Samu 134:3 - The Keyagana NT and 25 OT books

³ Kokuʼnaʼe ma mopaʼeʼmo alo huʼniya Ala kava neʼmoʼa Saiyoni taonifatiʼmo alino auleno lapateno.

Samu 134:3 ပူးပေါင်းရင်းမြစ်များ

Samu 110:2

Ala kava neʼmoʼa kayotetiʼmo yagaika apatesana himamukamo Saiyoni taonifatiʼmo alino atesigeno ugiye. Kame vayakamogi folagapiʼmo maiʼneka yagaika apato, huno kaha paiʼniye.

Samu 115:15

Kokuʼnaʼe ma mopaʼeʼmo alo huʼniya Ala kava neʼmoʼa alino auleno lapateno.

Samu 124:8

Ala kava neʼmoʼa kokuʼnaʼmo alo hute mopamo alo hute huʼniya vekamo agaiʼafiʼmo laha neʼmaeya kavaʼmo haneʼniye.

Samu 128:5

Ala kava neʼmoʼa Saiyoni taonifatiʼmo alino auleno kateno. Muki afinaʼmo ma mopafiʼmo maiʼnekaeʼmo Yulusalemu taonifiʼmo maiʼnaya vayaʼmo apakesanageʼapaeʼmo alagepa huʼa maigae.

Samu 135:21

Saiyonitegamo maiʼnetapa Ala kava nefeʼmo alitapa auleta ateyo. Agaemo Yulusalemo taonifiʼmo maiʼniye. Ala kava neʼmo agiʼaleʼmo alitapa asaga hiyo.

Samu 136:5

Agaiʼamo afiteno ageʼniya kavaʼaletiʼmo muki kokuʼnaʼmo alo huʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 14:7

Nahauʼniyanageno mago vekamo Saiyoni kotegatiʼmo eno Isaleli vayaʼmo hapa maesigeʼa aeʼa apakasegae. Gotiʼa hapa maesigeʼapaeʼmo Isaleli vayaʼmo halate alagepa huʼa maiteʼa lusi kava huʼa apamogaga aigae.

Samu 20:2

Agaemo noʼafiʼmo Saiyoni taonifatiʼmo kaha maeteno lokiya vaino kateno.

Samu 20:3

Agaemo muki kagae ofalinieʼmo agesamo afino. Agaemo muki leno sagaliʼniya ofalinimo amisana ofalinieʼmo haino.

Lomu 11:26

Gotiʼa ani kavaʼmo huno muki Isaleli vayaʼai apakufamo alino katino apategaiye. Ani kavatefeʼmo Goti mukufiʼmo huʼniya gemoʼa hunoʼaeʼmo, Apakufamo alino katino apatesiya vekamo Saiyoni kotegatiʼmo eno muki Yekopu aginago vayaʼai hosu kavaʼapimo alino atalegaiye.

Luti 2:4

Aliʼyaʼmo neʼaligenoʼaeʼmo Movasiʼa Metelehamu taonifatiʼmo eno avaʼyi huteno aliʼyaʼamo neʼaliya vayaʼaifeʼmo hunoʼaeʼmo, Ala kava neʼmoʼa lapakaeʼeʼmo magokepi lokaeno maino, huno ke apamamaeʼnigeʼapaeʼmo geʼaleʼmo aeʼa atagaina huʼapaeʼmo, Ala kava neʼmoʼa alino auleno kategaiye, huʼa ha paiʼnae.