Samu 119:58 - The Keyagana NT and 25 OT books

⁵⁸ Nagaemo muki naipafatiʼmo, fiku naha maeka namiyo, huʼna kaha paiʼnove. Nahau huʼna lapategauve, huka laha paiʼnana kava huka kahau huka nato.

Samu 119:58 ပူးပေါင်းရင်းမြစ်များ

Samu 119:10

Muki naipafatiʼmo kagesuvafeʼmo kahauya huʼnove. Hiyo, huka huʼnana keʼaepa gekamo ataleʼna visuvafeʼmo oʼnatalo.

Samu 119:145

Nagaemo muki naipafatiʼmo, Ala kava nene, huʼna, geʼnimo afiyo, avoʼmo kae maleʼnaya keʼaepa gekamo akame huguve, huʼna kagaefeʼmo ge nehuve.

Samu 119:170

Aukaya nehuva geʼnimo afiyo. Lapa maegauve, huka huʼnana gekalefeʼmo hatu maeka nato.

Samu 119:41

O Ala kava nene, huʼna, kahau huka nato. Huguve, huka huʼnana kavaʼmo huka nagufamo alika katika nato.

Samu 119:65

O Ala kava nene, huʼna, Kaha maegauve, huka huteka ani kava huka aliʼyakamo neʼaluva vekamo magoʼe huka naha maeʼnane.

Samu 119:76

Kagaemo aliʼyakamo neʼaluva vekamoʼnaeʼmo naha paiʼnana gekamo akame huka alagepa huka kahau huka nateteka naipamo alika falu huka nato.

Samu 138:2

Kagaemo nagaefeʼmo muki afinaʼaeʼmo alagi kahauʼnigeka lama geʼageʼmo nehanaʼmofeʼmo nagaemo kagaemo kaote mono noʼmo aulagamo mono huʼna kagikaleʼmo aliʼna asaga huguve. Kagaemo kagikaleʼmo alika asaga huteka gekaleʼmo magoʼe huka alika asaga huʼnane.

Samu 27:8

Kagaemo nagaefeʼmo hukaeʼmo nagaefeʼmo kahauya hulika eno huka nehanageʼnaeʼmo kagaefeʼmo nagaemo kahauya huliʼna uguve, huʼna nehuve.

Samu 4:6

Mukiʼamogi huʼapaeʼmo, alagepa huta maigesune, huʼa nehae. O Ala kava nene, huʼna, kigi nehuka lagaetegamo alagepa kavaʼmo huvo.

Samu 56:10

Nagaemo Gotiʼa hunoʼaeʼmo, Kaha maegauve, huno huʼniya Gotina ala agiʼamo amiguve. Nagaemo Ala kava neʼmo polomasi geʼaeʼmo nagesamo afitenaʼaeʼmo agiʼaleʼmo aliʼna asaga huguve.

Samu 56:4

Nagaemo Gotiʼa hunoʼaeʼmo, lapa maegauve, huno huʼniya Gotifeʼmo ala agimo amiguve. Nagaemo Gotifeʼmo naha maegaiye, huʼna ago huʼnovanageʼna koli osuguve. Vayalafaʼmogimo nagaetegamo na agufa kavaʼmo afaʼa hugae.

Matiyu 24:35

Kokuʼnaʼe mopaʼeʼmo hano hugiyaʼmonanafa geʼnimo alagi hano osuno afaʼa hanege hanege huno hanegaiye.

Himulu 10:22

lama ge laipamo kaliteta magoke laipa lagesamo alitetaeʼmo lagesamo afita fatago nehutaeʼmo Goti haopaleʼmo uta haigetao. Laipafiʼmo aino fuli fuli huno lateʼnigenoʼaeʼmo yuʼilaga vekatimoʼmo hosu kavatapimo haneʼniye, huno nosiye. Lagufaleʼmo alagepa anitetiʼmo faleno lateʼniyanagi uta haigetao.