Samu 119:161 - The Keyagana NT and 25 OT books

¹⁶¹ Ala vayaʼmo yagaiʼnaya vayaʼmogi apaini huʼa neʼnataya kavaʼapimo aepa vekamo oʼmaiʼnovaʼmonanafa gekaekeʼmo koli nehuve.

Samu 119:161 ပူးပေါင်းရင်းမြစ်များ

Aepa Gemae 39:9

Noʼafiʼmo mago vekamo aeno naga seʼniya vekamo oʼmaiʼnigeʼna muki yaʼe vayaʼaiteʼeʼmo nagaiʼnigeʼmo yagaiʼnove. Muki yaʼamo alino namiʼniyaʼmonanafa kagaemo aʼamo maiʼnanaʼmofeʼmo kavaleno oʼnamiʼniye. Haiya kava huʼna ani alopa hosu kavaʼmo Gotitegamo huguve, huno ha paiʼniye.

Aepa Gemae 42:18

Inagi loleʼe magoʼe felugamo hano huʼnigenoʼaeʼmo Yosefeʼa hapa painoʼaeʼmo, Nagaemo Gotifeʼmo koli nehuva vekamo maiʼnovaʼmofeʼmo geʼnimo akame hisayana ofalitapa afaʼa maigae.

Samu 119:157

Asole vayaʼmogi apaini huʼa natege kame huʼa natege huʼa maiʼnayaʼmonanafa kavayafatiʼmo huʼnana keʼaepa gekamo ataleʼna oʼuʼnove.

Samu 119:23

Yagaiʼnaya vayaʼmogimo fai maiʼneʼapaeʼmo huʼa faipa huʼa nateʼnayaʼmonanafa aliʼyakamo neʼaluva vekamoʼnamo avoʼmo kae maleʼnaya keʼaepa gekaeʼmo nagesa afifi huʼna maiʼnove.

Samu 4:4

Lapaipamo lesiya afinaʼmo hosu kavaʼmo osiyo. Hipaleʼmo havae netapaeʼmo lapaipafiʼmo lapakesa afifi hutetapa ge osiyo.

Aiyeya 66:2

Nagaemo ma mopaʼe kokuʼnaʼeʼmo alo huʼnogeno muki ani yaʼmo nagaiʼni yaʼmo haneʼniyaʼmonanafa haiya agufa vekaeʼmo ageʼna alagepa huʼna amuse huguve. Haneʼniyaʼmonanafa nagaemo ani vekamo naunenametefeʼmo ageʼna oʼmaleʼnove, huno huge hosu kavaʼaeʼmo aipamo kana huteno geʼnimo afiteno atete huge nehiya vekamo alagepa huʼna ageʼna amuse huguve.

Yoni 15:25

Apakae keʼaepa gemoʼmo hunoʼaeʼmo, apakaetegamo mago hosu kavaʼmo osuʼnovaʼmonanafa nagaefeʼmo fikumo apaini huʼnae, huno avoʼmo kae maleʼniya gemo afole aisiyafeʼmo ani kavaʼmo nehae.

1 Samiyo 21:15

Negi nagi nehaya vayaʼmogi aliʼyaʼnimo alisafiye. Na kava higetapaeʼmo lapakaemo ani vekamo avalelitapa nagae naulagaleʼmo eʼnagenoʼaeʼmo ani negi nagi kavaʼmo nehiye. Ani vekamo noʼnifiʼmo uno haisifiye, huno hapa paiʼniye.

1 Samiyo 26:18

Ala vekaʼnimogae, huʼna, Na kava higekaeʼmo aliʼyakamo neʼaluva vekamo natafausanafeʼmo kahauya nehane. Na agufa hosu kavaʼmo huʼnove.