Samu 131:1 - The Keyagana NT and 25 OT books

¹ Ala kava nene, huʼna, nagufamo aliʼna asagauʼna noʼnatove. Aeʼna apakaseʼnova vekamo maiʼnove, huʼna nosuve. Nagaemo alopa aliʼyafeʼmo nagesamo oʼafige afaʼa oʼagesuva kavafeʼmo nagesamo oʼafige nehuve.

Samu 131:1 ပူးပေါင်းရင်းမြစ်များ

Samu 101:5

Huʼa faipa huʼa neʼataya vayaʼmo hapafaiʼna apatalegauve. Ala vayaʼmo maiʼnone, huʼa huteʼa himuʼnamu kavaʼmo nehaya vayaʼmo nagaeʼeʼmo oʼmaigae.

Samu 122:1

Apakaemo huʼapaeʼmo, Ala kava neʼmo noʼafiʼmo uta haigetao, huʼa naha paiʼnageʼnaeʼmo namogaga aiʼnove.

Samu 124:1

Ala kava neʼmoʼa kamemo huno laha oʼmaeʼniyesinana haiya kava huta maiʼnonesine. Isaleli vayaʼmogitapamo ani loka geleʼmo aeta atagaina hutapa hiyo.

Samu 133:1

Apakeyo, huʼna, Goti konaga vayaʼamogimo magoke apaipa apakesamo aliteʼa alagepa huʼa magokepi lokaeʼa maisaya kavaʼapimoʼmo alagepa kavaʼmo amuse hisaya kavaʼmo haneʼniye.

Samu 139:6

Ago nageʼnanana kagae kaipa kagesamoʼmo nagae naipa nagesamo ago aeno agaseʼniyanageʼna afaʼa oʼagegauve.

Mai'naya kavane 21:4

Aliʼa afepi apatesaya agufa kavanagi apakiʼapileʼmo aliʼa asaga huʼa neʼataya kavanagi hosu vayaʼmogimo hoyamo aiʼyumo neʼaiya kavanagi huno hosu kavaʼmo haneʼniye.

Napa 12:3

Ani vekamo Moseseʼmo agaiʼamo lusi kava huno alino afepiʼmo neʼateya agufa kavaʼmo huʼa muki ma mopafi vayaʼmogimo osuʼnae.

Matiyu 11:29

Nagaemo yuna naipa vekamo maiʼneʼna yagu yaga kavaʼmo nehuvaʼmofeʼmo aliʼyaʼnimo alitetapa aliʼna lapaya malesuva gemo afige afige hutapa maiyo, lapaipamoʼmo kanale hisigeno lapakupi mafaʼnemo maino haga legaiye.

Apa 20:19

Yu vayaʼmogi nagaefeʼmo muki afinaʼae afinaʼaeʼmo vegemo huʼa maiʼnageʼnaeʼmo lusi kava huʼna kana alige aviʼyaʼmo huge huʼna maiʼneʼnaeʼmo muki afinaʼmo ina agufa vekamo maiʼnove, huʼna nagiʼnileʼmo aliʼna afepi ateteʼna Ala kava neʼmo aliʼyaʼamo aliʼnogetapa nageʼnae.

Lomu 11:33

Vae, huʼna, solovala aniʼmo lusi vasilonamo haneʼniya kavakana huno agesamo neʼafiya kavaʼe afiteno aliʼyaʼmo neʼaliya kavaʼeʼmo vasilonagana huno haneʼniye. Lagaemo kahauya hugunaʼmonanafa alagi agae aipa agesamo oʼagegaune. Ina laʼmo aliʼyaʼmo neʼaliya kavaʼmo aepaʼamo agegaiye.

Lomu 12:16

Magoke lapaipa lapakesamo alitapa maiyo. Ala lapaki alisaya agufa kavaʼmo osutapa ina agufa vayaʼmo maiʼnae, huʼa hisaya agufa kavakeʼmo hutapa maiyo. Alagi ago afiteta ageʼnona vayaʼmo maiʼnone, hutapa lapakesamo oʼafitapa afaʼa maiyo.

1 Tesaloniyani 2:10

Lagaemo lapakesamo afita fatago nehaya vayaʼmogitapaʼeʼmo lokaeta maiʼnetaeʼmo Gotitegamo alagepa kavaʼmo huge vayaʼaitegamo alagepa kavaʼmo huge vaiʼmo olamisaya agufa kavaʼmo huge huta maiʼnonagetapaeʼmo lapakaeʼe Gotiʼeʼmo ago lageʼnayanagetapa laha maesiya faigoko gemo afaʼa hugae.

1 Samiyo 16:13

Samiyoʼmo ani alinino eʼniya uvelimo alino nepuʼamogi apaulagaleʼmo Nevini agenopafiʼmo lakino ateʼniye. Ani afinaʼmo Ala kava neʼmo aunemeʼamo emineno agaeteʼmo maitenoʼaeʼmo ani afinatetiʼmo agaeteʼmo maige maige huno maiʼniye. Inagi Samiyoʼmo halate Lama taonifiʼmo uʼniye.

1 Samiyo 16:18

Mago aliʼyaʼamo neʼaliya vekamoʼmo Solofeʼmo ha painoʼaeʼmo, Nagaemo mago Yesi mafaʼnemo Metelehamu taonifiʼmo maiʼnigeʼna ageʼnove. Ani neya vekamoʼmo gitaleʼmo neʼamagiya kavaʼmo alagepa huno ageʼniye. Agaemo koli osuno kamemo lokiya vaino nehiya vekamae. Agaemo alagepa huno afiʼniya gemo nehiya vekamo kanale alagepa apaulagamo neʼagaya vekamae. Ala kava neʼmoʼa agaeʼeʼmo magokepi lokaeno maiʼniye.

1 Samiyo 16:22

Soloʼmo Yesitegamo mago gemo huno atalegeno uʼniye. Agaemo hunoʼaeʼmo, Nagaemo Nevinifeʼmo nahauʼniyaʼmofeʼmo kagaemo agaemo afaʼa ategenoʼa eno nagae aliʼyaʼmo alino, huno ha paiʼniye.

1 Samiyo 17:15

Neviniʼmo mago afinaʼae afinaʼaeʼmo apataleno halate Metelehamu taonilagamo uno afoʼamo sipisipileʼmo yagaino apatesiyafeʼmo maiʼniye.

1 Samiyo 18:23

Inagi apakaemo uʼa Nevinifeʼmo ani gemo ha paiʼnayaʼmonanafa Neviniʼa hunoʼaeʼmo, Nagaemo kini vekamo ayemoʼamoʼnamo maisuva kavaʼmo aise kavaʼmo haneʼniye, hutapa lapakesamo neʼafifiye. Haʼao, kagemi yaʼnimo ohanege ala nagimo ohanege huʼniye, huno hapa paiʼniye.