Samu 125:1 - The Keyagana NT and 25 OT books

¹ Ala kava nefekeʼmo aliʼa amufa neʼamiya vayaʼmogimo Saiyoni avegana huʼa maiʼnae. Saiyoni avemoʼmo kanage osuno lokiya vaino nehaneya kava huʼa maiʼnae.

Samu 125:1 ပူးပေါင်းရင်းမြစ်များ

2 Sitoli 20:20

Gotilamiyapiʼmo muki Yuta vayaʼmo he tiʼa Tekova taoni haopalegamo kaʼme kotegamo neʼuʼapaeʼmo kini vekamo Yihosafatiʼmo he tino ina ge huno hapa paiʼniye. Hapa painoʼaeʼmo, Yuta vayanagi Yulusalemu taonifi vayanagi hutapa geʼnimo afiyo. Lapakaemo Ala kava neʼmo Gotitapimofeʼmo alita amufa amigenoʼao lokiya vaino lapatesigetapa he tiyo. Lapakaemo geʼamo alini eʼa aeʼa hakalo huʼa hapa nepaiya vayaʼai geʼapieʼmo lapakesamo afita fatago higenoʼao lapa maesigetapa alagepa hutapa maiyo, huno hapa paiʼniye.

Samu 120:1

Nagaemo kana yaʼmo aliʼnova afinaʼmo Ala kava nefekeʼmo alopa gefatiʼmo ge huʼna ha paiʼnogeno afiʼniye.

Samu 121:1

Nagaemo avelega aulu heʼna agesufiye. Haiyategatiʼmo naha maesiya yaʼmo afole aigiye.

Samu 122:1

Apakaemo huʼapaeʼmo, Ala kava neʼmo noʼafiʼmo uta haigetao, huʼa naha paiʼnageʼnaeʼmo namogaga aiʼnove.

Samu 123:1

Kokuʼnapi maiʼnana Ala vekamogae, huʼna, Nagaemo aliʼna maku huʼna nekagove.

Samu 124:1

Ala kava neʼmoʼa kamemo huno laha oʼmaeʼniyesinana haiya kava huta maiʼnonesine. Isaleli vayaʼmogitapamo ani loka geleʼmo aeta atagaina hutapa hiyo.

Samu 147:11

Ala kava neʼmoʼa vayaʼmogimo agaefeʼmo koli nehaya vayaʼaifeʼmo amuse huge hau huno neʼapateya kavafeʼmo aliʼa amufa neʼamiya vayaʼaifeʼmo amuse huge nehiye.

Samu 20:8

Apakaemo asagauʼa aiteʼa alagi afela heʼnayaʼmonanafa lagaemo he tita lokiya vaita maiʼnone.

Samu 25:2

O Gotiʼnimogae, huʼna, aliʼna amufa kamiʼnovaʼmofeʼmo fiku yanageʼa kame vayaʼnimogimo aeʼa nagasesageno navagage hugiyanagi oʼnatalo.

Samu 25:8

Ala kava neʼmo alagepa fatago vekamo maiʼniyaʼmofeʼmo hosu vayaʼmogi alagepa kateʼmo visayafeʼmo alino apaya malegaiye.

Samu 27:1

Ala kava neʼmo ha le yaʼnimo aepa vekamo maiʼneno nagufamo alino katino neʼnateya vekamo maiʼniyaʼmofeʼmo ina lagifeʼmo koli huguve. Ala kava neʼmo himamuʼnimo aepa vekamo maiʼniyaʼmofeʼmo ina lagifeʼmo atete huguve.

Samu 34:22

Ala kava neʼmoʼa aliʼyaʼamo neʼaliya vayaʼai apakupi mafaʼnemo miya faino alino katino neʼapate. Agaefeʼmo aliʼa amufa amiʼnaya vayapatiʼmo magoke vekaeʼmo, hosu vekamo maiʼnane, huno huteno alagi alino hafaino oʼatalegaiye.

Samu 46:5

Gotiʼa ani taonifiʼmo maiʼniyanageno ani taonimo afaʼa hanegaiye. Gotiʼa kotilamisiyapiʼmo eno taonifiʼmo maiʼnisaya vayaʼmo hapa maegaiye.

Samu 46:6

Alu nofi vayaʼe alu nofi vayaʼeʼmo apayamukiki huʼa kame huteʼapaeʼmo yagaiʼa neʼapataya vayaʼe vayaʼapiʼeʼmo alagi asagauʼa aiʼnae. Gotiʼa alopa gefatiʼmo ge nehigenoʼaeʼmo lokiyaʼapimo alagi hano huʼniye.

Samu 62:2

Agaiʼageʼmo yafaʼnimo maiʼneno nagufamo alino katino neʼnateya Gotiʼnimoʼmo maiʼniye. Naha maesigeʼna afaʼa maiguve.

Samu 62:3

Lapakaemo na magi afinaʼmo kame hutapa nategae. Lapakaemo aino aega huʼniya yafa kegiʼyagana hutapa maige uti uti neʼaiya kegiʼyagana hutapa maige huʼnayanagetapa asagauta aitapa faligae.

Samu 62:6

Agaiʼageʼmo yafaʼnimo maiʼneno nagufamo alino katino neʼnateya Gotiʼnimoʼmo maiʼniye. Naha maesigeʼna afaʼa maiguve.

