Samu 136:6 - The Keyagana NT and 25 OT books

⁶ Agaemo solovala aniʼmo afepilagamo hanesiyafeʼmo ma mopamo alo huno anagamo maleʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 136:6 ပူးပေါင်းရင်းမြစ်များ

Aepa Gemae 1:9

Napa tu afinaʼmo hano hutegeno Gotiʼa hunoʼaeʼmo, Kokuʼnaʼmo afeʼalumelaga haneʼniya anifeʼmo uka mago haopalega alika anupa hugenoʼao mopamo hau hino, huno huʼnigeno aniʼmo uno mago haopalegamo haneʼnigeno mopamo afole aiʼniye.

Samu 24:2

Agaemo ma mopamo solovala aniʼmo agotofuleʼmo alo hu maleʼniye. Aniʼmo agotofuleʼmo faino ateʼniye.

Aiyeya 40:22

Agaemo Ala kava nekeʼmo anaga kokuʼnapi kini siyateʼmo fai maiʼnigeno ma mopamo afelagamo lufokana huno haneʼnigeʼa ma mopafiʼmo maiʼnaya vayaʼmo akenugana huʼa maiʼnae. Agaemo kokuʼnaʼmo ina kava huno lavolavogana huno alino yaki maleʼneno seli noʼagana huno alino he tino ateʼniye.

Aiyeya 42:5

Ala kava neʼmo Gotiʼa kokuʼnaʼmo alo huteno palaketimo aliʼa api aiteʼa aliʼa yatala nehaya kava huno kokuʼnaʼmo alino api aiteno alino yatala huʼniye. Agaemo ma mopamo alo huteno muki ma mopafiʼmo maiʼnaya vayaʼe haneʼniya yaʼeʼmo alo huʼniye. Agaemo ma mopafiʼmo maiʼnaya vayaʼaina apavamusaʼmo apamige umenitata nehaya vayaʼmo apauneʼapameʼmo apamige nehiye. Ani Gotiʼa aliʼyaʼamo neʼaliya vekaeʼmo ina gemo huno ha painoʼaeʼmo.