Samu 119:34 - The Keyagana NT and 25 OT books

³⁴ Alagepa nagesamo afisuva yaʼmo alika namigeʼnao keʼaepa gekamo akame hino. He, muki naipafatiʼmo akame huguve.

Samu 119:34 ပူးပေါင်းရင်းမြစ်များ

Samu 111:10

Ala kava nefeʼmo koli nehisaya vayaʼmogi aepa nefaiyanageʼa afiteʼa agegae. Agiʼaleʼmo aliʼa asaga huʼa neʼataya kavaʼmo hanege hanege huno hanegaiye.

Samu 119:10

Muki naipafatiʼmo kagesuvafeʼmo kahauya huʼnove. Hiyo, huka huʼnana keʼaepa gekamo ataleʼna visuvafeʼmo oʼnatalo.

Samu 119:100

Namiʼnana keʼaepa gemo akame nehuvaʼmofeʼmo nagaemo gemo aepaʼamo afiʼnova kavaʼnimoʼmo kosuna vayaʼmogi gemo aepaʼamo afiʼnaya kavaʼapimo ago aeno agaseʼniye.

Samu 119:104

Namiʼnana keʼaepa gemoʼmo gemo aepaʼamo neʼafuva kavaʼmo alino namiʼniyaʼmofeʼmo muki aigofe gelefeʼmo naini huʼnove.

Samu 119:125

Nagaemo aliʼyakamo neʼaluva vekamo maiʼnove. Nagaemo keʼaepa gekamo kavayafatiʼmo hisanageʼna gekamo aepaʼamo afisuva kavaʼmo alika namiyo.

Samu 119:130

Gekamoʼmo vayaʼai apaipafiʼmo faleno uno haitenoʼaeʼmo aeno ha nele. Negi vayaʼmogi gekamo afiteʼapaeʼmo gemo aepaʼamo afigae.

Samu 119:144

Kavayafatiʼmo huʼnana keʼaepa gekamo fatago kavaʼamoʼmo alagi hanege hanege huno muki afinaʼaeʼmo hanegaiye. Kagaemo gemo aepaʼamo afisuva kavaʼmo namigeʼnao afaʼa maino.

Samu 119:169

O Ala kava nene, huʼna, lokiya vaiʼna ge nehuva geʼnimo afiyo. Lapa maegauve, huka huʼnana gekalefeʼmo gemo aepaʼamo afisuva kavaʼmo namiyo.

Samu 119:2

Avayafatiʼmo huʼniya keʼaepa geʼamo akame huge agesayafeʼmo muki apaipafatiʼmo kahauya huge huʼa neʼmaiya vayaʼmogi Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 119:58

Nagaemo muki naipafatiʼmo, fiku naha maeka namiyo, huʼna kaha paiʼnove. Nahau huʼna lapategauve, huka laha paiʼnana kava huka kahau huka nato.

Samu 119:66

Nagaemo hiyo, huka huʼnana gekaeʼmo nagesamo afiʼna fatago nehuvaʼmofeʼmo alagepa naipa nagesamo namiyo.

Samu 119:69

Himuʼnamu kavaʼmo nehaya vayaʼmogi aigofe nava gemo huteʼa huʼa faipa huʼa nateʼnayaʼmonanafa muki naipafatiʼmo namiʼnana gekamo akame huguve.

Samu 119:73

Kagaemo kayatetiʼmo nagupi mafaʼnemo alo huka nateteka nagufamo alo huka nateʼnane. Hiyo, huka laha paiʼnana gemo afisuva nagesamo namiyo.

Matiyu 5:19

Inagi mago vekamoʼmo henaga keʼaepa gefatiʼmo mago aise gemo amagino ataleteno vayaʼmogi amagiʼa atalesayafeʼmo alino apaya malesiyana Gotiʼa yagaino neʼapateya koteʼmo ina agufa vekamo maigiye. Maigiyaʼmonanafa mago vekamoʼmo keʼaepa gemo akame nehunoʼaeʼmo vayaʼmogi akame hisayafeʼmo alino apaya maleʼnisiyana Gotiʼa yagaino neʼapateya koteʼmo ala vekamo maigiye.

Matiyu 7:24

Ani kavafeʼmo huʼnaeʼmo, muki vayaʼmogimo mani hapa nepauva gemo afiteʼa akame nehaya vayaʼmogimo mago afiteno ageʼniya vekamoʼmo noʼamo alopa yafateʼmo faino ateteno ki maleʼniya vekagana huʼa maiʼnae.

Yoni 7:17

Ina lagimo Gotiʼa hauʼniya kavaʼmo hisayafeʼmo hapauʼnisifigeʼna aliʼna apaya neʼmalova geeʼmo huʼapaeʼmo Gotitegatiʼmo eʼnifi agaiʼa aipafatiʼmo nehifi huʼa afaʼa afigae.

Yemisi 1:25

Age nekaniyaʼmonanafa mago vekamoʼmo Goti keʼaepa geʼamoʼa uno haino hapaiʼniya kanale geʼaletiʼmo hatu maeno neʼapateya geleʼmo aulu heno ageʼniya geeʼmo age okanino agesamo afifi huno akame nehisiyana kanale hugiye. Muki kavaʼamo nehisigenoʼaeʼmo Gotiʼa alino auleno ategaiye.

Yemisi 1:5

Lapakaepatiʼmo mago vekamoʼmo ageteno afiʼniya kavaʼamo magoʼe huno oʼaliʼnisiyaʼmoʼmo Gotifeʼmo ge huno afi gesigeno Gotiʼa ge ohaugiyanageno muki vayaʼaina magoʼe huno apamigiye.

Yemisi 4:11

Konagatapimogifeʼmo huta faipa hutapa oʼapateyo. Mago vekamoʼmo konagaʼamofeʼmo huno faipa huno ateteno alino fako huno atesiyana Goti keʼaepa geʼaeʼmo huno faipa huno ateteno alino fako huno neʼate. Lapakaemo keʼaepa geʼamo alita fako hutapa atesayana keʼaepa geʼamo akame osutapa keʼaepa geʼamo alita fako hutapa neʼatae.