Samu 130:5 - The Keyagana NT and 25 OT books

⁵ Nagupi mafaʼnemoʼmo Ala kava neʼmoʼa naha maesiyafeʼmo agava maiʼniye. Geʼaeʼmo nagesamo afiteʼna agava maiʼneʼnaeʼmo navayagunagu nehuve.

Samu 130:5 ပူးပေါင်းရင်းမြစ်များ

Aepa Gemae 49:18

O Ala kava nene, huʼna, nagaemo nagufamo alika katika natesanafeʼmo kagava maiʼnove.

Samu 119:114

Nagaemo kagaepiʼmo fala kiʼna maiʼnogeka kagaemo haleguʼnimo maiʼnane. Gekamo alagi afole aigiye, huʼna huteʼna navayagunagu huʼna maiʼnove.

Samu 119:42

Gekaeʼmo aliʼna amufa neʼamuvaʼmofeʼmo huno faipa huno neʼnateya vekamo geʼaleʼmo aeʼna atagaina huʼna ha paiguve.

Samu 119:49

Kagaemo aliʼyakamo neʼaluva vekamoʼnaeʼmo kaha maegauve, huka naha paiʼnana gekaeʼmo halate kagesamo afika ho huvo. Ani gekaeʼmo nagesamo afiʼnaeʼmo, alagi afole aigiye, huʼna huteʼna navayagunagu huʼna maisuvafeʼmo alika he tika nateʼnane.

Samu 119:74

Nagaemo gekamoʼmo naha maegaiye, huʼna huteʼna navayagunagu huʼnovaʼmofeʼmo kagaefeʼmo koli nehaya vayaʼmogi nageteʼapaeʼmo apamogaga aigae.

Samu 119:81

Nagupi mafaʼnemo alika katika atesanafeʼmo lusi kava huno nahauʼnigeno lokiyaʼnimo ago hano huʼniyaʼmonanafa kaha maegauve, huka huʼnana gekaeʼmo nagesamo afiteʼna navayagunagu nehuve.

Samu 27:14

Ala kava nefekeʼmo agava maiyo. Lokiya vaita maiʼnigenoʼao lokiya vaino lapateno. Ala kava nefekeʼmo agava maiyo, huʼna nehuve.

Samu 40:1

Nagaemo Ala kava neʼmoʼa naha maesiyafeʼmo keya aeʼna ge huteʼnaeʼmo naipamoʼmo falu huʼnigeʼna agava maiʼnogenoʼaeʼmo ape huno agetafo huʼneno geʼnimo afiʼniye.

Samu 62:1

Nagupi mafaʼnemoʼmo ge osuno Gotifekeʼmo agava maiʼniye. Agaiʼageʼmo nagufamo alino katino nategaiye.

Samu 62:5

Nagaemo Gotiʼa naha maegaiye, huʼna nagesamo afiʼna fatago nehuvaʼmofeʼmo nagupi mafaʼneyo, huʼna, ge osuka Gotifekeʼmo agava maiyo.

Aiyeya 26:8

O Ala kava nene, huta, kagaemo kagesa afiteka huʼnana kavafeʼmo lagesamo afiteta laha maesanafeʼmo kagava neʼmaune. Kagikalefeʼmo lagesamo afige kagaefeʼmo lage okanita lagesamo afige nehutaeʼmo lagupi mafaʼnemoʼmo lusi kava huno hauʼniye.

Luki 2:25

Mago vekamo Yulusalemu taonifiʼmo maiʼniya vekamo agiʼamo Simiyoniʼa fatago kavaʼmo huno Goti keʼaepa geʼamo akame huteno Isaleli vayaʼmo hapau vaisiya afinafeʼmo agava maiʼniye. Aote Aunemeʼamoʼmo agaeteʼmo eminenoʼaeʼmo,

Luki 2:38

Ani afinaʼmo Yesutegaʼe itaʼafoʼalaʼmoganitegaʼeʼmo eno Gotifeʼmo hao ke hetenoʼaeʼmo mafaʼneʼaeʼmo ava gemo hunoʼaeʼmo, Yulusalemu vayaʼai apakufamo alino katino apateteno hatu maeno apatesiyafeʼmo agava maiʼnaya vayaʼaifeʼmo hapa paiʼniye.

Himulu 6:18

Ani lole gemo haneʼniyana polomasi geʼe agiʼaletiʼmo alagi lama gemo huʼniya geʼeʼmo huʼniyanageno agaemo alu gemo afaʼa osugiye. Ani geletiʼmo lagaemo laune heta uta fala kita neʼmauna vayaʼmogita laulagaleʼmo alino afole aino ateʼniya yateʼmo agava maiʼneta lavayagunagu hisuna kavateʼmo alagi atafaisunafeʼmo alino he tino lateʼniye.