41 O Ala kava nene, huʼna, kahau huka nato. Huguve, huka huʼnana kavaʼmo huka nagufamo alika katika nato.
Nagufamo alika katika natesanafeʼmo aulu heʼna agege fatago kavakalefeʼmo gekamo agesuvafeʼmo aulu haeʼna agege huʼna maiʼnogenoʼaeʼmo naulagafatiʼmo nagafu nekiye.
Kagikaeʼmo hapau apayamopafiʼmo hapauʼniya vayaʼaitegamo nehana kava huka nagaefeʼmo kahau huka nato.
O, Ala kava nene, huʼna, nagufamo alika katika natesanafeʼmo naga nete. Keʼaepa gekaeʼmo namogaga neʼauve.
Gekamoʼmo alagepa huʼna maisuva yaʼmo alino namiʼniyaʼmofeʼmo kana yaʼmo neʼalugenoʼaeʼmo naipamoʼmo falu nehiye.
Nagaemo muki naipafatiʼmo, fiku naha maeka namiyo, huʼna kaha paiʼnove. Nahau huʼna lapategauve, huka laha paiʼnana kava huka kahau huka nato.
Nagupi mafaʼnemo alika katika atesanafeʼmo lusi kava huno nahauʼnigeno lokiyaʼnimo ago hano huʼniyaʼmonanafa kaha maegauve, huka huʼnana gekaeʼmo nagesamo afiteʼna navayagunagu nehuve.
O Ala kava nene, huʼna, kahau kayamopafiʼmo nekahaiya kavakamo alagepa kavaʼmo haneʼniyaʼmofeʼmo geʼnimo afiyo. Magoʼe huka kahau huka neʼapatana kavakaletiʼmo nagaetegamo aika afe leka eno.