Samu 119:173 - The Keyagana NT and 25 OT books

¹⁷³ Namiʼnana keʼaepa gekamo lekana pai maleʼnovaʼmofeʼmo kayatetiʼmo naha mao.

Samu 119:173 ပူးပေါင်းရင်းမြစ်များ

Samu 119:111

Mafaʼneʼapimogimo afoʼapimogi kagemi yaʼapimo neʼaliya kava huʼna kavayafatiʼmo huʼnana keʼaepa gemo aliʼnovanageno hetamaʼnimo hanege hanege huno hanegaiye. Ani gekaeʼmo naipafiʼmo namogaga neʼauve.

Samu 119:117

Nayateʼmo aliyo, afela oseʼna afaʼa maiguve. Afaʼa maiʼneʼna muki afinaʼmo avoʼmo kae maleʼnaya keʼaepa gekamo akame huguve.

Samu 119:30

Lama ge kateʼmo uguve, huʼna nagesamo afiʼnove. Alika fako huʼnana gemo aliʼna naulagaleʼmo maleʼnove.

Samu 119:35

Hiyo, huka laha paiʼnana gekaeʼmo namogaga neʼauvaʼmofeʼmo ani kateʼmo uʼneʼna hisuva naipamo alika kalika nato.

Samu 119:40

Namiʼnana gekaeʼmo nahaʼye nehiye. Fatago kavakaletiʼmo alika he tika nato.

Samu 119:94

Nagaemo namiʼnana keʼaepa geeʼmo kahauya huʼnovaʼmofeʼmo nagaemo kagaika vekamo maiʼnovanagi nagufamo alika katika nato.

Samu 37:24

Apakaemo asagauʼa neʼaigenoʼaeʼmo Ala kava neʼmoʼa apayateʼmo alino he tino neʼapateyaʼmofeʼmo alagi asagauʼa oʼaigae.

Mai'naya kavane 1:29

Gemo afisayafeʼmo alagi ohapauʼniyaʼmofeʼmae. Ala kava nefeʼmo koli huteʼa akame hisayafeʼmo ohapauʼniyaʼmofeʼmae.

Maki 9:24

malage huno ani mafaʼnemo afoʼamoʼmo aulagafatiʼmo aunumo emineʼnigeno alopa gefatiʼmo hunoʼaeʼmo, Ala kava nene, huno, Nagesamo afiʼna fatago huʼnovaʼmonanafa nagesa afiʼna fatago osuʼnovanagi afaʼa naha mao, huno huʼniye.

Luki 10:42

Maliyaʼa ani alagepa yafekeʼmo agesamo afiteno ago lekana paino aliʼniyaʼmofeʼmo mago vekamoʼmo ayapatiʼmo alino hafaleno oʼatalegaiye, huno ha paiʼniye.

2 Kolitiyani 12:9

Huʼna ge huʼnovaʼmonanafa naha painoʼaeʼmo, Fikumo kaha maeʼna kamisugeno kaha maesiyaʼmoʼmo kagaetefeʼmo alagi haiʼmae. Na kava hinageʼnaene. Himamuʼnimoʼa lokiya noʼvaiya kavatetiʼmo alagepa huno afole neʼaiye, huno naha paiʼniyaʼmofeʼmo Kalaisi himamuʼamo nagaeteʼmo emineno hanesiyafeʼmo lokiya noʼvauva kavafeʼmo amuse huteʼna namogaga aiguve.

Filipai 4:13

Nagaemo Kalaisipiʼmo maiʼneʼnaeʼmo lokiya vaino neʼnateya himamuʼaletiʼmo muki kavaʼamo afaʼa huguve.

Yasuva 24:15

Lapakaemo Ala kava neʼmo akame hisayafeʼmo olapauʼnisiyana apakame hisaya gotigimo hemenimo lekana paiyo. Lapakaemo lapakinago vayaʼmogi Yufaleti aniʼmo mugagayaga faliga maiʼneʼapaeʼmo aigofe gotigimo apakame huʼnaya gotigimo apakame hisafi hemenimo lapakaemo Emo vayaʼmogi mopaʼapileʼmo maiʼnetapaeʼmo Emo vayaʼmogi gotiʼapimogimo apakame hugae. Lagaetefeʼmo nagaiʼniʼe afamo anagaʼniʼeʼmo lagaemo Ala kava nekeʼmo akame huta aliʼyaʼamo aligune

Yasuva 24:22

Yasuvaʼa apakaefeʼmo hapa painoʼaeʼmo, Lapakaitapimo Ala kava neʼmo akame hugune, hutapa huʼnayaʼmofeʼmo ani kavatefeʼmo vitanisi vayaʼmo maiʼnae, huno hapa paiʼnigeʼapaeʼmo, He, ani kavatefeʼmo vitanisi vayaʼmo maiʼnone, huʼa ha paiʼnae.