Samu 127:1 - The Keyagana NT and 25 OT books

¹ Ala kava neʼmoʼa hapa oʼmaesiyaʼmoʼmo noʼmo nekiya vayaʼmogimo afa aliʼyakeʼmo aliteʼa noʼmo okigae. Ala kava neʼmoʼa hapa oʼmaesiyaʼmoʼmo taonifiʼmo yagaiʼnaya vayaʼmogi afaʼageʼmo yagaiʼnisagenoʼaeʼmo taonifiʼmo hosu kavaʼmo afole aigiye.

Samu 127:1 ပူးပေါင်းရင်းမြစ်များ

Samu 120:1

Nagaemo kana yaʼmo aliʼnova afinaʼmo Ala kava nefekeʼmo alopa gefatiʼmo ge huʼna ha paiʼnogeno afiʼniye.

Samu 121:1

Nagaemo avelega aulu heʼna agesufiye. Haiyategatiʼmo naha maesiya yaʼmo afole aigiye.

Samu 122:1

Apakaemo huʼapaeʼmo, Ala kava neʼmo noʼafiʼmo uta haigetao, huʼa naha paiʼnageʼnaeʼmo namogaga aiʼnove.

Samu 123:1

Kokuʼnapi maiʼnana Ala vekamogae, huʼna, Nagaemo aliʼna maku huʼna nekagove.

Samu 124:1

Ala kava neʼmoʼa kamemo huno laha oʼmaeʼniyesinana haiya kava huta maiʼnonesine. Isaleli vayaʼmogitapamo ani loka geleʼmo aeta atagaina hutapa hiyo.

Samu 125:1

Ala kava nefekeʼmo aliʼa amufa neʼamiya vayaʼmogimo Saiyoni avegana huʼa maiʼnae. Saiyoni avemoʼmo kanage osuno lokiya vaino nehaneya kava huʼa maiʼnae.

Samu 126:1

Ala kava neʼmoʼa hatu maeno lateteno Saiyoni kotegamo lavalelino eʼnigetaeʼmo alagamuna agegekana huta maiʼnone.

Samu 72:1

O Gotiyo, huʼna, kagaemo kini vekamo alagepa aipa agesamo amiʼnegenoʼao vayakaleʼmo alagepa huno yagaino apateno. Fatago kavakamo kini vekamo mafaʼneʼamo amiʼnegenoʼao kagemi yaʼapimo ohaneʼnisiya vayaʼaiteʼmo alagepa huno yagaino apateno.

Samu 78:69

Agaemo ani aveleʼmo mono noʼamo avegana huno ki maleʼniye. Ma mopamo lokiya vaino haneʼniya kava huno noʼamo lokiya noʼmo ki maleʼniye.

Mai'naya kavane 16:9

Vayaʼmogimo hisaya kavafeʼmo apakesamo neʼafiyaʼmonanafa Ala kava neʼmoʼa agaiʼageʼmo alino ho huno neʼapate.

Salomoni Yokemae 3:3

Uʼneʼna nehugeʼapaeʼmo taonifiʼmo uʼeʼa huʼa neʼyagaiya vayaʼmogimo nageʼnageʼnaeʼmo, nagupi mafaʼnemoʼmo hau ayamopafiʼmo hauʼniya vekaʼnimo ageʼnafiye, huʼna ge huʼna apafi geʼnove.

Salomoni Yokemae 5:7

Umenitata nehuʼa taonifiʼmo neʼyagaiya vayaʼmogi nageteʼapaeʼmo namagiʼa nagufamo aiʼa atalagauʼnae. Yafa lafi kegiʼyaleʼmo neʼyagaiya vayaʼmogi naugosafiʼmo aiʼna ati kaeʼna neʼaluva lavolavoʼnimo aliʼnae.

Aiyeya 56:10

Isaleli vayaʼaiteʼmo yagaiʼa neʼapataya vayaʼmo apaulagamo fali kaeʼniye. Gemo alagepa huʼa noʼafiye. Apake noʼaiya kalagana huʼa maiʼneʼa hau hau nosae. Havaesayafeʼmo hapauʼnigeʼa apauʼmaiʼmai huʼa maiʼnae.

Aiyeya 62:6

Yulusalemuo, huʼna nagaemo yafa lafi kegiyakaleʼmo kava yagaisaya vayaʼmo aliʼna apateʼnovanageʼa felugaʼe haniʼilagaʼeʼmo afaʼa oʼmaiʼa apake aigae. Lapakaemo Ala kava nefeʼmo ava gemo nehaya vayaʼmogitapamo afaʼa oʼmaitapa ge hiyo.

1 Kolitiyani 15:14

Kalaisiʼa alino he tino oʼateʼniyesinana aeta hakalo huta lapa nepauna geʼe lapakesamo afita fatago nehaya kavaʼeʼmo ina agufa kavaʼmo haneʼniyesine.

1 Kolitiyani 3:7

Avina yaʼmo nehakaleya vekaʼe aniʼmo nelakiya vekaʼeʼmo ina agufa vekalaʼmo maiʼnaʼaʼmonanafa Gotikeʼmo alino hageno neʼateya vekamo ala agi vekamo maiʼniye.

Galesiya 4:11

Lapakaefeʼmo nagesamo afiteʼna koli nehuʼnaeʼmo, apakaetegamo afa aliʼyaʼmo aliʼnofiye, huʼna nehuve.

Yasuva 2:2

Maiʼnaʼageʼapaeʼmo mago vayaʼmogimo Yeliko kote kini vekaeʼmo ina ge huʼa ha paiʼnae. Afiyo, huʼa, hemeni haniʼilagageʼmo mago Isaleli vekalaʼmo kagae koʼmo ageʼana alagepa hisaʼafeʼmo eʼana avaʼyi huʼnaʼae.