Samu 119:129 - The Keyagana NT and 25 OT books

¹²⁹ Kavayafatiʼmo huʼnana keʼaepa gekaeʼmo nahau neʼauva gemo haneʼniyaʼmofeʼmo nagupi mafaʼnemoʼmo akame nehiye.

Samu 119:129 ပူးပေါင်းရင်းမြစ်များ

Samu 119:146

Nagaemo, Nagufamo alika katika nategeʼnao kavayafatiʼmo huʼnana keʼaepa gekamo akame hino, huʼna kagaefeʼmo ge nehuve.

Samu 119:18

Naulagamo alika ayakeka nategeʼnao keʼaepa gekamo ageteʼna nahau aiguve.

Samu 119:2

Avayafatiʼmo huʼniya keʼaepa geʼamo akame huge agesayafeʼmo muki apaipafatiʼmo kahauya huge huʼa neʼmaiya vayaʼmogi Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 119:31

Kavayafatiʼmo huʼnana geleʼmo aiʼna kamaeʼnove. O Ala kava nene, huʼna, navagage yaʼmo alika oʼnamiyo.

Samu 139:6

Ago nageʼnanana kagae kaipa kagesamoʼmo nagae naipa nagesamo ago aeno agaseʼniyanageʼna afaʼa oʼagegauve.

Samu 25:10

Agaemo kotalakemo hu maleʼniya geʼamo akame huge avayafatiʼmo huʼniya geʼamo afige huʼa maiʼnaya vayaʼmo hau huno neʼapateya kateʼe geʼamo akame nehiya kateʼeʼmo apavalelino neʼviye.

Aiyeya 25:1

O Ala kava nene, huʼna, kagaemo Gotiʼnimogae, huʼna, kagikaleʼmo aliʼna asaga huguve. Kagaemo ageta lahau aiʼnona kavaʼmo huʼnanaʼmofeʼmo ala kagikamo kamiguve. Akeyaʼvilagamo kagaemo kagesa afikaeʼmo, ani kavaʼmo alagi huguve, huka lama gemo huteka ani kavaʼmo huʼnane.

Aiyeya 9:6

Laha maesiyafeʼmo akanomoʼmo mago mafaʼnemo alino ateʼniye. Afoʼamoʼmo ani mafaʼnemo avaleno lamiʼniye. Agaemo asole vayaʼaiteʼmo yagaino apatesiyafeʼmo kana yaʼmo alino agiʼnaleʼmo kofilino ugiye. Agiʼamo aeʼapaeʼmo, hapau neʼaiya kavaʼmo nehiya vekae, huʼa agi aege gemo huno alino api aino neʼapateya vekae, huʼa agi aege himamuʼage Gotiʼae, huʼa agi aege maige maige huno neʼmaiya Afoʼapimoʼae, huʼa agi aege kini vekamoʼmo alagepa huno yagaino neʼapategeʼa falu apaipa kaliʼa neʼmaiya kavaʼmo aepa vekae, huʼa agi aege hugae.

Leveleseni 19:10

Naha paiʼnigeʼna agaefeʼmo mono hisuvafeʼmo aiyafiʼmo asagauʼna aiʼnogenoʼaeʼmo, Nagaefeʼmo mono osuvo. Kagaeʼe konagakamogiʼeʼmo Yesufeʼmo ava geleʼmo atafauʼa alagi huʼnaya konagakamogiʼeʼmo magoke agufa aliʼyaʼmo neʼalune. Gotifekeʼmo mono huvo. Goti Aunemeʼamoʼmo Gotitegati gemo alini eʼa aeʼa hakalo huʼa hapa nepaiya vayaʼmo ani gemo apamiʼnigeʼa Yesufeʼmo ava gemo nehae, huno naha paiʼniye.