Samu 119:38 - The Keyagana NT and 25 OT books

³⁸ Aliʼyakamo neʼaluva vekamoʼnafiʼmo gekamo alika lokiya vaika nato, kagaefekeʼmo koli nehuvaʼmofeʼmae.

Samu 119:38 ပူးပေါင်းရင်းမြစ်များ

Samu 103:11

Kokuʼnaʼmo muga anagamo haneʼniya kava huno agaefekeʼmo koli huteʼa mono nehaya vayaʼmo magoke aiyaya kava huno hau huno neʼapate.

Samu 103:13

Afoʼapimogi mafaʼne anagaʼapieʼmo hapau huʼa neʼapataya kava huno Ala kava neʼmoʼa agaefeʼmo koli huteʼa mono nehaya vayaʼaifeʼmo hau huno neʼapate.

Samu 103:17

Nefalunaʼmonanafa Ala kava nefeʼmo koli huteʼa mono nehaya vayaʼaifeʼmo akeyaʼvilagatiʼmo hau huno apatelineno henagaʼamo afole aisaya afinaʼeʼmo hau huno apatelinuno hau huno apateno hano osugiye. Agaemo laha neʼmaeya kava huno alita apateʼnonanageʼa henagaʼamo aliʼa apateliʼa visaya mafaʼne anagaʼmogimo kotalake geʼamo akame huteʼa ina kavaʼmo hiyo, huno huʼniya gemo neʼafiya vayaʼmo hapa neʼmae.

Samu 119:154

Agotileʼmo he tika maiʼneka naha maeka hatu maeka nato. Kaha maegauve, huka huʼnana gekalefeʼmo alika he tika nato.

Samu 119:49

Kagaemo aliʼyakamo neʼaluva vekamoʼnaeʼmo kaha maegauve, huka naha paiʼnana gekaeʼmo halate kagesamo afika ho huvo. Ani gekaeʼmo nagesamo afiʼnaeʼmo, alagi afole aigiye, huʼna huteʼna navayagunagu huʼna maisuvafeʼmo alika he tika nateʼnane.

Samu 119:50

Gekamoʼmo alagepa huʼna maisuva yaʼmo alino namiʼniyaʼmofeʼmo kana yaʼmo neʼalugenoʼaeʼmo naipamoʼmo falu nehiye.

Samu 119:76

Kagaemo aliʼyakamo neʼaluva vekamoʼnaeʼmo naha paiʼnana gekamo akame huka alagepa huka kahau huka nateteka naipamo alika falu huka nato.

Samu 145:19

Agaefeʼmo koli huʼneʼa mono nehaya vayaʼaiteʼmo hapauʼnisiya kavaʼmo afaʼa hugiye. Keya aeʼa ge nehagenoʼaeʼmo apakufamo alino katino neʼapate.

Samu 147:11

Ala kava neʼmoʼa vayaʼmogimo agaefeʼmo koli nehaya vayaʼaifeʼmo amuse huge hau huno neʼapateya kavafeʼmo aliʼa amufa neʼamiya vayaʼaifeʼmo amuse huge nehiye.

2 Kolitiyani 1:20

Gotiʼa muki asole geʼamo alagi lama ge huno ani kavaʼmo huguve, huno hu maleʼniya polomasi geʼamo Kalaisitetiʼmo, he, huno huteno alino afole aino neʼate. Alino afole aino neʼateyaʼmofeʼmo lagaemo Kalaisitetiʼmo, he, lama gemo haneʼniye, huteta Goti agiʼaleʼmo alita asaga nehune.