74 Nagaemo gekamoʼmo naha maegaiye, huʼna huteʼna navayagunagu huʼnovaʼmofeʼmo kagaefeʼmo koli nehaya vayaʼmogi nageteʼapaeʼmo apamogaga aigae.
Gotiʼa aote geʼaletiʼmo hunoʼaeʼmo, Nagaemo kamemo ago huʼna aeʼna apaka seteʼna namogaga aiteʼna Sekemi mopaʼe Sukoti kagoʼmu koʼeʼmo vayaʼnimo aliʼna fako huʼna apamiguve.
Ko otiʼnigeʼnaeʼmo he tiʼna, naha mao, huʼna ge nehuve. Gekamo afole aigiye, huʼna navayagunagu huʼna maiʼnove.
Gekaeʼmo aliʼna amufa neʼamuvaʼmofeʼmo huno faipa huno neʼnateya vekamo geʼaleʼmo aeʼna atagaina huʼna ha paiguve.
Alika fako nehana gekaeʼmo nagesa afiʼnaeʼmo, naha maegaiye, huʼna nehuvaʼmofeʼmo lama gekamo navayafatiʼmo alika oʼatalo.
Kagaefeʼmo koli huteʼa kagaemo kavayafatiʼmo huʼnana keʼaepa gekamo afiʼnaya vayaʼmo alika aika atagineka apategeʼapao nagaetegamo eyo.
Gotifeʼmo koli nehaya vayanagi eta geʼnimo afiyo. Nagaemo nagupi mafaʼnemo alagepa huno naha maeʼniya kavafeʼmo ava gemo aeʼna hakalo huʼna lapa paiguve.
Inagi Ala kava nefeʼmo koli nehaya vayaʼmogimo ge huge afige huʼa maiʼnagenoʼaeʼmo Ala kava neʼmoʼa agetafo huno neʼafiye. Ala kava nefeʼmo koli huteʼa agiʼalefeʼmo apakesamo neʼafiya vayaʼaifeʼmo age okanino agesamo afisiyafeʼmo Ala kava neʼmo aulagaleʼmo mukufiʼmo avoʼmo kae maleʼnae.
Kokuʼnaʼe ma mopaʼeʼmo hano hugiyaʼmonanafa geʼnimo alagi hano osuno afaʼa hanege hanege huno hanegaiye.