145 Nagaemo muki naipafatiʼmo, Ala kava nene, huʼna, geʼnimo afiyo, avoʼmo kae maleʼnaya keʼaepa gekamo akame huguve, huʼna kagaefeʼmo ge nehuve.
Muki naipafatiʼmo kagesuvafeʼmo kahauya huʼnove. Hiyo, huka huʼnana keʼaepa gekamo ataleʼna visuvafeʼmo oʼnatalo.
Nagaemo huʼnaeʼmo, Alika fako nehana gekamo fatago gemo akame huguve, huʼna nagoʼyamo ataleteʼna ago kaha paiʼnove.
Hosu kavaʼmo nehaya vayaʼmogitapae, huʼna, nagaetegatiʼmo ataletapa viyo. Gotiʼnimoʼmo hiyo, huno huʼniya gemo akame huguve.
Ani kava huʼna maiʼneʼnaeʼmo muki afinaʼaeʼmo keʼaepa gekamo akame hume hume uʼna maiguve.
Nagaemo muki naipafatiʼmo, fiku naha maeka namiyo, huʼna kaha paiʼnove. Nahau huʼna lapategauve, huka laha paiʼnana kava huka kahau huka nato.
Avoʼmo kae maleʼnaya keʼaepa gekamo akame huguvanagi alagi nataleka oʼuvo.
Vayaʼmogitapae, huʼna, muki afinaʼmo agaefekeʼmo alita amufa amiyo. Lapaipafatiʼmo aniʼmo lakigekana hutapa nunumuʼmo hutapa ha paiyo. Lagaetegamo hosu kavaʼmo afole neʼaigetaeʼmo Gotipiʼmo alagepa huta fala kita neʼmaune.
Hanaʼmo ani kana yaʼmo aliteno lusi kava huno alino amalagino aviʼyaʼmo nehunoʼaeʼmo Ala kava nefeʼmo nunumuʼmo huʼniye.
Hanaʼmo geʼaleʼmo aeno atagaina hunoʼaeʼmo, Ala vekae, huno, nagaemo negi nagi nosuve. Nagaemo nofi alagafati aniʼmo oʼnege miya aniʼmo oʼnege huʼnove. Haʼao, naipamoʼmo kana nehiyaʼmofeʼmo Ala kave nefeʼmo kana aliʼnova yaʼnimo aeʼna hakalo huʼna nunumuʼmo nehuve.