Samu 12:7 - The Keyagana NT and 25 OT books

⁷ Ala kava nene, huʼna, yagaika latesanageta alagepa huta maigune. Muki afinaʼmo laha maesanageʼapaeʼmo hosu vayaʼmogi olatafaugae.

Samu 12:7 ပူးပေါင်းရင်းမြစ်များ

Samu 10:18

Aliʼa afepi apateʼnaya vayaʼe hapa noʼmaya vayaʼmogiʼeʼmo kagaefeʼmo keya aeʼa ge hisageka afitekaeʼmo alagepa huka alika fako huka apategane. Ma mopafi vayaʼmogimo magoʼe huʼa aliʼa afepi oʼapatesayafeʼmae.

Samu 119:140

Gekamo alagi alagepa gemo haneʼniyaʼmofeʼmo aliʼyakamo neʼaluva vekamoʼnamo gekaeʼmo nahau nayamopafiʼmo nahauʼniye.

Samu 121:8

Nokamo ataleka visanagenoʼaeʼmo Ala kava neʼmoʼa yagaino katege atagi neka esanagenoʼaeʼmo yagaino katege hugiye. Hemenimo yagaino nekateyanageno henagaʼamo muki afinaʼaeʼmo yagaino katesigeka alagepa huka afaʼa maige maige huka maigane.

Samu 145:20

Ala kava neʼmoʼa agaefeʼmo hapau apayamofiʼmo hapauʼniya vayaʼaiteʼmo yagaino neʼapategeʼa afaʼa neʼmaiye. Afaʼa neʼmaiyaʼmonanafa muki hosu vayaʼmo alino apagoʼya lagauno apatalegaiye.

Samu 16:1

O Gotiyo, huʼna, nagaemo kagaefekeʼmo aliʼna amufa kamiʼnovaʼmofeʼmo yagaika nategeʼnao afaʼa maino.

Samu 18:31

Ala kava neʼmo Gotikeʼmo maiʼniye. Gotikeʼmo yafakana huno maiʼneno afaʼa laha maegaiye.

Samu 19:9

Ala kava nefekeʼmo koli huteʼa mono nehaya kavaʼmo yaveyave kavaʼmo haneʼneno muki afinaʼmo hanege hanege huno hanegaiye. Ala kava neʼmoʼa alino fako huno neʼapateya gemo alagi lama gemo haneʼneno fatago gemo haneʼniye.

Samu 37:28

Ala kava neʼmoʼa alagepa kavafekeʼmo hauʼniyanageno aote vayaʼamo alagi apataleno oʼugiye. Yagaino apatesigeʼa hano osuʼa maige maige huʼa maigayaʼmonanafa hosu vayaʼai mafaʼneʼapimo alino hapa faino apatalegaiye.

Samu 37:40

Apakaemo Ala kava nefekeʼmo aliʼa amufa neʼamiyaʼmofeʼmo hatu maeno apateteno hosu vayaʼai apayapatiʼmo apavalelineno apakufamo alino katino neʼapate.

Matiyu 3:7

Asole Falasi mono vayanagi Satiyusi mono vayanagi huʼa aniʼmo faleno apatesiyafeʼmo agaetegamo eʼnageno apaketenoʼaeʼmo, Nagaloʼyave vayaʼmogitapae, huno, Gotiʼa aipamo leno lapatesiya afinaʼmo ago afole aigefeʼmo nehiyanagi ina laʼmo, afaʼa faita kasalo paegae, huno lapa paiʼniye.

1 Pita 1:5

Gotiʼa himamuʼaletiʼmo yagaino lapatege lapakesamo afita fatago nehaya kavatetiʼmo yagaino lapatege nehiyanageno lapakufamo alagi alino katino lapategaiye. Gotiʼa alo huno maleʼniyanageno henagaʼamo afole aigiye.

Yuti 1:1

Nagaemo Yutiʼnamo Yesu Kalaisi aliʼyaʼamo neʼaluva vekamo Yemisi aganaʼamoʼnamo maiʼnove. Afotimo Gotiʼa keya aeno ge huno lapavaleno alino lapaote lapateʼnenoʼaeʼmo Yesu Kalaisipiʼmo afaʼa maisayafeʼmo yagaino nelapateya vayaʼmogitapaeʼmo mani gemo avoʼmo nekaove.

1 Samiyo 2:9

Alino apaote apateʼniya vayaʼamogi kateʼmo visagenoʼaeʼmo yagaino apategaiyaʼmonanafa hosu vayaʼmogimo hani huʼniya yapiʼmo maiʼnayanageʼa ge osuʼa maigae. Lokiya vayaʼmo lokiyaʼapiletiʼmo alagepa huʼa oʼmaigayaʼmofeʼmae.