Samu 120:1 - The Keyagana NT and 25 OT books

¹ Nagaemo kana yaʼmo aliʼnova afinaʼmo Ala kava nefekeʼmo alopa gefatiʼmo ge huʼna ha paiʼnogeno afiʼniye.

Samu 120:1 ပူးပေါင်းရင်းမြစ်များ

Samu 107:13

Ani kava huʼa hanageke yaʼmo aliʼa maiʼneʼapaeʼmo Ala kava nefeʼmo keya aeʼa ge huʼnageno afiteno hanageke yaʼmo aliʼnaya kavaʼapifatiʼmo apakufamo alino katino apateʼniye.

Samu 118:5

Lusi hanageke yaʼmo aliʼneʼnaeʼmo Ala kava nefekeʼmo keya aeʼna ge huʼnogenoʼaeʼmo geʼnimo afiteno hatu maeno nateʼnigeʼna afaʼa maiʼnove.

Samu 121:1

Nagaemo avelega aulu heʼna agesufiye. Haiyategatiʼmo naha maesiya yaʼmo afole aigiye.

Samu 122:1

Apakaemo huʼapaeʼmo, Ala kava neʼmo noʼafiʼmo uta haigetao, huʼa naha paiʼnageʼnaeʼmo namogaga aiʼnove.

Samu 123:1

Kokuʼnapi maiʼnana Ala vekamogae, huʼna, Nagaemo aliʼna maku huʼna nekagove.

Samu 124:1

Ala kava neʼmoʼa kamemo huno laha oʼmaeʼniyesinana haiya kava huta maiʼnonesine. Isaleli vayaʼmogitapamo ani loka geleʼmo aeta atagaina hutapa hiyo.

Samu 125:1

Ala kava nefekeʼmo aliʼa amufa neʼamiya vayaʼmogimo Saiyoni avegana huʼa maiʼnae. Saiyoni avemoʼmo kanage osuno lokiya vaino nehaneya kava huʼa maiʼnae.

Samu 126:1

Ala kava neʼmoʼa hatu maeno lateteno Saiyoni kotegamo lavalelino eʼnigetaeʼmo alagamuna agegekana huta maiʼnone.

Samu 127:1

Ala kava neʼmoʼa hapa oʼmaesiyaʼmoʼmo noʼmo nekiya vayaʼmogimo afa aliʼyakeʼmo aliteʼa noʼmo okigae. Ala kava neʼmoʼa hapa oʼmaesiyaʼmoʼmo taonifiʼmo yagaiʼnaya vayaʼmogi afaʼageʼmo yagaiʼnisagenoʼaeʼmo taonifiʼmo hosu kavaʼmo afole aigiye.

Samu 128:1

Muki vayaʼmogi Ala kava nefekeʼmo koli huge agae kateʼmo uge huʼa maiʼnaya vayaʼmogimo aulena vayaʼmo maiʼnae.

Samu 129:1

Isaleli vayaʼmogimo huʼapaeʼmo, Muki afinaʼmo kame vayatimogimo neya vayaʼmo maiʼnona afinatetiʼmo aliʼa hosu huʼa lateme lateme eʼa hemeniʼeʼmo aliʼa hosu huʼa nelatae, huʼa hugae.

Samu 130:1

Ala kava neo, huʼna, muki yaʼmoʼmo aino nati kaeʼnigeʼna afepilagamo maiʼneʼnaeʼmo kagaefekeʼmo keya aeʼna ge nehuve.

Samu 131:1

Ala kava nene, huʼna, nagufamo aliʼna asagauʼna noʼnatove. Aeʼna apakaseʼnova vekamo maiʼnove, huʼna nosuve. Nagaemo alopa aliʼyafeʼmo nagesamo oʼafige afaʼa oʼagesuva kavafeʼmo nagesamo oʼafige nehuve.

Samu 133:1

Apakeyo, huʼna, Goti konaga vayaʼamogimo magoke apaipa apakesamo aliteʼa alagepa huʼa magokepi lokaeʼa maisaya kavaʼapimoʼmo alagepa kavaʼmo amuse hisaya kavaʼmo haneʼniye.

