Samu 119:55 - The Keyagana NT and 25 OT books

⁵⁵ O Ala kava nene, huʼna, haniʼilagamo kagikaeʼmo nagesamo afiʼna ho nehuʼnaeʼmo keʼaepa gekamo akame nehuve.

Samu 119:55 ပူးပေါင်းရင်းမြစ်များ

Samu 119:17

Kagaemo aliʼyakamo neʼaluva vekakamo magoʼe huka fikumo namigeʼnao ma mopafiʼmo afaʼa maiʼneʼnaeʼmo gekamo akame huguve.

Samu 119:34

Alagepa nagesamo afisuva yaʼmo alika namigeʼnao keʼaepa gekamo akame hino. He, muki naipafatiʼmo akame huguve.

Samu 119:44

Ani kava huʼna maiʼneʼnaeʼmo muki afinaʼaeʼmo keʼaepa gekamo akame hume hume uʼna maiguve.

Samu 139:18

Lekana paiguvana ani kahaepaleʼmo aise yafaʼmo ago aeno agaseʼniya agufa kavaʼmo haneʼniye. Naupatiʼmo he tiʼnaeʼmo kagaeʼekeʼmo maiʼnoʼae.

Samu 42:8

Nati kaeʼniyaʼmonanafa Ala kava neʼmoʼa aipamo falu huʼniya kavaʼaʼe hau ayamopafiʼmo hauʼniya kavaʼaʼeʼmo felugamo alino nave lisigeʼnaeʼmo haniʼilagamo yokemo huge afaʼa maisuva yaʼmo namiʼniya Gotifeʼmo nunumuʼmo huge huʼna maiguve.

Samu 63:6

Hipaʼnileʼmo havaesuvafeʼmo nehuʼnaeʼmo kagaefekeʼmo nagesamo afiteʼna muki haniʼilagaʼamo kagaefekeʼmo nagesa afifi nehuve.

Samu 77:6

Haniʼilagamo yokemo huʼnova kavafeʼmo nagesamo afifi huʼna maiʼnove. Naipafiʼmo nagesamo afifi huʼna maiʼnove. Naunenameʼmo kahauya huge huge huʼniye.

Aiyeya 26:9

Haniʼilagamo nagupi mafaʼnemoʼmo kagaefeʼmo lusi kava huno hauʼniye. He, gotilamiyapiʼmo kagesuvafeʼmo kahauya huʼna kagegauve. Kagaemo alika fako huka apatesanageʼapaeʼmo ma mopafi vayaʼmogi fatago kavafeʼmo afiteʼa agegae.

Luki 6:12

Mago afinaʼmo Yesuʼa nunumuʼmo hisiyafeʼmo avefiʼmo uno haino ani haniʼilagamo Gotifeʼmo nunumuʼmo huge huge nehigeno

Yoni 14:21

Vayaʼmogi keʼaepa geʼnimo ma kava hiyo, ina kava osiyo, huʼna hapa nepauva gemo afiteʼa akame nehaya vayaʼmogi nagaefeʼmo hapau apayamopafiʼmo nehapaiya vayaʼmo maiʼnae. Afoʼnimoʼmo nagaefeʼmo hapau apayamopafiʼmo nehapaiya vayaʼaifeʼmo ani kavakeʼmo huno hau ayamopafiʼmo hauʼnisigeʼna nagaeʼeʼmo ani kavakeʼmo huʼna nahau nayamopafiʼmo nahauʼnisigeʼna nagaiʼnimo aliʼna apave lisugeʼa nagegae, huno hapa paiʼnigeno

Yoni 15:10

Geʼaepa geʼnimo akame hisayana nahau nayamopafiʼmo nahauʼniya kavapiʼmo aita hapaitapa maigae. Ani kava huʼna Afoʼnimo keʼaepa geʼamo akame nehuʼnaeʼmo Afoʼnimoʼmo hau ayamopafiʼmo hauʼniya kavapiʼmo alagi maiʼnove.

Apa 16:25

Haniʼilaga folaguʼmo Poloʼe Sailasiʼeʼmo nunumuʼmo huge mono yokemo huge huʼnaʼageʼapaeʼmo kalavusi huʼa apateʼnaya vayaʼmogimo afiʼa maiʼnae.