Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Samu 12:2 - The Keyagana NT and 25 OT books

2 Muki vayaʼmogimo afa gegeʼmo hapa nepaiye. Hapa paiteʼa aigofe geletiʼmo huʼa hapaoke nehae.

အခန်းကိုကြည့်ပါ။ ကော်ပီ




Samu 12:2
25 ပူးပေါင်းရင်းမြစ်များ  

Muki afinaʼmo huno faipa huno apatege aigofe gemo huge koli yaʼmo alino apamisiyafeʼmo lokiya gemo huge nehiye. Hosu kavafeʼmo ava gemo huge hanageke kavafeʼmo ava gemo huge nehiye.


Nagaemo, Muki vayaʼaifeʼmo alagepa huʼna nagesamo oʼafiʼneʼna malage huʼna gemo huʼnaeʼmo, aigofe vayaʼmo maiʼnae, huʼna huʼnove.


Kagaemo hosu vayaʼe hosu kavaʼmo nehaya vayaʼeʼmo hosu kotegamo apavalelika visana afinaʼmo apakaeʼeʼmo magokepiʼmo navalelika oʼuvo. Apakaemo hapaopaleʼmo maiʼnaya vayaʼaifeʼmo huʼapaeʼmo, Magokepiʼmo alagepa huta maigune, huʼa nehayaʼmonanafa hosu kavaʼmo hisaya kavaʼmo apaipafiʼmo havaiteʼniye.


Namagisayafeʼmo nehaya vayaʼmogimo aneʼaimo hanagi maleʼnae. Namagisayafeʼmo nehaya vayaʼmogimo nagaetegamo hisaya kavafeʼmo muki afinaʼmo apakesa afifi huʼa maiʼneʼa namagisaya kafeʼmo kahauya huʼa agesayafeʼmo nehae.


Apakaemo nagesayafeʼmo eʼnisayaʼmoʼmo apaipafatiʼmo ge osuʼa apavayaʼaletikeʼmo ge nehae. Huʼa faipa huʼa natesaya gemo apaipafiʼmo aliʼa anupa hu maleʼnae. Apakaemo nataleʼuʼa muki vayaʼaifeʼmo hapa nepaiye.


Lama gemo apavayafiʼmo alagi ohaneʼniye. Apaipafiʼmo hosu kavaʼageʼmo haneʼniye. Lugoʼapimo kano kelimo aliʼa halo neʼaigeno atu neʼaiya kano keligana huno haneʼniye. Apavenafuʼnaletiʼmo hapaisiya agufa gemo nehae.


Agaemo avayaletiʼmo haga gemo huʼniyaʼmonanafa aipafiʼmo agesamo afinoʼaeʼmo apakaeʼeʼmo kamemo huguve, huno agesamo afiʼniye. Geʼamoʼmo lagaemo laipamoʼmo falu hisigeta maisuna gemo laha paiʼniyaʼmonanafa ani gemoʼmo lusi kava huno aveʼmo neʼneya naipekana huno laisiyafeʼmo haneʼniye.


Apavayaletiʼmo hosu gemo nehayaʼmofeʼmo apakiʼapileʼmo aliʼa asaga hisagekaeʼmo apata fauvo. Lifana gemo huge kasu ge huge nehayaʼmofeʼmae.


Apakaemo aliʼa afepiʼmo yaga auʼa atalesayafeʼmo vege nehae. Aigofe gemo hisayafeʼmo apamogaga neʼaiye. Apakaemo apavayaʼaletikeʼmo aliʼa auleʼa neʼapatayaʼmonanafa apaipafiʼmo lifana huʼa neʼapatae.


Gemo failitata huno hapa nepaiya vekamoʼmo fala kiʼa nehaya gemo huno afole aino hapa nepaiyaʼmofeʼmo muki geʼamo ha paisanafeʼmo huʼniyanagi agaeʼeʼmo afalu afalugana hutana magokepi lokaetana oʼmaiʼao.


Asole vayaʼmogimo huʼapaeʼmo, lagaemo alagepa vayaʼmo maiʼnone, huʼa hugayaʼmonanafa ina laʼmo lama gemo nehiya vekamo kahauya huno agegaiye.


Haopaleʼmo maiʼneno yagaiʼniya vekaeʼmo huno haoke hesiya gegeʼmo nehiya vekamoʼmo aneʼaimo hanagi neʼmale.


Muki ma mopafiʼmo fatago vayaʼmo faliʼnae. Magoke fatago vekamo oʼmaiʼniye. Muki vayaʼmogimo alu vayaʼaifeʼmo kame huʼa apateteʼa aliʼa hosu huʼa apatesaya kafeʼmo kahauya nehae. Muki vayaʼmogimo apakaiʼapi nofi vayaʼmo apatafauʼa kamitimo apamagisayafeʼmo umenimo aliniʼa neʼvae.


Ani agufa vayaʼmogimo Ala kava netimo Yesu Kalaisi aliʼyaʼamo noʼalifa amega apakufamoʼmo hauʼniya kavaʼmo akame nehae. Haga hapausiya agufa gemo huteʼa aigofe geʼapiletiʼmo hapao ke heʼa apametala huteʼa fikumo neʼafiya vayaʼmo apakesa nefaiye.


Lapakaemo ago afiʼnayana aigofe gemo hutapa lahao ke hesayafeʼmo huta lapao ke oseʼnone. Mago vayaʼmogi hapaʼye nehiya kavaʼapileʼmo geʼapiletiʼmo huʼa aeʼa ati nekaya agufa gemo osuʼnone. Gotiʼa ago lageʼniyanageno laha maesiya faigoko gemo afaʼa hugiye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