Samu 121:7 - The Keyagana NT and 25 OT books

⁷ Ala kava neʼmoʼa alu hosu kavatetiʼe alu hosu kavatetiʼeʼmo alino hosu huno okatesiyafeʼmo yagaino katesigeno kagupi mafaʼnemo alagepa huno maigiye.

Samu 121:7 ပူးပေါင်းရင်းမြစ်များ

Aepa Gemae 28:15

Afiyo, huʼna, Nagaemo muki umenitata hisana kotegamo kagaeʼeʼmo lokaeʼna maiʼneʼna alagepa huʼna yagaiʼna kateteʼna halate mani mopaleʼmo kavaleliʼna egauve. Nagaemo muki kaha paiʼnova kavaʼmo aliʼna afole aiʼna atesuvafeʼmo alagi okatalegauve, huno ha paiʼniye.

Samu 145:20

Ala kava neʼmoʼa agaefeʼmo hapau apayamofiʼmo hapauʼniya vayaʼaiteʼmo yagaino neʼapategeʼa afaʼa neʼmaiye. Afaʼa neʼmaiyaʼmonanafa muki hosu vayaʼmo alino apagoʼya lagauno apatalegaiye.

Samu 34:22

Ala kava neʼmoʼa aliʼyaʼamo neʼaliya vayaʼai apakupi mafaʼnemo miya faino alino katino neʼapate. Agaefeʼmo aliʼa amufa amiʼnaya vayapatiʼmo magoke vekaeʼmo, hosu vekamo maiʼnane, huno huteno alagi alino hafaino oʼatalegaiye.

Samu 41:2

Ala kava neʼmoʼa hapa maesigeʼapaeʼmo ofaliʼa afaʼa maigae. Ma mopafiʼmo maiʼneʼapaeʼmo aulena vayaʼmo maigae. Ala kava neʼmoʼa kame vayaʼai apayapiʼmo apavaleno oʼapamigiye.

Samu 97:10

Ala kava nefeʼmo lapau lapayamopafi lapauʼnisiya vayaʼmogitapae, huʼna, Hosu kavafeʼmo lapaini hino. Agaemo apaote vayaʼamo maige maige huʼa maisayafeʼmo yagaino neʼapate. Agaemo hosu vayaʼai apayapatiʼmo neʼapavale.

Mai'naya kavane 12:21

Muki fatago vayaʼmogi alopa hanageke yaʼmo oʼaligayaʼmonanafa hosu vayaʼmogi asole hanageke yaʼmo aliʼa havaitegae.

Napa 6:24

Ala kava neʼmoʼa aulena gemo lapa paiteno alagepa huno yagaino lapateno.

Matiyu 6:13

Lamalageka hisiya kavategamo lavalelikuka olateka hosu kavategatiʼmo alika atagineka lategeta eno. Kagaika himamukaletiʼe ha le konali yakaletiʼeʼmo yagaika neʼapatane. He, lama ge.

Lomu 8:28

Muki alu kava alu kavaʼmo afole neʼaiya kavaʼmoʼa Gotifeʼmo hapau apayamopafiʼmo nehapaiya vayaʼaifeʼmo Gotiʼa huguve, huno hu maleʼniya geʼaletiʼmo keya aeno ge huʼniya vayaʼmo alagepa huʼa maisayafeʼmo muki alu kavatetiʼe alu kavatetiʼeʼmo alino magokepi lokaeno aliʼyaʼmo neʼaliye.

2 Timoti 4:18

Inagi Ala kava neʼmoʼa muki hosu kavapatiʼmo nagufamo alino katino nateteno kokuʼnapiʼmo yagaino neʼapateya koteʼmo navalelino uno haino nategaiye. Muki afinaʼmo ha le konali agiʼamo alagi hanege hanege huno haneno. He, lama gemae.