Samu 119:25 - The Keyagana NT and 25 OT books

²⁵ Nagupi mafaʼnemo asagauno aiteno mopafiʼmo maiʼniye. Lapa maegauve, huka huʼnana gekamo akame huka alika he tika nato.

Samu 119:25 ပူးပေါင်းရင်းမြစ်များ

Samu 119:107

O Ala kava nene, huʼna, lusi kana yaʼmo aliʼnovanagi kaha maegauve, huka huʼnana gekalefeʼmo alika he tika nato.

Samu 119:149

O, Ala kava nene, huʼna, kahau kayamopafiʼmo kahauʼniya kavakaletiʼmo geʼnimo afiyo. Alagepa huka alika fako nehana kavakaletiʼmo alika he tika nato.

Samu 119:156

O Ala kava nene, huʼna, Lusi kava huka kahau huka apatege apatege huka neʼmaine. Alagepa huka alika fako nehana kavakaletiʼmo alika he tika nato.

Samu 119:159

Namiʼnana keʼaepa gekaeʼmo nahau nayamopafiʼmo nahauʼniya kavaʼnieʼmo kagesamo afiyo. Kahau kayamopafiʼmo kahauʼniya kavakaletiʼmo alika he tika nato.

Samu 119:37

Alu yaʼmo aulu haeʼna neʼagesugekaeʼmo alika aika afe leka nato. Kagae kateʼmo neʼvisugekaeʼmo alika he tika nato.

Samu 119:40

Namiʼnana gekaeʼmo nahaʼye nehiye. Fatago kavakaletiʼmo alika he tika nato.

Samu 119:88

Nagaemo kavayafatiʼmo huʼnana keʼaepa gekamo akame hisuvafeʼmo muki afinaʼaeʼmo kahau kayamopafiʼmo nekahaiya kavakaletiʼmo alika he tika nato.

Samu 119:93

Namiʼnana keʼaepa gekaeʼmo muki afinaʼaeʼmo nage okanigiye. Gekaletiʼmo alagepa huʼna maisuva yaʼmo alika namiʼnanaʼmofeʼmae.

Samu 143:11

O Ala kava nene, huʼna, kagikalefeʼmo alika he tika nato. Fatago kavakalefeʼmo kana yapatiʼmo nagupi mafaʼnemo alika katika nato.

Samu 22:15

Hapamo leno hau nehiya kava huno lokiyaʼnimo hau huʼnigeno lokiyaʼnimo alagi ohaneʼniye. Ani kava huno navenafuʼnamo hau huʼnigeno navayafiʼmo aeno kamaeʼniye. Nataleʼnanageʼna falisuvafeʼmo nehuve.

Samu 80:18

Kagaemo agaeteʼmo kayaʼmo afaʼa malesanageta kataleta oʼugune. Kagaemo faliʼnonategatiʼmo alika hetika lategetao kagikaeʼmo nunumuʼmo huta keya aegaune.

Aiyeya 65:25

Lokiya afela kala anagaʼmogimo aikeli sipisipi anagaʼeʼmo magokepiʼmo lokaeʼa maiʼneʼa neʼyaʼmo negae. Lokiya afela pusi anagaʼmogimo aikeli meme anagaʼeʼmo lokaeʼa havaegae. Afayaʼe aikeli pulumaka anagaʼmogi kahaumo neʼnaya kava huʼa Aikeli laiyoni anagaʼmogimo negae. Aise mafaʼnemoʼmo yagaino apategaiye. Pulumakamogi kahaumo neʼnaya kava huʼa laiyoni anagaʼmogi kahaumo negae. Nehapaya nakaloʼyavemogimo mumusopamo negae. Vayaʼmogi aote aveʼnileʼmo muki kotegamo kaveta osuge aliʼa hosu huʼa oʼapatege huteʼa alagepa huʼa maigae, huno ani gemo Ala kava neʼmoʼa huʼniye.

Matiyu 16:23

Yesuʼa aino afe leno ha painoʼaeʼmo, Sataniyo, kaune ho. Kaʼnimo akanika natesanafeʼmo hane. Goti aipa agesamo oʼaliʼnapa ma mopafi vayaʼai apaipa apakesamo aliʼnane, huno ha paiʼniye.

Filipai 3:19

Atupa afinaʼapimo Gotiʼa alino apagoʼya lagauno apatalesigeʼa alagi afela hegae. Apakaemo neʼyafekeʼmo lusi kava huʼa apakesamo neʼafiya yaʼmo gotiʼapimoʼae. Apavagage hisiya yafekeʼmo amuse huʼa neʼatae. Ma mopafi yatefekeʼmo apaipa apakesamo aliʼa atageno neʼviyaʼmonanafa

Kolosi 3:2

Ma mopafi yafeʼmo lapakesamo oʼafitapa muga anaga kotegamo nehaneya yafekeʼmo lapakesamo afiyo.