa Ala kava neʼmoʼa lokiya vaino nateʼniye.

Samu 18:35

Kagaemo nagufamo alika katika natetekaeʼmo alagepa huʼna maisuvafeʼmo yagaika nateʼnane. Lamaga kayatetiʼmo natafauʼnanageʼna afaʼa asagauʼna oʼaiʼna he tiʼna maiʼnove. Kagaemo vase vase huka naha maeʼnanageʼnaeʼmo ala vekamo hamaleʼnove.

Samu 20:6

Hemenimo nagaemo ago afiʼnovana Ala kava neʼmoʼa lekana paino ateteno uvelimo faleno ateʼniya vekamo agufamo alino katino neʼate. Agaemo aote kokuʼnapatiʼmo geʼaleʼmo aeno atagaina hugiye. Agaemo apakufamo alino katino neʼapateya lokiyaʼaletiʼmo geʼaleʼmo aeno atagaina hugiye.

Samu 56:9

Nagaemo kagaefeʼmo keya aeʼna ge hisuva afinaʼmo kame vayaʼnimo apaune hegae. Gotiʼa nagae aupaligamo maiʼniye, huʼna ago afiʼnove.

Samu 60:5

Kahau kayamopafiʼmo kahauʼniya vayaʼmogita hosu kavapatiʼmo lagufamo alika katika latesanafeʼmo nunumu geʼnimo afitekaeʼmo lamaga kayatetiʼmo lahau vaiyo.

Samu 77:10

Gotiʼa hemenimo nagaetegamo alu kavaʼmo nehiye. Nagaemo ani kavatefeʼmo naipafiʼmo nagafu nekiye.

Samu 85:6

Faligekana huta maiʼnonanagi halate alika he tika olategapiye. Vayakamogimo kagaefekeʼmo apamogaga aisayafeʼmae.

Aiyeya 5:25

Ani kavaʼmo huʼnayaʼmofeʼmo Ala kava neʼmoʼa vayaʼaeʼmo aipamo leno apateʼniye. Agaemo ayaʼmo alino asagauteno ago apamagiʼniye. Apamagiʼnigenoʼaeʼmo avemoʼmo kanage kanage huʼnigeʼapaeʼmo faliʼnaya vayaʼmogi apakufaʼamo taoni kateʼmo ina kava huno atupa yakana huno haneʼniye. Agaemo ani kavaʼmo huʼniyaʼmonanafa aipamo neleya kavaʼamo alino hano huno oʼataleʼniye. Apamagisiyafeʼmo ayaʼmo alino asagaunoʼageʼmo maiʼniye.

Aiyeya 57:16

Nagaemo muki afinaʼmo agoti huʼna apatege naipamo leʼna apatege osuguve. Ani agufa kavaʼmo hume hume uvesinana alo huʼna apateʼnova vayaʼmogi apauneʼapameʼmo aʼaunena aiyesine.

Aiyeya 9:12

Siliya ati vayaʼmogimo Isaleli vayaʼeʼmo kamemo huteʼa aliʼa hano huʼa apatalesayafeʼmo Isaleli vayaʼai apaulagaleʼmo maige Filisatini ati vayaʼmogimo Isaleli vayaʼai apakamelegamo maige huʼnae. Apakaemo Isaleli vayaʼeʼmo kamemo hugayaʼmonanafa Ala kava neʼmoʼa Isaleli vayaʼaifeʼmo aipamo leno neʼapateya kavaʼmo hano osugiye. Kayoʼmo apamisiyafeʼmo alo huno maiʼniye.

Apa 2:33

Gotiʼa ago alino he tino ateteno kokuʼnapiʼmo avalelino uno haino lamaga haopaleʼmo ateʼnigeno maiʼniye. Muki yaʼmo Afoʼamoʼmo hogoteno, kamiguve, huno ha paiʼniya Aunemeʼamo ago amiʼnigeno Yesuʼa Goti Aunemeʼamo aniʼmo lakigekana huno alino ateʼnigeno emineʼnigetapaeʼmo hemenimo lapakaemo ani afole aiʼniya kavaʼmo ago agetetapa afiʼnae.