Samu 119:10 - The Keyagana NT and 25 OT books

¹⁰ Muki naipafatiʼmo kagesuvafeʼmo kahauya huʼnove. Hiyo, huka huʼnana keʼaepa gekamo ataleʼna visuvafeʼmo oʼnatalo.

Samu 119:10 ပူးပေါင်းရင်းမြစ်များ

Samu 119:118

Muki vayaʼmogi avoʼmo kae maleʼnaya keʼaepa gekamo amagiʼa neʼatalaya vayaʼmo kakameʼyamo neʼapamine. Apakaemo aigofe kavaʼmo nehuʼapaeʼmo apakaiʼapieʼmo humi neʼapatae.

Samu 119:133

Kagaemo gekaletiʼmo alika ho huka nateteka hosu kavaʼmoʼa yagaino oʼnatesiyafeʼmo nataleka oʼuvo.

Samu 119:176

Nagaemo hiyo, huka huʼnana gekaeʼmo nage okaniʼniyaʼmofeʼmo kahauya huka nago. Afela heʼniya sipisipigana huʼna kataleʼna uʼnovanagi aliʼyakamo neʼaluva vekamo kahauya huka nageka navalo.

Samu 119:2

Avayafatiʼmo huʼniya keʼaepa geʼamo akame huge agesayafeʼmo muki apaipafatiʼmo kahauya huge huʼa neʼmaiya vayaʼmogi Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 119:21

Himuʼnamu kavaʼmo nehaya vayaʼaifeʼmo lifana huka apateʼnana vayaʼmogimo kakamo ataleʼa neʼvagekaeʼmo ge nehapane.

Samu 119:34

Alagepa nagesamo afisuva yaʼmo alika namigeʼnao keʼaepa gekamo akame hino. He, muki naipafatiʼmo akame huguve.

Samu 119:58

Nagaemo muki naipafatiʼmo, fiku naha maeka namiyo, huʼna kaha paiʼnove. Nahau huʼna lapategauve, huka laha paiʼnana kava huka kahau huka nato.

Samu 119:69

Himuʼnamu kavaʼmo nehaya vayaʼmogi aigofe nava gemo huteʼa huʼa faipa huʼa nateʼnayaʼmonanafa muki naipafatiʼmo namiʼnana gekamo akame huguve.

Samu 125:5

Ala kava neʼmoʼa alagepa kaʼmo ataleʼa kayagi kayaga kateʼmo neʼvaya vayaʼmo apavalelino visigeʼa hosu kavaʼmo nehaya vayaʼeʼmo magokepi lokaeʼa ugae. Isaleli vayaʼmogitapae, huʼna, Ala kava neʼmoʼa lapa maenagetapa yuna lapaipamo kalita maiyo.

Samu 23:3

Nagupi mafaʼnemoʼmo halate alino alagepa huno neʼate. Agaemo agiʼalefeʼmo fatago kavaʼmo hisuvafeʼmo alu kate alu kateʼmo navalelino neʼviye.

Samu 78:37

Agaetefeʼmo apaipamoʼmo kanale osuʼnigeʼa kotalake geʼamo ago amagiʼa ataleʼnae.

Mai'naya kavane 2:13

Ani vayaʼmogimo alagepa kaʼmo ataleʼa hosu kaʼmo hani huʼniya kateʼmo neʼvae.

Mai'naya kavane 21:16

Mago vekamoʼmo afino aeto hisiya kaʼmo atalesiyana faliʼnaya vayaʼmo aliʼa anupa huʼa neʼmaiyategamo uno maigiye.

Aiyeya 35:8

Ani haopalegamo mago alopa kaʼmo aote kaʼmo hanegaiye. Vayaʼmogimo ani kafeʼmo agi aeʼapaeʼmo, apaote vayaʼmogi kane, huʼa agi aegae. Hosu kavaʼapimo aeʼa kalo opaeʼnaya vayaʼmo ani kateʼmo oʼugayaʼmonanafa alu vayaʼmogimo ani kateʼmo afaʼa ugae. Ani kateʼmo neʼvaya vayaʼmo negi vayaʼmo maiʼnisayana kafeʼmo ika huteʼapaeʼmo ataleʼa alu kateʼmo oʼugae.

Matiyu 6:24

Mago aliʼyaʼmo neʼalisiya vekamoʼmo lole aliʼyaʼmo afoʼalaʼmoganiteʼmo aliʼyaʼmo afaʼa oʼaligiye. Agaemo mago alu aliʼyaʼmo afoʼamofeʼmo aini huʼnisiyana mago alu vekaeʼmo hau ayamopafiʼmo hauʼnisigeno geʼamo afiteno alu aliʼyaʼmo afoʼamofeʼmo ohauʼnisigeno akameʼyamo amigiye. Lapakaemo ani kava hutapa Goti aliʼyaʼe ma mopafi aliʼyaʼeʼmo afaʼa oʼaligae.

Kolosi 3:22

Aliʼyaʼmo neʼaliya vayaʼmogitapae, huʼna, fiku yanagetapa aliʼyaʼmo afoʼamogimo amuse huʼa lapatesayafeʼmo apaulagaleʼmo maiʼnetapaeʼmo geʼapimo neʼafiye. Gotifeʼmo koli hutetapa muki afinaʼmo lapaipafatiʼmo geʼapimo afiyo.

1 Yoni 2:15

Lapakaemo ma mopafi kavafeʼmofi ma mopafi yafeʼmofi huno olapaino. Ma mopafi kavafeʼmo nehapaiya vayaʼmogimo Afotimo Gotifeʼmo hapau apayamopafiʼmo nohapaiye.

1 Samiyo 7:3

Inagi Samiyoʼmo muki Isaleli vayaʼaifeʼmo hapa painoʼaeʼmo, Lapakaemo lapaipamo alagi alita afe letetapa Ala kava netegamo halate esayana malaga vayaʼai aigofe gotiʼapimogi alita atalege a kanomo goti auneʼamo mono nehaya auneʼamo alita atalege hiyo. Lapakaemo Ala kava netefekeʼmo lapaipamo alo hutetapa agaiʼageʼmo akame hisayana Filisatini vayaʼai apayapatiʼmo lapakufamo alno katino lapategaiye, huno hapa paiʼniye.