Samu 119:47 - The Keyagana NT and 25 OT books

⁴⁷ Nagaemo nahau nayamopafiʼmo neʼnahaiya gekaeʼmo hiyo, huka laha paiʼnana gekaeʼmo namogaga aiguve.

Samu 119:47 ပူးပေါင်းရင်းမြစ်များ

Samu 112:1

Ala kava neʼmo ala agiʼamo amiyo. Gotiʼa Ala kava nefeʼmo koli nehiya vekamo alino auleno ateʼniye. Agaemo Gotiʼa hiyo, huno huʼniya geʼaeʼmo lusi kava huno hauʼnigeno amogaga neʼaiye.

Samu 119:113

Nagaemo lole apakesamo neʼafiya vayaʼaifeʼmo naini nehuvaʼmonanafa keʼaepa gekaeʼmo nahau nayamopafiʼmo nahauʼniye.

Samu 119:119

Goli yafaʼmo atafiʼmo kaeʼnagenoʼaeʼmo oʼaniʼyaʼamo leno kalo paeno ataleʼnigeʼa aliʼa neʼatalaya kava huka hosu vayaʼmo alika neʼapatalanaʼmofeʼmo kavayafatiʼmo huʼnana keʼaepa gekaeʼmo nahau nayamopafiʼmo nahauʼniye.

Samu 119:127

Gekamo aeʼa ati kaeʼnayaʼmofeʼmo hiyo, huka huʼnana gekalefeʼmo nahauʼniya kavaʼmoʼa hogote goli yafafeʼmo nahauʼniya kavaʼmo ago aeno agaseʼniye.

Samu 119:140

Gekamo alagi alagepa gemo haneʼniyaʼmofeʼmo aliʼyakamo neʼaluva vekamoʼnamo gekaeʼmo nahau nayamopafiʼmo nahauʼniye.

Samu 119:159

Namiʼnana keʼaepa gekaeʼmo nahau nayamopafiʼmo nahauʼniya kavaʼnieʼmo kagesamo afiyo. Kahau kayamopafiʼmo kahauʼniya kavakaletiʼmo alika he tika nato.

Samu 119:16

Nagaemo avoʼmo kae maleʼnaya keʼaepa gekaeʼmo namogaga aisugenoʼaeʼmo nage okanigiye.

Samu 119:163

Aigofe gelefeʼmo naini huʼnovaʼmonanafa keʼaepa gekaeʼmo nahau nayamopafiʼmo nahauʼniye.

Samu 119:167

Nagupi mafaʼnemoʼmo kavayafatiʼmo huʼnana keʼaepa gekamo akame nehigenoʼaeʼmo lusi kava huno nahau nayamopafiʼmo neʼnahaiye.

Samu 119:174

O, Ala kava nene, huʼna, nagufamo alika katika natesanafeʼmo naga nete. Keʼaepa gekaeʼmo namogaga neʼauve.

Samu 119:24

Kavayafatiʼmo huʼnana gekaeʼmo namogaga neʼauve. Gekamoʼmo visuva kaʼmo alino nave neliye.

Samu 119:48

Nagaemo nahau nayamopafiʼmo neʼnahaiya gekaeʼmo hiyo, huka laha paiʼnana gekalefeʼmo nayaʼmo aliʼna asaga huteʼna avoʼmo kae maleʼnaya gekaeʼmo nagesa afifi huʼna maiguve.

Samu 119:97

Nagaemo keʼaepa gekaeʼmo lusi kava huno nahau nayamopafiʼmo nahauʼniye. Neteʼe uneʼeʼmo gekaeʼmo nagesa afifi huʼna maiʼnove.

Yoni 4:34

Yesuʼa hunoʼaeʼmo, alino nateʼnigeʼna eʼnova vekamoʼmo hauʼniya kavaʼmo huʼna namiʼniya aliʼyaʼnimo aliʼna hano huʼna atesuva aliʼyaʼmo nagaemo neʼyaʼnigana huno haneʼniyaʼmofeʼmae.

Lomu 7:12

Inagi muki keʼaepa gemo aote gemo haneʼnigeno magoke magoke keʼaepa gemoʼa ma kavaʼmo hiyo ina kavaʼmo osiyo, huno huʼniya gemoʼa aote gemo hanege fatago gemo hanege alagepa gemo hanege huʼniye.

Lomu 7:16

Hosu kavaʼmo nehuʼnaeʼmo oʼnahauʼniyaʼmofeʼmo keʼaepa gemoʼe naipamoʼeʼmo magoke agufa gemo nehaʼae.

Lomu 7:22

Nagaemo saufa naipafatiʼmo Goti keʼaepa geʼaeʼmo nahauʼnigeʼna namogaga neʼauvaʼmonanafa

Filipai 2:5

Kalaisi Yesuʼa agesamo afiʼniya kava hutapa lapaipafiʼmo lapakesamo afitapa maiyo.

1 Pita 2:21

Gotiʼa ani kavaʼmo hisayafeʼmo lapakaefeʼmo keya aeno ge huʼniye. Kalaisiʼa mani agufa kavaʼmo huʼniyaʼmofeʼmae. Kalaisiʼa lagaetefeʼmo hanageke yaʼmo aliʼniyanageta akame hisuna kavaʼmo ago hu maleʼniyaʼmofeʼmo akame hisuna kavaʼmo huʼniye.