Samu 62:7

Gotiʼa nagufamo alino katino nateteno nagiʼnileʼmo alino asaga huno nategaiye. Gotiʼa lokiya yafaʼnimo maiʼniye. Nagaetegamo hosu kavaʼmo afole neʼaigeʼnaeʼmo agaepiʼmo alagepa huʼna fala kiʼna neʼmauve.

Mai'naya kavane 10:25

Lusi yasimo alisigeʼapaeʼmo hosu vayaʼmo magoʼe huʼa oʼmaigayaʼmonanafa fatago vayaʼmogimo he tiʼa lokiya vaiʼa maigae.

Aiyeya 12:6

Isaleli vayaʼmogi aote Gotiʼa lapakae folagapiʼmo maiʼniya aote vekamo ala agi vekamo maiʼniyaʼmofeʼmo O, Saiyoni taonifiʼmo maiʼnaya vayanagi alopa gefatiʼmo hiyo.

Aiyeya 26:3

Kagaefeʼmo lole apakesamo oʼafiʼa magoke apakesamo neʼafiya vayaʼmogimo aliʼa amufa nekamiyaʼmofeʼmo apaipamoʼmo falu hisiyafeʼmo yagaika apategane.

Aiyeya 26:4

Yihovaʼmo Ala kava neʼmo lokiya yafakana huno maiʼnigeno muki afinaʼmo lokiyaʼamo hanege hanege huno hanegaiyaʼmofeʼmo Ala kava nefeʼmo muki afinaʼmo alita amufa amiyo.

Aiyeya 51:11

Ina kava huʼa Ala kava neʼmoʼa miya faino hatu maeno apateʼniya vayaʼmogimo aiʼa atagi neʼa yokemo nehuʼapaeʼmo Saiyoni taonifiʼmo egae. Muki afinaʼmo apamogaga aige aige huʼa maigae. Apakaemo magoʼe huʼa kana yaʼmo oʼalige yulagefa oʼaige hugayaʼmonanafa alagepa huʼa maige maige huʼa maigae.

Aiyeya 51:16

Nagaemo kagaemo saufa kokuʼnaʼe saufa mopaʼeʼmo alo huteka Saiyoni vayaʼaifeʼmo hukaeʼmo, lapakaemo vayaʼnimo maiʼnae, huka hapa paisanafeʼmo geʼnimo kavayafiʼmo maleteʼna nagaemo kagufaleʼmo naya auneʼaletiʼmo aiʼna ati kaeʼna kateʼnove, huno ha paiʼniye.

Aiyeya 51:8

Kafamoʼmo kukena yaʼmo nehatagaiya kava huʼa apakaemo aliʼa hano huʼa apatalegae. Aliʼa hano huʼa apatalegayaʼmonanafa fatago kavaʼnimoʼa hano osuno muki afinaʼmo hanege hanege huno hanegaiye. Apakufamo aliʼna katiʼna neʼapatova vayaʼmogi muki afinaʼmo maige maige huʼa maigae.

Aiyeya 52:1

Agaemo Yulusalemu vayaʼaifeʼmo hunoʼaeʼmo, O Saiyoniyo, huno, Aupatiʼmo hauneyo, aupatiʼmo hauneyo, Kagaemo he tika lokiya vaiyo. O Yulusalemu kaote taoniyo, huno, Kagaemo kanale kanale konali kukenakamo alika vaiyo. Apakufaleʼmo Goti alagena yaʼamo oʼaliʼnisaya vayaʼe oʼaniʼya faiʼniya vayaʼeʼmo kagaetegamo magoʼe huʼa oʼmegae.

Omataiya 1:21

Mago vayaʼmogi vayaʼnimo apakufamo aliʼa katiʼa neʼapataya vayaʼmogimo Saiyoni aveleʼmo eʼa Iso vayaʼeʼmo kame huteʼapaeʼmo koʼapimo aliteʼa apakaeteʼmo yagaiʼa apategae. Ani afinaʼmo Ala kava neʼmoʼa agaiʼamo kini vekamo maiʼniyanageno muki vayaʼaiteʼmo yagaino apategaiye.

Maika 4:2

Asole nofi vayaʼmogi eʼa huʼapaeʼmo, Egetao, Ala kava neʼmo aote aveleʼmo uta haigune. Yekopu Gotiʼamo mono noʼafiʼmo uta haisunageno hauʼniya kateʼmo visunafeʼmo alino laya malesigeta kaʼaleʼmo uteta hugune. Keʼaepa gemo Saiyoni aveletiʼmo uneno hugiye. Ala kava neʼmo geʼamo Yulusalemu taonifatiʼmo aino atagu faeno uneno hugiye.

1 Pita 1:21

Lapakaemo agaetetiʼmo Gotifeʼmo lapakesamo afita fatago nehae. Agaemo faliʼniyatetiʼmo ago alino he tino ateteno ha le konali yaʼamo amiʼnigetapaeʼmo Gotifeʼmo lapakesamo afita fatago hutetapa agava maiʼnetapaeʼmo lapavayagunagu nehae.

Leveleseni 14:1

Halate ageʼnovana, ageyo, huno, aikeli sipisipimo Saiyoni avefiʼmo he tino maiʼnigeʼapaeʼmo vani hataleti foti fo tauseniʼa vayaʼai hapanileʼmo agaiʼa agiʼe afoʼamo agiʼeʼmo avoʼmo kae maleʼniya vayaʼmo agaeʼeʼmo magokepi lokaeʼa he tiʼa maiʼnageʼna apakeʼnove.