Samu 134:1

Muki vayaʼamogitapamo afiyo, huʼna, Ala kava neʼmo aliʼyaʼamo neʼaliya vayaʼmogitapamo haniʼilagamo Ala kava neʼmo noʼafiʼmo he tita ala agiʼamo amiyo.

Samu 18:6

Nagaemo hanageke yaʼmo aliteʼnaeʼmo Ala kava nefeʼmo keya aeʼna ge huʼnove. Nagaemo Gotiʼnimofeʼmo naha mao, huʼna keya aeʼna ge huʼnove. Alopa mono noʼafiʼmo maiʼnenoʼaeʼmo nagemo afiʼniye. Keya aeʼna ge huʼnogeno afiʼniye.

Samu 50:15

Hanageke yaʼmo alisaya afinaʼmo nagaefekeʼmo ge higeʼnao alagepa huʼna lapa maesugetapa ala nagiʼnimo namigae.

Samu 50:23

Nagaefeʼmo, alagepa kavaʼmo huʼniye, huʼa nehaya vayaʼmogimo ala nagiʼnimo neʼnamiye. Nehaya kavaʼapilefeʼmo apakesa afifi huʼa maiʼnisaya vayaʼmo Gotiʼa apakufamo alino katino neʼapateya kavaʼamo aliʼna apave liguve.

Yona 2:2

Nunumuʼmo hunoʼaeʼmo, Ala kava nene, huno, Alopa hanageke yaʼmo aliʼnogeno naipafiʼmo lusi kava huno nagafu kiʼnigeʼnaeʼmo kagaefeʼmo keya aeʼna ge huʼnogekaeʼmo geʼnileʼmo aeka atagaina hukaeʼmo naha maeʼnane. Nagaemo faliʼnaya vayaʼmo uʼa maiʼnaya kotegaeʼmo agiʼamo Siyo kotegatiʼmo huʼnaeʼmo, naha mao, huʼna keya aeʼna ge huʼnogekaeʼmo geʼnimo afiʼnane.

Yona 2:3

Kagaemo alika yaga auka nataleʼnanageʼna emiʼneʼna solovala aniʼmo afepilagamo maiʼnove. Aniʼmoʼa faino vego huteno alagi aeno nati kaeʼniye. Aniʼmoʼa lusi kava huno ayamukiki huteno aino holakau huno aeno naga seteno aeno nati kaeʼniye.

Luki 22:44

Lusi kava huno kana hauʼnigeno aipafiʼmo kaveta hugekana huʼnigeno maiʼnenoʼaeʼmo magoʼe huno lokiya vaino nunumuʼmo nehigenoʼaeʼmo amuko hauteno haisemoʼmo kolakana huno lusi kava huno mopafiʼmo lape tape huno asagauno aiʼniye.

Himulu 5:7

Kalaisiʼa ma mopafiʼmo maiʼnenoʼaeʼmo falisiya kavategatiʼmo agufamo alino katino atesiya Gotifekeʼmo alopa gefatiʼmo keya aeno ge huge haoke huge aviʼyaʼmo huge huno nunumuʼmo huʼniye. Gotifeʼmo koli huʼneno mono huʼniyaʼmofeʼmo Gotiʼa geʼamo afiʼniye.

1 Samiyo 1:20

Mago afinaʼmo utegeno Hanaʼa aipaguʼeʼmo maiteno ve mafaʼnemo alino ateʼniye. Agaemo hunoʼaeʼmo, Nagaemo Ala kava nefeʼmo namiyo, huʼna ge huʼna afigeʼnovaʼmofeʼmo agiʼamo Samiyoʼae, huʼna ategauve. Samiyoʼae agimo aepaʼamo Gotiʼa geʼnimo afiʼniye.

1 Samiyo 1:27

Nagaemo huʼnaeʼmo, Mago ve mafaʼnemo namiyo, huʼna ge huʼna afi geʼnogenoʼaeʼmo afitenoʼaeʼmo mani mafaʼnemo namiʼniye.