Samu 119:104 - The Keyagana NT and 25 OT books

¹⁰⁴ Namiʼnana keʼaepa gemoʼmo gemo aepaʼamo neʼafuva kavaʼmo alino namiʼniyaʼmofeʼmo muki aigofe gelefeʼmo naini huʼnove.

Samu 119:104 ပူးပေါင်းရင်းမြစ်များ

Samu 101:3

Nagaemo hosu kavaʼmo hisuvafeʼmo nagesamo oʼafiguve. Alagepa kaʼmo ataleʼa neʼvaya vayaʼai kavaʼapieʼmo naini huʼnovanageno ani agufa hosu kavaʼapimoʼa nagaeteʼmo aino okamaegaiye.

Samu 119:100

Namiʼnana keʼaepa gemo akame nehuvaʼmofeʼmo nagaemo gemo aepaʼamo afiʼnova kavaʼnimoʼmo kosuna vayaʼmogi gemo aepaʼamo afiʼnaya kavaʼapimo ago aeno agaseʼniye.

Samu 119:128

Gekamo aeʼa ati kaeʼnayaʼmofeʼmo muki kavatefeʼmo namiʼnana keʼaepa gekaeʼmo, fatago gemo haneʼniye, huʼna nagesamo afiteʼna aigofe kavatefeʼmo naini nehuve.

Samu 119:163

Aigofe gelefeʼmo naini huʼnovaʼmonanafa keʼaepa gekaeʼmo nahau nayamopafiʼmo nahauʼniye.

Samu 119:34

Alagepa nagesamo afisuva yaʼmo alika namigeʼnao keʼaepa gekamo akame hino. He, muki naipafatiʼmo akame huguve.

Samu 119:98

Muki afinaʼmo kagaemo hiyo, huka huʼnana keʼaepa gekamo nagaeʼeʼmo magokepi lokaeno haneʼniyaʼmofeʼmo keʼaepa gekaletiʼmo alika naya neʼmalanageʼnaeʼmo nagaemo afiteʼna ageʼnova kavaʼmoʼa kame vayaʼnimogi afiteʼa ageʼnaya kavaʼapimo ago aeno agaseʼniye.

Samu 36:4

Hipaʼapileʼmo havaeʼa maiʼneʼapaeʼmo hosu kavaʼmo hisayafekeʼmo apakesamo neʼafiye. Muki nehaya kavaʼapimo hosu kavaʼageʼmo haneʼnigeʼapaeʼmo muki hosu kavaʼapieʼmo, haʼao, alagi oʼnahaiye, huʼa nosae.

Samu 97:10

Ala kava nefeʼmo lapau lapayamopafi lapauʼnisiya vayaʼmogitapae, huʼna, Hosu kavafeʼmo lapaini hino. Agaemo apaote vayaʼamo maige maige huʼa maisayafeʼmo yagaino neʼapate. Agaemo hosu vayaʼai apayapatiʼmo neʼapavale.

Mai'naya kavane 14:12

Mago vayaʼmogimo alagepa kateʼmo neʼune, huʼa apakesamo neʼafiyaʼmonanafa vayaʼmo faliʼa uʼa neʼmaiya kotegageʼmo uʼa avaʼyi hugae.

Mai'naya kavane 8:13

Ala kava nefeʼmo koli nehaya kavaʼmoʼa hosu kavafeʼmo nohapaiya kavaʼmae. Nagaemo ala apaki alisayafe hisaya kavanagi vayaʼmo aliʼa afepi apatesayafe hisaya kavanagi hosu kateʼmo neʼvaya kavanagi aigofe nehaya geʼenagi alagi huno oʼnahaiye.

Matiyu 7:13

Alino apagoʼya lagauno apatalesiya kate kipaʼmo alopa kipaʼe alopa kaʼeʼmo haneʼnigeʼa muki asole vayaʼmo ani kateʼmo neʼvayaʼmofeʼmo aise kipapiʼmo uta haiyo.

Lomu 12:9

Aigofe olahapauno lapaipafatiʼmo lapau lapayamopafiʼmo lahapaino. Hosu kavafeʼmo alagi olahapauʼninagetapa alagepa kavateʼmo atafautapa alagi hutapa maiyo.