Samu 133:3 - The Keyagana NT and 25 OT books

³ Alagepa huʼa magokepi lokaeʼa neʼmaiya kavaʼmoʼa netepiʼmo Hemoni aveleʼe Saiyoni aveleʼeʼmo kahauleʼmo lao yaʼmo emineno nehaneya lao yakana huno haneʼniye. Gotiʼa magoke apaipa apakesamo aliteʼa alagepa huʼa magokepi lokaeʼa neʼmaiya vayaʼmo alino auleno apateʼniyanageʼa alagepa huʼa maige maige huʼa maigae.

Samu 133:3 ပူးပေါင်းရင်းမြစ်များ

Samu 16:11

Kagaemo alagepa huʼna maige maige huʼna maisuva kaʼmo alika nave ligane. Kaulagaleʼmo maisaya vayaʼmogimo apaipafiʼmo apamogaga aisaya kavaʼmo havai tegaiye. Lamaga kahaopaleʼmo hapausiya kavaʼmo hanage hanege huno hano osuno hanegaiye.

Samu 21:4

Agaemo kagaefeʼmo afaʼa maisiya yafeʼmo ge huno kafigeʼnigekaeʼmo ago amiʼnane. He, kagaemo maige maige huno maino hano osuno maisiya yaʼmo ago amiʼnane.

Samu 21:5

Kagaemo agufamo alika katika ateʼnana kavatetiʼmo agaemo ha le konali yaʼmo aliʼniye. Kagaemo ala agiʼagi lokiyaʼagi huka amiʼnane.

Samu 42:8

Nati kaeʼniyaʼmonanafa Ala kava neʼmoʼa aipamo falu huʼniya kavaʼaʼe hau ayamopafiʼmo hauʼniya kavaʼaʼeʼmo felugamo alino nave lisigeʼnaeʼmo haniʼilagamo yokemo huge afaʼa maisuva yaʼmo namiʼniya Gotifeʼmo nunumuʼmo huge huʼna maiguve.

Mai'naya kavane 19:12

Kini vekamoʼmo aipamo neleya kavaʼamoʼmo laiyonimoʼmo alopa gefatiʼmo age neʼaiya agufa kava huno haneʼniye. Kini vekamoʼmo hapaoke neheya kavaʼamoʼmo kahauleʼmo lao yaʼmo emineʼniya yakana huno haneʼniye.

Maika 5:7

Ani afinaʼmo logufaʼa vayaʼmo Yekopu vayaʼmogimo asole nofi vayaʼmogi folagapiʼmo Ala kava netetiʼmo hapa neʼmaeya lao yakana huʼa maige kahauleʼmo koʼmo aigekana kavaʼmo huʼa maige hugae. Apakaemo mago vekamoʼmo hapa maesiyafeʼmo agava oʼmaige vayaʼmogimo hapa maesayafeʼmo apakava oʼmaige hugae.

Yoni 4:14

ina lagimo nagaemo apamisuva aniʼmo nesafigeno halate magoʼe huno anifeʼmo alagi ohapaugiye. Nagaemo aniʼmo apamisugeno apaipafatiʼmo meti anikana huno eno haineno afaʼa maisaya yaʼmo apamisigeʼa alagepa huʼa maige maige huʼa maigae, huno ha paiʼnigenoʼaeʼmo,

Yoni 5:24

Lama gemo lapa nepauve, huno, ina lagimo geʼnimo afiteʼa alino nateʼnigeʼna emineʼnova vekaeʼmo apakesamo afiʼa fatago nehisafigeʼa alagepa huʼa maige maige huʼa maisaya yaʼmo aliʼnae. Apakaemo fali kavategatiʼmo atale eʼa afaʼa neʼmaiyategamo maiʼnayanageʼna agoti huʼna apateteʼnaeʼmo, hosu vayaʼmo maiʼnae, huʼna hapa opaiguve.

Yoni 6:68

Saimoni Pitaʼa hunoʼaeʼmo, Ala kava nene, huno, ina lategamo ugune. Kagae gemoʼa afaʼa maisaya yaʼmo neʼapamiya gemo haneʼniye.

Lomu 5:21

Hosu kavaʼmoʼa nefaliya kavaʼmo alino afole aino ateteno ani kavatetiʼmo yagaino neʼapateya kava huno fikumo hapa maeno neʼapamiya kavaʼmoʼa fatago kavaʼaletiʼmo yagaino neʼapatesigeʼa Ala kava netimo Yesu Kalaisitetiʼmo alagepa huʼa maige maige huʼa maisaya yaʼmo apamisiyafeʼmae.

Lomu 6:23

Na kavaʼmo nehagenoʼaene. Hosu kavaʼmo aliʼyaʼamo neʼaliya vayaʼai miyaʼapimo falisaya kavaʼmo haneʼniyaʼmonanafa Gotiʼa fikumo hapa maeno neʼapamiya kavaʼmo alagepa huʼa maige maige huʼa maisaya kavaʼmo haneʼniye. Agaemo Ala kava netimo Yesu Kalaisipiʼmo neʼmaiya vayaʼmo neʼapamiye.

Yasuva 13:11

Giliyati kotega mopagi muki Gesu nofi vayaʼmogi mopagi muki Maka nofi vayaʼmogi mopagi muki Hemoni avemo haopalega muki Mesani kotetiʼmo hanelino Salaka taonileʼmo uʼniya mopagi huʼa aliʼnae.

1 Yoni 2:25

Kalaisiʼa lapa maegauve, huno hu maleʼniya polomasi gemoʼa hunoʼaeʼmo, maige maige hutapa maisaya yaʼmo lapamiguve, huno laha paiʼniye.

1 Yoni 5:11

Gotiʼa ageteno ha maeno faigoko gemo aeno hakalo hunoʼaeʼmo, nagaemo maige maige hutapa neʼmaiya yaʼmo lapamiʼnove, huno laha paiʼniye. Ani maige maige huʼa neʼmaiya yaʼmo mafaʼneʼafiʼmo maiʼniye.

Leveleseni 1:18

Afaʼa neʼmauva vekamo maiʼnove. Afiyo, huno, faliʼnovanageʼna maige maige huʼna maiʼna hano osuʼna afaʼa maiguve. He, lama ge. Nagaemo kitamo yakiʼna apatesuva kiʼmo aliʼnovaʼmofeʼmo falisayafeʼmofi afaʼa maisayafeʼmofi huʼna muki vayaʼaiteʼmo yagaiʼna neʼapatove.