Samu 138:5 - The Keyagana NT and 25 OT books

⁵ He, Ala kava neʼmo ha le konali yakamo alopa yaʼmo haneʼniyaʼmofeʼmo apakaemo Ala kava neʼmoʼa nehiya kavafeʼmo yokemo hugae.

Samu 138:5 ပူးပေါင်းရင်းမြစ်များ

Samu 21:5

Kagaemo agufamo alika katika ateʼnana kavatetiʼmo agaemo ha le konali yaʼmo aliʼniye. Kagaemo ala agiʼagi lokiyaʼagi huka amiʼnane.

Hatu maeno apate'niya gemae 15:11

O Ala kava nene, huʼna, alu gotigipatiʼmo ina laʼmo kagaekana huno maiʼniye. Kagaemo kaoteʼmo maiʼnana alagepa kaote kavakalefeʼmo ha le konali vekamo maiʼnane. Kageteʼapaeʼmo hapau aiʼnaya kavakalefeʼmo koli huʼnae. Oʼageʼnaya agufa kaune kavaʼmo nehane. Ani agufa kavaʼmo nehana Gotigamo maiʼnanaʼmofeʼmo ina lagimo kagaekana huʼa maiʼnae.

Aiyeya 65:14

Afiyo, huʼna, Aliʼyaʼnimo neʼaliya vayaʼmo apaipafiʼmo apamogaga aigayaʼmofeʼmo yokemo hugayaʼmonanafa lapakaemo lapaipafiʼmo lahapau hugayaʼmofeʼmo aviʼyaʼmo huge lapaipamoʼmo lusi kava huno kana huge hugiyaʼmofeʼmo kage kage hugae.

Malakai 1:11

Yu nofi vayapatiʼmo oʼmaiʼnaya vayaʼmo yegemo haine neʼeya kotega maiʼnaya vayanagi yegemo uno lamino nefaleya kotega maiʼnaya vayanagi muki haopalegamo maiʼnaya vayanagi huʼa ala nagiʼnimo namigae. Nagiʼnilefeʼmo muki haopalegatiʼmo alagepa atu neʼaiya laʼnefamo kaeteʼa kanale ofalinimo afaʼa namigae. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Muki ma mopafi nofi vayaʼmogimo ala nagiʼnimo namiteʼa nagiʼnileʼmo afaʼa aliʼa asaga huʼa nategae, huʼna nehuve.

Yoni 17:1

Yesuʼa ani gemo ago hapa paitenoʼaeʼmo alino maku huno kokuʼnategamo ageʼnenoʼaeʼmo nunumuʼmo huʼniye. Afo, huno, ani afinaʼmo ago afole aiyanagi kagikaleʼmo alino asaga huno katesiyafeʼmo Mafaʼnekamo agiʼaleʼmo alika asaga huka ato.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

Efasasi 1:12

Gotiʼa lagaetetiʼmo ha le konali yaʼamo alino apave lisigeʼa ageteʼapaeʼmo agiʼaleʼmo aliʼa asaga huʼa atesayafeʼmo mafaʼneʼnimo maigae, huno hu maleʼniye. Lagaemo Yu vayaʼmogita hogoteta Kalaisifeʼmo alita amufa amiʼnone.

Efasasi 1:6

Fikumo laha maeno lamiʼniya ha le konali yaʼamo alino apave lisigeʼapaeʼmo ageteʼa agiʼaleʼmo aliʼa asaga huʼa atesayafeʼmae. Agaemo hau ayamopafiʼmo hauʼniya mafaʼneʼaletiʼmo ani kavaʼmo huno fikumo laha maeno lamiʼniye.

Leveleseni 19:1

Hutegeʼna afiʼnovana asole vayaʼmogimo neʼaiya agufa apakemo aiʼnageʼna afiʼnove. Kokuʼnapiʼmo maiʼneʼa Himulu gefatiʼmo huʼapaeʼmo, Haleluya, huʼa huʼnae. Ani gemo aepaʼamo Goti agiʼaleʼmo alitapa asaga hiyo. Gotitimoʼmo apakufamo alino katino neʼapateya vekamae. Agaiʼageʼmo himamuʼaʼe vekamo maiʼniyaʼmofeʼmo agiʼaleʼmo aliʼa asaga huʼa ateyo.

Leveleseni 4:11

Maleteʼapaeʼmo, Ala kava nene, huʼa, Muki yaʼe vayaʼeʼmo alo huʼnane. Kahauʼnigeka alo huteka afaʼa maisaya yaʼmo apamiʼnanageʼa hanege maige huʼnae. Kagaemo ha le konali yakamo alige ala kagikamo alige kayamufakamo alige hisana vekamo maiʼnane, huʼa huʼnae.

Leveleseni 7:12

Apakaemo huʼapaeʼmo, He lama ge. Gotitimofeʼmo amuse huʼa ateteʼa agiʼaleʼmo aliʼa asaga huʼa ateyo. Alagepa huno ageteno afiʼniya vekamae, huʼa huteʼa hao ke heʼa ala agiʼamo amiyo. Muki yaʼagi lokiyaʼagi himamuʼagi huno haneʼniya vekamae, huʼa, muki afinaʼmo hume hume viyo. He lama ge, huʼa huʼnae.