Samu 119:139 - The Keyagana NT and 25 OT books

¹³⁹ Kame vayaʼnimogi gekaeʼmo apake kaniʼniyaʼmofeʼmo nayamukiki nehuva kavaʼnimoʼmo atagana huno leno nasaga liʼniye.

Samu 119:139 ပူးပေါင်းရင်းမြစ်များ

1 Kini 19:10

Nagaemo Ala kava neʼmo asole vayaʼaiteʼmo yagaino neʼapateya Gotitefeʼmo naya mukiki huʼna aliʼyaʼamo neʼaluve. Isaleli vayaʼmogimo hu maleʼnana kotalakemo atalege ofalinimo hisaya yafa hiʼyalamukamo aliʼa naku paege kagaetegati gemo alini eʼa aeʼa hakalo nehaya vayaʼmo naipeletiʼmo kamitimo apaige huʼnageʼnaeʼmo nagaiʼnimo magokeʼageʼmo maiʼnogeʼapaeʼmo hemenimo nagaeʼeʼmo kamitimo namagisageʼna falisuvafeʼmo nehae, huno huʼniye.

1 Kini 19:14

Nagaemo Ala kava neʼmo asole vayaʼaiteʼmo yagaino neʼapateya Gotitefeʼmo naya mukiki huʼna aliʼyaʼamo neʼaluve. Isaleli vayaʼmogimo hu maleʼnana kotalakemo atalege yafa hiʼyalamukamo aliʼa naku paege kagaetegati gemo alini eʼa aeʼa hakalo nehaya vayaʼmo naipeletiʼmo kamitimo apaige huʼnageʼnaeʼmo nagaiʼnimo magokeʼageʼmo maiʼnogeʼapaeʼmo hemenimo nagaeʼeʼmo kamitimo namagisageʼna falisuvafeʼmo nehae, huno huʼniye.

Samu 53:4

Gotiʼa hunoʼaeʼmo, oʼafiʼneʼa hosu kavaʼmo nehaya vayaʼmo negi nagi vayaʼmo maiʼnafiye. Neʼyaʼmo neʼnaya kava huʼa vayaʼnimo apamagiʼa hano huʼa apataleteʼa Gotifeʼmo nunumuʼmo nosae, huno huʼniye.

Samu 69:10

Aviʼyaʼmo huge nagupi mafaʼnemo aliʼna afepi atesuvafeʼmo neʼyaʼmo mo sige huʼna maiʼnogeʼapaeʼmo huʼa faipa huʼa nateʼnae.

Samu 69:9

Kagaemo nokamo alagepa huno hanesiyafeʼmo nayamukiki nehuvaʼmofeʼmo noʼnagae. Huʼa faipa huʼa nekataya gemoʼmo nagaeteʼmo asagauno aiʼniye.

Matiyu 21:13

Agaemo hapa painoʼaeʼmo, avoʼmo kae maleʼniya gemoʼa hunoʼaeʼmo, vayaʼmogi noʼnieʼmo, nunumuʼmo nehaya none, huʼa hugae, huno avoʼmo kae maleʼniyaʼmonanafa lapakaemo kumaya neʼaliya vayaʼmo eʼa fala kiʼa neʼmaiya none, hutapa alita hamaleta ateʼnae, huno hapa paiʼniye.

Matiyu 21:16

Apakaemo Yesufeʼmo, mafaʼne anagaʼmogi nehaya gemo afiʼnapiye, huʼa afi geʼnagenoʼaeʼmo, he afiʼnove. Goti gemoʼa hunoʼaeʼmo, aise mafaʼne anagaʼe nute mafaʼnemogiʼeʼmo kagikaleʼmo aliʼa asaga hisayafeʼmo alika apaya maleʼnane, huno huʼniya gemo lekana opaiʼnafiye, huno apafi geʼniye.

Matiyu 21:42

Yesuʼa hunoʼaeʼmo, lapakaemo mago Goti gemo avoʼmo kae maleʼniya gemo lekana opaiʼnafiye. Ani gemoʼa hunoʼaeʼmo, Yafatetiʼmo no nekiya vayaʼmogimo mago no nekiya yafafeʼmo huʼapaeʼmo, afa yafane, huʼa huteʼa aliʼa ataleʼnayaʼmonanafa kanale hogote kona yafaʼmo afole aiʼniye. Ala kava neʼmoʼa mani kavaʼmo alino afole aino ateʼnigeta ageteta lahau aitetaeʼmo, vae, huta, alagepa kavaʼmo huʼniye, huta huʼnone, huno huʼniye.

Matiyu 22:29

Yesuʼa hapa painoʼaeʼmo, lapakaemo Goti Mukufi gemo oʼafige Goti lokiyaʼamo oʼagege huʼnayaʼmofeʼmo ika ika lapakesamo neʼafiye.

Matiyu 9:13

Goti mukufi gemoʼmo hunoʼaeʼmo, Afumo heʼa ofalini namisayafeʼmo oʼnahauʼniyaʼmonanafa hapau huʼa apatesayafekeʼmo nahauʼniye, huno avoʼmo kae maleʼniya gemo aepaʼamo afisayafeʼmo uta kahauya hutapa ageyo. Nagaemo fatago vayaʼaifeʼmo keya aeʼna ge hisuvafeʼmo emiʼnoʼmeʼnofa hosu vayaʼaifeʼmo keya aeʼna ge hisugeʼa eʼa apaipamo aliʼa afe lesayafekeʼmo emineʼnove, huno hapa paiʼniye.

Yoni 2:17

Ani afinaʼmo geʼamo neʼafiya vayaʼmogi Goti mukufiʼmo avoʼmo kae maleʼniya geʼaeʼmo apakesamo afiʼa ho huʼnae. Ani gemoʼmo hunoʼaeʼmo, kagae noʼmo alagepa huno hanesiyafeʼmo naya mukiki nehuva kavaʼmo atagana huno leno nasaga liʼniye, huno huʼniye.

Apa 13:27

Yulusalemu taonifiʼmo maiʼnaya vayaʼe yagaiʼa neʼapataya vayaʼapimogiʼeʼmo Kalaisi vekamo maiʼniye, huʼa oʼageʼa Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya gemo muki sapati afinaʼmo lekana nepaiya gemo aepaʼamo oʼafiʼnayaʼmofeʼmo amagiyo, huʼa huʼnaya geletiʼmo hogoteʼa ago avoʼmo kae maleʼnaya gemo aliʼa afole aiʼa ateʼnae.