Samu 12:5 - The Keyagana NT and 25 OT books

⁵ Ala kava neʼmoʼa hunoʼaeʼmo, apakaemo kagemi yaʼapimo ohaneʼniya vayaʼmo aliʼa afepi neʼapatae. Kafu huteʼa alagepa huʼa noʼmaiya vayaʼmogimo ha ha nehayaʼmofeʼmo he tiʼna hapa maegauve. Afaʼa maisayafeʼmo hapauʼniyanageʼna hapa maeteʼna aliʼna alagepa huʼna apategauve, huno huʼniye.

Samu 12:5 ပူးပေါင်းရင်းမြစ်များ

Samu 10:12

O Ala kava neʼmo Gotiyo, huʼna, he tika hosu vayaʼaina kayoʼmo apamiyo. Aliʼa afepiʼmo apateʼnaya vayaʼaifeʼmo kage okanika kagesamo afiyo.

Samu 10:18

Aliʼa afepi apateʼnaya vayaʼe hapa noʼmaya vayaʼmogiʼeʼmo kagaefeʼmo keya aeʼa ge hisageka afitekaeʼmo alagepa huka alika fako huka apategane. Ma mopafi vayaʼmogimo magoʼe huʼa aliʼa afepi oʼapatesayafeʼmae.

Samu 10:5

Noʼafiyaʼmonanafa muki afinaʼmo aliʼyaʼamoʼmo alagepa huno afole neʼaiye. Alika fako nehana kavaʼmo muga anaga afagiʼaleʼmo haneʼnigeno hosu vekamoʼmo ageno aeto nosiye. Agaemo kame vayaʼaeʼmo avenatuʼnaʼmo heno atalegekana nehiye.

Samu 31:19

Kagaefeʼmo koli nehaya vayaʼaiteʼmo magoʼe magoʼe huka alagepa kavaʼmo nehane. Apamisanafeʼmo alagepa kavaʼmo alika anupa huka neʼatane. Kagaemo vayaʼai apaulagaleʼmo kagaefeʼmo aliʼa amufa nekamiya vayaʼmogi kanale alagepa kavaʼmo apamisanafeʼmo alika alo huka ateʼnane.

Samu 34:6

Nagaemo lokiya vekamo oʼmaiʼnovaʼmofeʼmo agaefekeʼmo keya aeʼna ge huʼnogeno Ala kava neʼmoʼa afiʼniye. Afitenoʼaeʼmo muki hanageke yapatiʼmo nagufamo alino katino nateʼniye.

Samu 73:8

Huʼa faipa huʼa apatege apaini huʼa apatege nehae. Himuʼnamu gemo huteʼapaeʼmo alita afepi lapategaune, huʼa nehae.

Hatu maeno apate'niya gemae 5:2

Feloʼa hunoʼaeʼmo, Ala kava neʼmo ina laʼmo maiʼninageʼnaeʼmo nagaemo geʼamo afiteʼna Isaleli vayaʼmo apatalesugeʼa ugae. Nagaemo Ala kava neʼmo oʼageʼnovaʼmofeʼmo afaʼa apatalesugeʼa oʼugae, huno hana paiʼnigeʼanaeʼmo

Mai'naya kavane 14:31

Mago vekamoʼmo kagemi yaʼapimo ohaneʼniya vayaʼmo alu kana ya alu kana yaʼmo alino apamisiyaʼmoʼmo alo huno ateʼniya vekaeʼmo huno faipa huno neʼateyaʼmonanafa mago vekamoʼmo alo huno ateʼniya vekamo ala agiʼamo amisiyaʼmoʼmo kagemi yaʼapimo ohaneʼniya vayaʼaifeʼmo hau huno apategaiye.

Mai'naya kavane 18:21

Apavayafatiʼmo nehaya geʼapimoʼmo afaʼa maisaya yaʼmo alino apamige falisaya yaʼmo alino apamige nehiye. Alagepa geeʼmo nehapaisiya vayaʼmo alagepa huʼa maigayaʼmonanafa hosu geeʼmo nehapausiya vayaʼmo alagepa huʼa oʼmaigae.

Aiyeya 33:10

Ala kava neʼmoʼa hunoʼaeʼmo, Hemenimo he tiguve. Hemenimo ala nagiʼnimo aliguve. Hemenimo nagiʼnileʼmo aliʼna asaga huguve.

Yemisi 5:4

Aliʼyatapimo neʼaliya vayaʼmogi hoyatapifiʼmo aliʼyaʼmo neʼaliya vayaʼaifeʼmo humi apatetetapa hosu miyaʼmo neʼapamiye. Oʼapamiʼnaya monimoʼa hosu kavatapieʼmo keya aeno ge hugekana huno haneʼniye. Aliʼyatapimo neʼaliya vayaʼmogi keya aeʼa ge nehagenoʼaeʼmo Ala kava neʼmoʼa muki kokuʼnapi neʼmaiya vayaʼaiteʼmo yagaino neʼapateya vekamoʼa ani keya aeʼa ge nehaya gemo neʼafiye.