Samu 13:2 - The Keyagana NT and 25 OT books

² Magoʼe magoʼe huʼna naipafiʼmo nagesa afifi huʼna maiguve. Naipamoʼmo kana hume hume neʼe. Na magi afinaʼmo kameʼnimoʼmo muki afinaʼae afinaʼaeʼmo aeno naga segaiye.

Samu 13:2 ပူးပေါင်းရင်းမြစ်များ

Esata 7:6

Esataʼa geʼaleʼmo aeno atagaina huno ha painoʼaeʼmo, Ani hosu vekamo Hemanifekeʼmo nehugenoʼaeʼmo agaemo kametimo maiʼniye, huno ha paiʼniye. Hemaniʼa kini vekaʼe kuvini a kanoʼefeʼmo koli huʼnigeno lusi kava huno atete hauʼniye.

Samu 10:18

Aliʼa afepi apateʼnaya vayaʼe hapa noʼmaya vayaʼmogiʼeʼmo kagaefeʼmo keya aeʼa ge hisageka afitekaeʼmo alagepa huka alika fako huka apategane. Ma mopafi vayaʼmogimo magoʼe huʼa aliʼa afepi oʼapatesayafeʼmae.

Samu 116:3

Falisuva kavaʼmoʼa nofi aegekana huno natafauno alagi huno maiʼniye. Kanolufiʼmo uʼna lamiguve, huʼna nagesamo afiʼna nahausoli huteʼna koli huʼnove.

Samu 17:9

Hosu vayaʼmogimo kana yaʼmo aliʼa neʼnamiye. Kame vayaʼnimogimo nahaesayafeʼmo yagaiʼa vego huʼa nateʼnayanagi naha mao.

Samu 31:18

Fatago vayaʼaifeʼmo aigofe himuʼnamu gemo nehaya geʼapimo alika hano huka apatalo.

Samu 38:17

Asagauʼna aigefeʼmo nehugenoʼaeʼmo muki afinaʼmo nagafu nekiye.

Samu 42:4

Nagaemo huʼnova kavafeʼmo nagesamo afiteʼna naipafiʼmo haneʼniya kavaʼaʼnimo aeʼna hakalo huʼna kaha nepauve. Hogoteta nagaeʼeʼmo magokepi lokaeta neʼutaeʼmo mono yokemo huge Goti agiʼaleʼmo alita asaga huge hulita Goti mono notegamo uʼnone. Mukiʼamogitamo mono hisunafeʼmo aote afinaʼmo hu maleʼnone.

Samu 6:4

Ala kava nene, huʼna, aika afe leka nagetekaeʼmo hatu maeka nato. Falu kaipa vekamo maiʼneka kahau huka neʼapatana vekamo maiʼnanagi falisuva kavategatiʼmo nagupi mafaʼnemo alika katika nato.

Samu 7:2

Fiku yanageʼa laiyonimoʼmo hapaeno katali katalu nehiya kava huʼa mago naha maesiya vekamo oʼmaisiya afinaʼmo nahaeʼa katali hugae.

Samu 8:2

Kagaemo muki aise mafaʼne anagaʼe nute mafaʼne anagaʼeʼmo lokiya vaika apateʼnanageʼapaeʼmo kagikaleʼmo aliʼa asaga nehayanageʼapaeʼmo kamekamogiʼe gekamo amagiʼa neʼatalaya vayaʼmogiʼeʼmo ge osuʼa afaʼa maigae.

Samu 9:6

Kame vayatimo alagi hano huʼnae. Kagaemo taoniʼapimo heka halagape vaika ataleʼnane. Apakiʼapimo alagi hano huʼniye.

Mai'naya kavane 15:13

Mago vekamoʼmo aipafiʼmo amogaga aisiyaʼmoʼmo augosamoʼmo kigi hugiyaʼmonanafa aipamoʼmo kana hisiyaʼmoʼmo aunemeʼamo maleno apaligiye.

Matiyu 26:38

falisuva agufa kana yaʼmoʼa nagupi mafaʼnemo lusi kava huno faino vego huno nateʼniye. Manile nagaeʼeʼmo magokepi kava yagaita maigetao, huno hapa paiʼniye.

Luki 22:53

Nagaemo lapakaeʼeʼmo muki afinaʼae afinaʼaeʼmo alopa mono nopiʼmo maiʼnogetapaeʼmo oʼnatafauʼnayaʼmonanafa hemenimo lapakaemo ani kavaʼmo hisayafeʼmo hani nehiya kavateʼmo neʼyagaiya vekamo himamuʼaletiʼmo hisiya afinaʼmo ago afole aiʼnigetapaeʼmo nehae, huno hapa paiʼniye.

Yoni 16:6

Mani gemo lapa nepauvaʼmofeʼmo lapaipamoʼmo lusi kava huno kana huʼniya kavaʼmo lapaipafiʼmo havai teʼniyaʼmonanafa

Lomu 9:2

Ani lama geeʼmo huʼnaeʼmo, nagae nofi vayapatiʼmo ma mopafi konagaʼnimogifeʼmo nagesamo neʼafugenoʼaeʼmo muki afinaʼmo lusi kava huno naipamoʼmo kana nehigeno nainagamo nefaiye.

Filipai 2:27

He, ago falisiya agufa kaitaʼmo hauʼniyaʼmonanafa Gotiʼa hau huno ateʼniye. Agaefekeʼmo hau huno oʼateʼnifa nagaeʼeʼmo magoʼe huʼna kana yaʼmo oʼalisuvafeʼmo hau huno nateʼniye.

1 Samiyo 18:29

Agetenoʼaeʼmo Soloʼmo magoʼe huno Nevinifeʼmo koli huʼniye. Inagi Soloʼmo muki afinaʼaeʼmo kameʼamo hamaleʼniye.

1 Samiyo 24:19

Nagaemo ageʼnovana mago vekamoʼmo kameʼamo alino hosu huno atesiya kaʼmo haneʼnisiyaʼmoʼmo afaʼa atalesigeno visifiye. Haʼao. Oʼategaiyaʼmonanafa kagaemo nateʼnanaʼmofeʼmo Ala kava neʼmoʼa nagaetegamo huʼnana kavaʼmo anonakalefeʼmo alino alagepa huno kateno.