Samu 12:6 - The Keyagana NT and 25 OT books

⁶ Ala kava neʼmo geʼamo alagi lama geʼageʼmo haneʼniye. Vayaʼmogimo siluva yafaʼmo atafiʼmo seveni afinaʼmo kaete kaete huʼnagenoʼaeʼmo muki oʼaniʼya faiʼniya yaʼamo leno kalo paeno ataleʼnigeno siluva yafaʼageʼmo afole neʼaiya kava huno Goti geʼamo alagi lama geʼageʼmo haneʼniye.

Samu 12:6 ပူးပေါင်းရင်းမြစ်များ

Samu 119:140

Gekamo alagi alagepa gemo haneʼniyaʼmofeʼmo aliʼyakamo neʼaluva vekamoʼnamo gekaeʼmo nahau nayamopafiʼmo nahauʼniye.

Samu 18:30

Gotiʼa nagaetegamo alagepa kavaʼageʼmo nehiye. Muki afinaʼmo huguve, huno polomasi gemo hu maleʼniya geʼamo afole neʼaiye. Gotiʼa agaiʼalegamo eʼa fala nekiya vayaʼai haleguʼapimo maiʼniye.

Samu 19:8

Keʼaepa gemo api gemo haneʼnigeʼa neʼafiya vayaʼmogi apamogaga neʼaiye. Ani kava hiyo, ina kava osiyo, huno huʼniya gemo hosu gemo ohaneʼnifa alagepa geʼageʼmo haneʼneno apaulagamo alino ayakeno apateteno alino alagepa huno neʼapate.

Samu 66:10

O Gotiyo, huʼna, Kagaemo lamalageka huʼnane. Vayaʼmogimo siluva yafaʼmo kagopaʼamo leno kalopaesigeno siluva yafaʼageʼmo hanesiyafeʼmo atafiʼmo nekaeya kava huka lamalageka huʼnanageta alagepa huta hamaleʼnone.

Samu 76:10

Vayaʼmo apaipamo neleya kavaʼmo afole aiteno kagikaleʼmo alino asaga huno kategaiye. Kagaemo afole oʼaisiya apaipamo neleya kavaʼmo atafauka ategane.

Samu 9:13

O Ala kava nene, huʼna, kahau huka nato. Ago, nagaefeʼmo apaini nehaya vayaʼmogi alopa kana yaʼmo namiʼnae. O Ala kava nene, huʼna, falisuva kavategatiʼmo nagufamo alika katika nato.

Hatu maeno apate'niya gemae 3:7

Ala kava neʼmoʼa ha painoʼaeʼmo, Nagaemo vayaʼnimo apakeʼnogeʼa Isipi kotegamo maiʼnageʼa Isipi vayaʼmogimo lusi kava huʼa hapaise vose aliʼyaʼmo apamiʼnageʼna ageʼnove. Ani aliʼyate kava vayaʼmogimo kana yaʼmo apamiʼnageno apakafu kiʼnigeʼa kage gage nehaya gemo afiʼnove.

Hatu maeno apate'niya gemae 3:8

Afiteʼnaeʼmo Isipi vayaʼmogi apayapatiʼmo apakufamo aliʼna katiʼna apatesuvafeʼmo emiʼneʼnove. Nagaemo mago mopamo kanale lanitani mopafatiʼmo neʼyaʼmo alagepa huno afole neʼaiya kotega mopaleʼmo apavaleliʼna uguve. Hemenimo ani mopaleʼmo Kenani nofi vayanagi Hiti nofi vayanagi Emo nofi vayanagi Pelesi nofi vayanagi Hivi nofi vayanagi Yemu nofi vayanagi huʼa maiʼnae.

Hatu maeno apate'niya gemae 6:1

Ala kava neʼmoʼa Mosesefeʼmo ha painoʼaeʼmo, Nagaemo hemenimo kini vekalegamo hisuva kavaʼmo agegane. Himamuʼniletiʼmo hisugeno apatalesigeʼa afaʼa ugae. Himamuʼniletiʼmo hisugenoʼaeʼmo mani agaiʼa kotetiʼmo alino hapa faino apatalesigeʼa ugae, huno ha paiʼniye.

Mai'naya kavane 22:23

Ala kava neʼmoʼa hapa maeno muki kagemi yaʼapimo neʼaliya vayaʼaitegaʼeʼmo ani kavaʼmo hugiye.

Mai'naya kavane 30:5

Muki Goti geʼamo alagepa geʼageʼmo haneʼniye. Alagepa huno laha maegaiye, huʼa aliʼa amufa neʼamiya vayaʼai haleguʼapigana huno haneʼniye.

Aiyeya 33:10

Ala kava neʼmoʼa hunoʼaeʼmo, Hemenimo he tiguve. Hemenimo ala nagiʼnimo aliguve. Hemenimo nagiʼnileʼmo aliʼna asaga huguve.