Samu 130:7 - The Keyagana NT and 25 OT books

⁷ Isaleli vayaʼmogitapae, huʼna, Ala kava nefeʼmo lapakesamo afitetapa lapa maesiyafeʼmo lapavayagunagu hutapa maiyo. Ala kava neʼmoʼa vayaʼaeʼmo hau huno neʼapateyanageno olapatalegaiye. Agaemo muki alu hosu kava alu hosu kavapatiʼmo miya faino hatu maeno neʼapateyaʼmofeʼmo ani kavafeʼmo lapakesamo afiteta lapavayagunagu hutapa maiyo.

Samu 130:7 ပူးပေါင်းရင်းမြစ်များ

Samu 130:4

Magoke vekamo alagi faino kasalo opaeyesinaʼmonanafa kagaefeʼmo koli huteʼa mono hisayafeʼmo hosu kavatimo alika ataleʼnane.

Samu 131:1

Ala kava nene, huʼna, nagufamo aliʼna asagauʼna noʼnatove. Aeʼna apakaseʼnova vekamo maiʼnove, huʼna nosuve. Nagaemo alopa aliʼyafeʼmo nagesamo oʼafige afaʼa oʼagesuva kavafeʼmo nagesamo oʼafige nehuve.

Samu 131:3

Isaleli nofi vayaʼnimogitapae, huʼna, Ala kava neʼmoʼa afaʼa laha maegaiye, hutetapa hemenigeʼmo aepa faitetapa muki afinaʼae afinaʼaeʼmo lapakesamo afiyo.

Samu 40:3

Saufa yokemo alino naya maleʼnigeʼna Goti agiʼaleʼmo aliʼna asaga huteʼna ani yokemo nehuve. Asole vayaʼmogimo nageteʼapaeʼmo koli huteʼa Ala kava nefeʼmo aliʼa amufa amiteʼapaeʼmo, laha maegaiye, huʼa hugae.

Aiyeya 55:7

Hosu kavaʼmo nehaya vayaʼmogi hosu kavaʼapimo atalege fatago kavaʼmo nosaya vayaʼmogi apakesamo neʼafiya kavaʼapimo atalege huteʼa Gotitimoʼmo Ala kava netegamo aiʼa atagineʼa eyo. Ala kava neʼmoʼa hau huno apateteno alopa kavaʼmo hunoʼaeʼmo, afaʼa ateyo, huno hapa paigiye.

Sefanaiya 3:12

Nagaemo lapakae folagapatiʼmo yuna apaipa vayaʼmogimo yagu yaga kavaʼmo nehaya vayaʼmo afaʼa apakeʼna apatalesugeʼa Ala kava neʼmoʼna nagiʼnilefeʼmo aliʼa amufa namigae.

Luki 14:22

aliʼyaʼamo neʼaliya vekamoʼmo ani kavaʼmo ago hutenoʼaeʼmo, Ala vekae, huno, naha paiʼnana kavaʼmo ago huʼnovaʼmonanafa mago vayaʼmo maisaya yaʼmo afaʼa haneʼniye, huno ha paiʼnigeno

Lomu 8:24

Gotiʼa lagufamo alagi alino katino latesiyafeʼmo agava maiʼneta lavayagunagu nehune. Lagaemo ani yaʼmo ago aliʼnonesinana agava maiʼneta lavayagunagu nosunesine. Vayaʼmogi ageʼnaya kavafeʼmo agava maiʼneʼa apavayagunagu nosae.

Himulu 10:35

Ani kavaʼmo hutapa maiʼnayaʼmofeʼmo oʼataletapa atafauta alagi hutapa maiyo, alopa miyatapimo aligae.

Leveleseni 5:9

Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.