Samu 120:4 - The Keyagana NT and 25 OT books

⁴ Lokiya vekamoʼmo akoʼya keveletiʼmo lahapaegaiye. Hokanufa atamoʼmo leno lapasagaligiye.

Samu 120:4 ပူးပေါင်းရင်းမြစ်များ

Samu 45:5

Kevekamo lusi kava huno akoʼya huʼniya kevemo haneʼniyanageka kame vayakamogi apaipafiʼmo nehapanageʼapaeʼmo kaiyafiʼmo asagauʼa neʼaiye.

Samu 57:4

Nagupi mafaʼnemoʼmo laiyoni anagaʼmogi folagapiʼmo maiʼniye. Nagaemo ma mopafi vayaʼmo atagana huʼa maiʼnaya vayaʼai folagapiʼmo maiʼnove. Apaveʼmoʼa hayo kana huno hanege kevegana huno hanege huʼniye. Apavenafuʼnamo aveʼmo neʼneya naipegana huno haneʼniye.

Samu 59:7

Geʼapimoʼmo aveʼmo neʼneya naipegana huno haneʼniye. Apakaemo faipa huʼa apatege apamagigune, huʼa huge nehae. Apakaemo huʼapaeʼmo, Ina lagimo getimo afigae, huʼa nehae.

Samu 7:13

Agaemo kamitimo hapaesigeʼa falisaya yaʼamo alo huʼniye.

Mai'naya kavane 11:12

Afiteno oʼageʼniya vekamoʼmo haopaleʼmo maiʼniya vekamo geʼaletiʼmo alino afepiʼmo neʼateyaʼmonanafa afino aeto nehiya vekamoʼmo ani agufa gemo nosiye.

Mai'naya kavane 11:18

Hosu vekamoʼmo aliʼyaʼaletiʼmo miyaʼamo hano hisiya miyaʼmo aligiyaʼmonanafa avina yaʼmo nehakalaya kava huno fatago kavaʼmo huʼniya vekamoʼmo henagaʼamo alagi alagepa miyaʼmo aligiye.

Mai'naya kavane 11:9

Aigofe mono vayaʼmogimo geʼapiletiʼmo hapaopaleʼmo maiʼnaya vayaʼmo aliʼa hosu huʼa neʼapatayaʼmonanafa fatago vayaʼmogi afiʼa aeto nehaya kavaʼapiletiʼmo hosu kavaʼmo aeʼa aga segae.

Mai'naya kavane 12:22

Ala kava neʼmoʼa aigofe gemo nehaya vayaʼaifeʼmo alagi ohauʼniyaʼmonanafa lama gemo nehaya vayaʼaifeʼmo hapaoke nehe.

Mai'naya kavane 16:27

Gotifeʼmo mono nosiya vekamoʼmo vayafeʼmo hosu apava gemo hisiyafeʼmo lokiya vaino kahauya nehiye. Avayaletiʼmo nehiya gemoʼmo atagana huno haneʼniye.

Mai'naya kavane 18:21

Apavayafatiʼmo nehaya geʼapimoʼmo afaʼa maisaya yaʼmo alino apamige falisaya yaʼmo alino apamige nehiye. Alagepa geeʼmo nehapaisiya vayaʼmo alagepa huʼa maigayaʼmonanafa hosu geeʼmo nehapausiya vayaʼmo alagepa huʼa oʼmaigae.

Mai'naya kavane 18:8

Apakamelega gemo nehaya gemoʼa haga neʼyakana huno haneʼniye. Ani agufa gemoʼmo vayaʼmogi apaipafiʼmo uno nelamiye.

Mai'naya kavane 19:5

Aigofe faigoko gemo nehisiya vekamo kayoʼmo amigiye. Ani kava huno aigofe gemo nehisiya vekamo faino kasalo opaegaiye.

Mai'naya kavane 19:9

Aigofe faigoko gemo nehiya vekamo kayoʼmo amigiye. Aigofe gemo nehiya vekamo faligiye.

Leveleseni 21:8

Maigayaʼmonanafa vayaʼaifeʼmo koli huteʼa Goti geʼamo neʼatalaya vayanagi apakesamo afiʼa fatago nosaya vayanagi alagi faipa vayanagi vayaʼmo neʼapamagiya vayanagi kumai kavaʼmo nehaya vayanagi Satani himamuʼaletiʼmo noʼagaya agufa apaune kavaʼmo nehaya vayanagi aigofe gotiʼapimogitefeʼmo mono nehaya vayanagi muki agufa aigofe gemo nehaya vayanagi huʼa ata kotuʼmo sofa yafapiʼmo neleya ata kotupiʼmo maigae. Ata kotupiʼmo maisaya kavaʼmo agiʼamo napa tu afinaʼmo falisaya kavaʼmae.